'ਇਕ ਜ਼ਿੱਦੀ ਮੁੱਖ ਮੰਤਰੀ ਨਾਲੋਂ ਇੱਕ ਲਚਕਦਾਰ ਰਾਜਨੇਤਾ ਬਣੋ'
ਮੁਹਾਲੀ : ਪਿਛਲੇ ਦਿਨੀਂ ਮੁੱਖ ਮੰਤਰੀ ਭਗਵੰਤ ਮਾਨ ਨਾਲ ਮੁਲਾਕਾਤ ਕਰਕੇ ਮੁੱਖ ਮੰਤਰੀ ਦੀ ਤਾਰੀਫ ਕਰਨ ਵਾਲੇ ਨਵਜੋਤ ਸਿੰਘ ਸਿੱਧੂ ਹੁਣ ਭਗਵੰਤ ਮਾਨ ਦੀ ਕਾਰਜਸ਼ੈਲੀ ਤੋਂ ਨਾਰਾਜ਼ ਹੋ ਗਏ ਹਨ। ਹੁਣ ਉਹਨਾਂ ਨੇ ਮਾਨ ਸਰਕਾਰ ਨੂੰ ਕਿਸਾਨਾਂ ਦੇ ਮੁੱਦੇ ਜਲਦੀ ਤੋਂ ਜਲਦੀ ਹੱਲ ਕਰਨ ਬਾਰੇ ਕਿਹਾ ਹੈ।
Navjot singh sidhu
ਨਵਜੋਤ ਸਿੱਧੂ ਨੇ ਟਵੀਟ ਕਰਦਿਆਂ ਕਿਹਾ ਕਿ ਮੁੱਖ ਮੰਤਰੀ ਜੀ ਜਿੰਨਾ ਤੁਸੀਂ ਕਿਸਾਨਾਂ ਨੂੰ ਅਣਦੇਖਿਆ ਕਰੋਗੇ, ਤੁਸੀਂ ਓਨੀ ਹੀ ਆਪਣੀ ਭਰੋਸੇਯੋਗਤਾ ਨੂੰ ਗੁਆਉਗੇ। ਇੱਕ ਜ਼ਿੱਦੀ ਮੁੱਖ ਮੰਤਰੀ ਨਾਲੋਂ ਇੱਕ ਲਚਕਦਾਰ ਰਾਜਨੇਤਾ ਬਣੋ। ਕਿਸਾਨਾਂ ਨੂੰ ਗੱਲਬਾਤ ਲਈ ਸੱਦਾ ਦਿਓ ਅਤੇ ਮੁੱਦਿਆਂ ਨੂੰ ਹੱਲ ਕਰੋ।
CM @BhagwantMann ji , ask you’re IT cell to cool their heels , the more disparaging and derogatory they are to the farmers the more you will loose you’re credibility… be a flexible statesman than a stubborn CM … invite them for talks and resolve issues on the table !
— Navjot Singh Sidhu (@sherryontopp) May 18, 2022
ਨਵਜੋਤ ਸਿੱਧੂ ਨੇ ਇਕ ਹੋਰ ਟਵੀਟ ਕਰਦਿਆਂ ਕਿਹਾ ਕਿ ਕਿਸਾਨਾਂ ਨਾਲ ਟਕਰਾਅ ਦੇ ਰਾਹ 'ਤੇ ਨਾ ਚੱਲੋ। ਕਿਸਾਨ ਸਾਡੀ ਆਬਾਦੀ ਦਾ 60% ਹਿੱਸਾ ਹਨ ਅਤੇ ਪੰਜਾਬ ਦੀ ਆਰਥਿਕਤਾ ਦੀ ਰੀੜ੍ਹ ਦੀ ਹੱਡੀ ਹਨ। ਕਿਸਾਨਾਂ ਦੇ ਖਿਲਾਫ਼ ਕਦੇ ਵੀ ਕਿਸੇ ਨੇ ਲੜਾਈ ਨਹੀਂ ਜਿੱਤੀ। ਉਹਨਾਂ ਦੇ ਮੁੱਦਿਆਂ ਨੂੰ ਹੱਲ ਕਰੋ। ਤੁਹਾਡੀਆਂ 70% ਤੋਂ ਵੱਧ ਸਮੱਸਿਆਵਾਂ ਦੂਰ ਹੋ ਜਾਣਗੀਆਂ।
