image
ਜੰਮੂ-ਕਸ਼ਮੀਰ ਦੀਆਂ ਦੋ ਜੇਲਾਂ 'ਚ 92 ਕੈਦੀ ਕੋਰੋਨਾ ਪਾਜ਼ੇਟਿਵ
ਜੰਮੂ, 17 ਮਈ : ਜੰਮੂ-ਕਸ਼ਮੀਰ ਦੀਆਂ ਦੋ ਜੇਲਾਂ 'ਚ 92 ਕੈਦੀ ਕੋਰੋਨਾ ਵਾਇਰਸ ਤੋਂ ਪਾਜ਼ੇਟਿਵ ਮਿਲੇ ਹਨ | ਅਧਿਕਾਰੀਆਂ ਨੇ ਸੋਮਵਾਰ ਨੂੰ ਦਸਿਆ ਕਿ ਕੈਦੀਆਂ ਨੂੰ ਵਖਰੀ ਕੋਠੜੀ ਵਿਚ ਇਕਾਂਤਵਾਸ ਰਖਿਆ ਗਿਆ ਹੈ | ਊਧਮਪੁਰ ਅਤੇ ਕੁਪਵਾੜਾ ਜ਼ਿਲ੍ਹੇ ਦੀਆਂ ਜੇਲਾਂ 'ਚ ਕੀਤੀ ਗਈ 'ਰੈਪਿਡ ਐਂਟੀਜਨ' ਜਾਂਚ ਤੋਂ ਬਾਅਦ ਹੁਣ ਇੱਥੇ ਕੁੱਲ 115 ਕੈਦੀ ਕੋਰੋਨਾ ਤੋਂ ਪੀੜਤ ਹਨ | ਇਨ੍ਹਾਂ ਜੇਲਾਂ ਵਿਚ 4570 ਤੋਂ ਵਧ ਕੈਦੀ ਬੰਦ ਹਨ | ਮੁੱਖ ਵੱਖਵਾਦੀ ਆਗੂ ਅਤੇ ਤਹਿਰੀਕ-ਏ-ਹੁਰੀਅਤ ਦੇ ਪ੍ਰਧਾਨ ਮੁਹੰਮਦ ਅਸ਼ਰਫ਼ ਸਹਿਰਾਈ ਦੀ ਕੋਰੋਨਾ ਨਾਲ 5 ਮਈ ਨੂੰ ਸਰਕਾਰੀ ਹਸਪਤਾਲ ਵਿਚ ਮੌਤ ਹੋ ਗਈ ਸੀ, ਜੋ ਊਧਮਪੁਰ ਜ਼ਿਲ੍ਹਾ ਜੇਲ ਵਿਚ ਬੰਦ ਸੀ | ਇਸ ਦੇ ਕਰੀਬ ਦੋ ਹਫ਼ਤਿਆਂ ਮਗਰੋਂ ਹੀ ਜੇਲਾਂ ਵਿਚ ਵਿਸ਼ੇਸ਼ ਜਾਂਚ ਮੁਹਿੰਮ ਚਲਾਈ ਗਈ | (ਪੀਟੀਆਈ)
