Tran Taran News : ਖਾਲੜਾ ਪੁਲਿਸ ਤੇ BSF ਨੇ ਮਿਲੀ ਸੂਚਨਾ ਦੇ ਅਧਾਰ ’ਤੇ ਕੀਤ ਕਾਰਵਾਈ
Tran Taran News : - ਗੁਆਂਢੀ ਦੇਸ਼ ਪਕਿਸਤਾਨ ਵੱਲੋਂ ਆਏ ਦਿਨ ਭਾਰਤ ਦਾ ਮਾਹੌਲ ਖ਼ਰਾਬ ਕਰਨ ਦੇ ਮਕਸਦ ਨਾਲ ਡਰੋਨ ਰਾਹੀਂ ਹਥਿਆਰ ਅਤੇ ਨਸ਼ੇ ਵਾਲੇ ਪਦਾਰਥ ਭੇਜਣ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ, ਜਿਸ ਨੂੰ ਸਰਹੱਦ 'ਤੇ ਤਾਇਨਾਤ BSF 'ਤੇ ਪੰਜਾਬ ਪੁਲਿਸ ਵੱਲੋਂ ਨਾਕਾਮ ਕੀਤਾ ਜਾ ਰਿਹਾ ਹੈ। ਜਿਸ ਦੀ ਤਾਜ਼ਾ ਮਿਸਾਲ ਉਸ ਵੇਲੇ ਵੇਖਣ ਨੂੰ ਮਿਲੀ ਜਦੋਂ ਬੀਤੀ ਰਾਤ ਭਾਰਤ-ਪਾਕਿਸਤਾਨ ਸਰਹੱਦ ਦੇ ਪਿੰਡ ਕਲਸੀਆਂ ਦੀ ਬੀਓਪੀ ਤੋਂ ਖੇਤਾਂ ਵਿੱਚੋਂ ਥਾਣਾ ਖਾਲੜਾ ਦੀ ਪੁਲਿਸ ਨੇ ਪਾਕਿ ਡਰੋਨ ਰਾਹੀਂ ਭੇਜੇ ਗਏ 4 ਪਿਸਤੌਲ (7.62 ਚਾਈਨਾ ਦੇ ਬਣੇ ਹੋਏ) ਤੇ 50 ਜ਼ਿੰਦਾ ਰੌਂਦ ((9×19) ਬਰਾਮਦ ਕਰਕੇ ਮਾਮਲਾ ਦਰਜ ਕੀਤਾ ।
ਇਹ ਵੀ ਪੜੋ: Delhi News : ਦਿੱਲੀ ਪੁਲਿਸ ਨਵੇਂ ਰੂਪ 'ਚ ਆਵੇਗੀ ਨਜ਼ਰ, ਜਾਣੋ ਕੀ-ਕੀ ਹੋਣਗੇ ਵਰਦੀ 'ਚ ਬਦਲਾਅ
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਬ ਡਵੀਜ਼ਨ ਭਿੱਖੀਵਿੰਡ ਦੇ DSP ਪ੍ਰੀਤਇੰਦਰ ਸਿੰਘ ਨੇ ਦੱਸਿਆ ਕਿ ਮਿਤੀ 18 ਜੁਲਾਈ ਦੀ ਦਰਮਿਆਨੀ ਰਾਤ ਕਰੀਬ 2:15 ਵਜੇ ਖਾਲੜਾ ਪੁਲਿਸ ਤੇ BSF ਦੀ 71 ਬਟਾਲੀਅਨ ਨੂੰ ਸੂਚਨਾ ਪ੍ਰਾਪਤ ਹੋਈ ਸੀ ਕਿ ਪਾਕਿਸਤਾਨ ਵੱਲੋਂ ਆਇਆ ਇੱਕ ਪਾਕਿ ਡਰੋਨ ਭਾਰਤੀ ਖੇਤਰ ਵਿਚ ਦਾਖ਼ਲ ਹੋਇਆ ਹੈ, ਜਿਸ ਤੋਂ ਬਾਅਦ ਥਾਣਾ ਖਾਲੜਾ ਦੀ ਪੁਲਿਸ ਅਤੇ BSF ਦੀ 71 ਬਟਾਲੀਅਨ ਵੱਲੋਂ ਸਾਂਝੇ ਤੌਰ ’ਤੇ ਤਲਾਸ਼ੀ ਅਭਿਆਨ ਚਲਾਇਆ ਗਿਆ । ਜਿਸ ਵਿਚ ਦੌਰਾਨ ਸਰਚ ਭਾਰਤ ਦੀ ਸਰਹੱਦ ਦੇ ਅੰਦਰੋਂ ਚਾਰ ਚਾਈਨਾ ਦੇ ਬਣੇ ਹੋਏ ਪਿਸਤੌਲ ਸਮੇਤ 50 ਜਿੰਦਾ ਰਾਊਂਡ ਅਤੇ ਅੱਠ ਛੋਟੇ ਤਾਰਾਂ ਦੇ ਟੁਕੜੇ ਬਰਾਮਦ ਕੀਤੇ ਗਏ ਹਨ। ਜਿਸ ਸੰਬੰਧੀ ਥਾਣਾ ਖਾਲੜਾ ਵਿਖੇ ਮੁਕਦਮਾ ਦਰਜ ਕਰਕੇ ਅਗਲੀ ਤਫ਼ਤੀਸ਼ ਆਰੰਭ ਕਰ ਦਿੱਤੀ ਹੈ।
(For more news apart from BSF and police recovered 4 pistols and 50 live cartridges sent by Pakistani drone News in Punjabi, stay tuned to Rozana Spokesman)