Urge you not to go on a collision course with farmers who constitute 60% of our Population and are the backbone of Punjab’s Economy. No One has ever won a battle against the farmers… Amicably settle their issues & more than 70% of your problems will vanish. 2/n
— Navjot Singh Sidhu (@sherryontopp) May 18, 2022
ਅਜਿਹਾ ਕੋਈ ਵਿਗਿਆਨਕ ਆਧਾਰ ਨਹੀਂ ਹੈ ਜੋ ਸਾਬਤ ਕਰਦਾ ਹੋਵੇ ਕਿ ਸਿੱਧੀ ਬਿਜਾਈ ਪਾਣੀ ਦੀ ਬਚਤ ਕਰਦੀ ਹੈ, ਇਸ ਲਈ 80% ਕਿਸਾਨਾਂ ਜਿਨ੍ਹਾਂ ਨੇ ਪਰਾਲੀ ਸਾੜ ਦਿੱਤੀ ਹੈ ਤੇ ਪਨੀਰੀ ਵੀ ਲਗਾ ਦਿੱਤੀ ਹੈ, ਲਈ ਸਿੱਧੀ ਬਿਜਾਈ ਸੰਭਵ ਨਹੀਂ ਹੋਵੇਗੀ। 18 ਅਤੇ 10 ਜੂਨ ਵਿੱਚ ਕੀ ਫਰਕ ਹੈ, ਜੇਕਰ ਬਿਜਲੀ ਦੀ ਸਮੱਸਿਆ ਹੈ ਤਾਂ ਕਿਸਾਨਾਂ ਨਾਲ ਸੱਚ ਬੋਲੋ।
ਮੂੰਗੀ ਅਤੇ ਬਾਸਮਤੀ 'ਤੇ ਐਮ.ਐਸ.ਪੀ ਦੀ ਘੋਸ਼ਣਾ ਕਰਨਾ ਸਵਾਗਤਯੋਗ ਕਦਮ ਹੈ, ਕਿਰਪਾ ਕਰਕੇ ਕੈਬਨਿਟ ਬੈਠਕ ਬੁਲਾ ਕੇ ਇਸਨੂੰ ਅਨੁਸੂਚਿਤ ਕਰਕੇ ਕਿਸਾਨਾਂ ਨੂੰ ਭਰੋਸਾ ਦਿਵਾਓ। ਨਾਲ ਹੀ ਦਾਲ ਅਤੇ ਤੇਲ ਬੀਜਾਂ ਵਰਗੀਆਂ ਵਿਭਿੰਨਤਾ ਵਾਲੀਆਂ ਫਸਲਾਂ 'ਤੇ ਧਿਆਨ ਕੇਂਦ੍ਰਤ ਕਰਦੇ ਹੋਏ, ਨੀਤੀ ਆਧਾਰਿਤ ਹੱਲ ਲੱਭੋ। ਦਾਲਾਂ ਨੂੰ ਆਯਾਤ ਕਰਨ ਲਈ ਵਰਤੇ ਗਏ ਪੈਸੇ ਦੀ ਵਰਤੋਂ ਮਾਰਕਫੈੱਡ ਰਾਹੀਂ ਦਾਲਾਂ ਦੀ ਖਰੀਦ ਲਈ ਕੀਤੀ ਜਾ ਸਕਦੀ ਹੈ।
ਜਿੱਥੋਂ ਤੱਕ 'ਮੁਰਦਾਬਾਦ' ਦਾ ਸਵਾਲ ਹੈ, ਤੁਸੀਂ ਸਾਰੀ ਉਮਰ ਵਿਰੋਧੀ ਧਿਰ 'ਚ 'ਮੁਰਦਾਬਾਦ' ਦੇ ਨਾਅਰੇ ਲਗਾਉਂਦੇ ਰਹੇ ਹੋ, ਕਿਰਪਾ ਕਰਕੇ 'ਅੰਨ-ਦਾਤਾ' ਦੀ ਗੱਲ ਸੁਣੋ। ਹਰ ਸਮੱਸਿਆ ਦੇ ਹੱਲ ਲਈ ਅਰਵਿੰਦ ਕੇਜਰੀਵਾਲ ਵੱਲ ਦਿੱਲੀ ਨੂੰ ਨਾ ਭੱਜੋ।
