Punjab News : ਕਿਹਾ -ਬਲਾਤਕਾਰੀ ਬਜਿੰਦਰ ਦੇ ਡੇਰੇ 'ਚ AK-47 ਬੰਦੂਕਾਂ ਅਤੇ ਹੋਰ ਅਸਲਾ ਵੱਡੀ ਗਿਣਤੀ 'ਚ ਪਿਆ

Punjab News in Punjabi : ਇੱਕ ਨਵੀਂ ਸੀਸੀਟੀਵੀ ਦੀ ਵੀਡੀਓ ਸਾਹਮਣੇ ਆਈ ਹੈ, ਜਿਸ ਵਿਚ ਬਜਿੰਦਰ ਪਾਸਟਰ ਆਪਣੇ ਬੰਦਿਆਂ ਤੋਂ ਇੱਕ ਵਿਅਕਤੀ ਦੀ ਕੁੱਟਮਾਰ ਕਰਵਾਉਂਦਾ ਹੈ। ਇਸ ਬਾਰੇ ਪੀੜਤ ਦਲਵਿੰਦਰ ਸਿੰਘ ਬੈਨੀਪਾਲ ਨੇ ਰੋਜ਼ਾਨਾ ਸਪੋਕਸਮੈਨ ਦੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਇਹ ਮਾਮਲਾ 2021 ਅਪ੍ਰੈਲ ਦਾ ਹੈ ਇਸ ਵੀਡੀਓ ’ਚ ਮੇਰੇ ਨਾਲ ਕੁੱਟਮਾਰ ਕੀਤੀ ਜਾ ਰਹੀ ਹੈ। ਉਸ ਸਮੇਂ ਦਿੱਲੀ ਧਰਨਾ ਚੱਲਦਾ ਸੀ ਕਿਸੇ ਕਿਸਾਨ ਆਗੂ ਨੇ ਗਰੁੱਪ ਵਿਚ ਇੱਕ ਵੀਡੀਓ ਪਾਈ ਕਿ ਮੇਰੇ ਪਿਤਾ ਨਾਲ ਕੁੱਟਮਾਰ ਕੀਤੀ ਜਾ ਰਹੀ ਹੈ। ਮੈਂ ਉਥੇ ਪਹੁੰਚਿਆ ਤੇ ਪੁੱਛਿਆ ਕਿ ਤੁਸੀਂ ਇਸ ਕਿਸਾਨ ਨੂੰ ਕਿਉਂ ਕੁੱਟਦੇ ਹੋ ਅਤੇ ਅਸੀਂ ਉਥੇ ਚਰਚ ਦੇ ਸਾਹਮਣੇ ਰੋਡ ’ਤੇ ਧਰਨਾ ਲਗਾ ਦਿੱਤਾ ਸੀ। 

ਉਸ ਤੋਂ ਬਾਅਦ ਪੀੜਤ ਦਲਵਿੰਦਰ ਨੇ ਦੱਸਿਆ ਕਿ ਧਰਨੇ ਵਿਚੋਂ ਬਜਿੰਦਰ ਪਾਸਟਰ ਦੇ 70-80 ਗੁੰਡੇ ਹਥਿਆਰਾਂ ਸਮੇਤ ਨਾਲ ਆਏ ਅਤੇ ਮੇਰੇ ਸਿਰ ’ਤੇ ਗੰਨ ਰੱਖ ਕੇ ਚੁੱਕ ਕੇ ਲੈ ਗਏ। ਅੱਗੇ ਪੀੜਤ ਦਲਵਿੰਦਰ ਨੇ ਦੱਸਿਆ ਕਿ ਕੁੱਟਮਾਰ ਕਰ ਕੇ ਮੇਰਾ ਹੱਥ ਤੋੜਿਆ ਗਿਆ। ਮੈਨੂੰ ਤਾਂ ਇਹ ਲੱਗਾ ਕਿ ਮੈਂ ਅੱਜ ਨਹੀਂ ਬੱਚਦਾ। ਜੇਕਰ ਡਿਪਟੀ ਸਾਹਿਬ ਨਾ ਆਉਂਦੇ ਤਾਂ ਇਹ ਮੈਨੂੰ ਮਾਰ ਹੀ ਦਿੰਦੇ। ਬਲਾਤਕਾਰੀ ਬਜਿੰਦਰ ਦੇ ਡੇਰੇ 'ਚ AK-47 ਬੰਦੂਕਾਂ ਅਤੇ ਹੋਰ ਅਸਲਾ ਵੱਡੀ ਗਿਣਤੀ 'ਚ ਪਿਆ ਸੀ।  ਪੀੜਤ ਨੇ ਕਿਹਾ ਬਜਿੰਦਰ ਪਾਸਟਰ ਦਾ ਮੰਤਰੀ ਤੱਕ ਹੱਥ ਹੈ।

ਪੀੜਤ ਦਲਵਿੰਦਰ ਨੇ ਬਲਾਤਕਾਰੀ ਬਜਿੰਦਰ ਪਾਸਟਰ ਨੇ ਖ਼ੁਦ ਆਪਣੇ ਬੰਦਿਆਂ ਨੂੰ ਕਿਹਾ ਕਿ ਇਸ ਗੋਲੀ ਮਾਰ ਕੇ ਇਸ ਡੇਰੇ ਅੰਦਰ ਦੱਬ ਦੇਉ। ਕੁੱਟ ਮਾਰ ਦੌਰਾਨ ਇਨਾਂ ਨੇ ਮੇਰੇ ਦੋ ਫ਼ੋਨ ਵੀ ਡੇਰੇ ਵਿਚ ਰੱਖ ਲਏ। ਦਲਵਿੰਦਰ ਸਿੰਘ ਬੈਨੀਪਾਲ ਨੇ ਕਿਹਾ ਕਿ ਉਹ ਜਲਦ ਉੱਚ ਅਧਿਕਾਰੀਆਂ ਨੂੰ ਮਿਲ ਕਿ ਜਾਂਚ ਕਰਵਾਉਣਗੇ। 

ਪੀੜਤ ਦਲਵਿੰਦਰ ਨੇ ਕਿਹਾ ਮੈਂ ਮਾਨਯੋਗ ਜੱਜ ਸਾਹਿਬ ਦਾ ਬਹੁਤ ਧੰਨਵਾਦ ਕਰਦਾ ਹਾਂ ਜਿਨ੍ਹਾਂ ਨੇ ਇਸ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ। 

(For more news apart from Dalwinder Singh Benipal's revelations after Bajinder Pastor was sentenced News in Punjabi, stay tuned to Rozana Spokesman)