ਉਤਰ ਪ੍ਰਦੇਸ਼ ਵਿਚ ਕਾਂਗਰਸ ਦੀ ਚੋਣ ਮੁਹਿੰਮ ਦਾ ਚਿਹਰਾ ਬਣੇਗੀ ਪਿ੍ਯੰਕਾ ਗਾਂਧੀ
ਲਖਨਊ, 17 ਅਕਤੂਬਰ : ਪਿ੍ਯੰਕਾ ਗਾਂਧੀ ਵਾਡਰਾ ਉਤਰ ਪ੍ਰਦੇਸ਼ ਵਿਚ ਕਾਂਗਰਸ ਦੀ ਚੋਣ ਮੁਹਿੰਮ ਦਾ ਚਿਹਰਾ ਬਣੇਗੀ | ਇਸ ਦਾ ਐਲਾਨ ਪਾਰਟੀ ਦੀ ਨਵ-ਨਿਯੁਕਤ ਮੁਹਿੰਮ ਕਮੇਟੀ ਦੇ ਮੁਖੀ ਪੀਐਲ ਪੂਨੀਆ ਨੇ ਐਤਵਾਰ ਨੂੰ ਕੀਤਾ | ਉਨ੍ਹਾਂ ਕਿਹਾ ਕਿ ਏਆਈਸੀਸੀ ਦੇ ਜਨਰਲ ਸਕੱਤਰ ਇਸ ਸਮੇਂ ਸੂਬੇ ਦੀ ਸੱਭ ਤੋਂ ਮਸਹੂਰ ਸਿਆਸੀ ਹਸਤੀ ਹਨ |
ਪੂਨੀਆ, ਜਿਨ੍ਹਾਂ ਨੂੰ ਸ਼ੁਕਰਵਾਰ ਨੂੰ ਅਗਲੇ ਸਾਲ ਹੋਣ ਵਾਲਿਆਂ ਯੂਪੀ ਚੋਣਾਂ ਲਈ ਕਾਂਗਰਸ ਦੀ 20 ਮੈਂਬਰੀ ਚੋਣ ਪ੍ਰਚਾਰ ਕਮੇਟੀ ਦਾ ਮੁਖੀ ਨਿਯੁਕਤ ਕੀਤਾ ਗਿਆ ਸੀ, ਨੇ ਕਿਹਾ ਕਿ ਉਨ੍ਹਾਂ ਕੋਲ ਪਿ੍ਯੰਕਾ ਗਾਂਧੀ ਵਰਗੀ ਸ਼ਖ਼ਸੀਅਤ ਹੈ ਜੋ ਭਾਜਪਾ ਵਿਰੁਧ ਦੇਸ਼ ਦੀ ਅਗਵਾਈ ਕਰ ਸਕਦੀ ਹੈ |
ਯੂਪੀ ਚੋਣਾਂ ਵਿਚ ਇਹ ਕਾਂਗਰਸ ਅਤੇ ਭਾਜਪਾ ਵਿਚਾਲੇ ਸਿੱਧਾ ਮੁਕਾਬਲਾ ਹੈ ਕਿਉਂਕਿ ਸਮਾਜਵਾਦੀ ਪਾਰਟੀ ਅਤੇ ਬਹੁਜਨ ਸਮਾਜ ਪਾਰਟੀ ਦੋਵੇਂ Tਪਿੱਛੇ ਰਹਿ ਗਈਆਂ ਹਨU ਅਤੇ Tਹੁਣ ਲੜਾਈ ਵਿਚ ਨਹੀਂ ਹਨ,U ਪੂਨੀਆ ਨੇ ਇਕ ਇੰਟਰਵੀਊ ਦੌਰਾਨ ਇਹ ਜਾਣਕਾਰੀ ਸਾਂਝੀ ਕੀਤੀ ਹੈ |
ਉਨ੍ਹਾਂ ਕਿਹਾ ਕਿ ਪਿ੍ਯੰਕਾ ਗਾਂਧੀ ਨੇ ਸਾਰੇ ਮੁੱਦਿਆਂ 'ਤੇ ਸੱਚਾਈ ਲਈ ਲੜਾਈ
ਲੜੀ ਹੈ ਅਤੇ ਜਦੋਂ ਲਖੀਮਪੁਰ ਖੇੜੀ ਦੀ ਘਟਨਾ ਵਾਪਰੀ, ਉਹ ਤੁਰਤ ਪੀੜਤਾਂ ਦੇ ਪ੍ਰਵਾਰ ਨੂੰ ਮਿਲਣ ਲਈ ਰਵਾਨਾ ਹੋ ਗਈ ਭਾਵੇਂ ਕਿ ਉਨ੍ਹਾਂ ਨੂੰ ਸੀਤਾਪੁਰ ਵਿਚ ਨਜ਼ਰਬੰਦ ਕਰ ਦਿਤਾ ਗਿਆ, ਪਰ ਉਹ ਨਿਆਂ ਦੀ ਭਾਲ ਵਿਚ ਦਿ੍ੜ ਰਹੀ | ਉਨ੍ਹਾਂ ਕਿਹਾ ਕਿ ਉਹ ਅਪਣੇ ਸੰਘਰਸ਼ ਵਿਚ Tਸਫ਼ਲU ਸੀ ਅਤੇ ਪੀੜਤ ਪ੍ਰਵਾਰਾਂ ਨੂੰ ਮਿਲਣ ਲਖੀਮਪੁਰ ਖੇੜੀ ਅਤੇ ਬਹਰਾਇਚ ਗਈ ਸੀ |
ਦੱਸਣਯੋਗ ਹੈ ਕਿ ਪੂਨੀਆ ਨੇ ਪਹਿਲਾਂ ਵੀ ਕਿਹਾ ਸੀ ਕਿ ਚਾਹੇ ਸੋਨਭੱਦਰ, ਉਨਾਓ ਜਾਂ ਹਾਥਰਸ ਦੀਆਂ ਘਟਨਾਵਾਂ ਹੋਣ ਪਿ੍ਯੰਕਾ ਗਾਂਧੀ ਨੇ ਨਿਆਂ ਲਈ ਲੜਾਈ ਲੜੀ ਸੀ | ਪੂਨੀਆ ਨੇ ਕਿਹਾ, Tਇਸ ਲਈ, ਲੋਕ ਉਸ ਤੋਂ ਪ੍ਰਭਾਵਤ ਹੋਏ ਹਨ ਅਤੇ ਇਸ ਵੇਲੇ ਪੂਰੇ ਸੂਬੇ ਵਿਚ, ਕੋਈ ਵੀ ਰਾਜਨੇਤਾ ਪਿ੍ਯੰਕਾ ਗਾਂਧੀ ਨਾਲੋਂ ਵਧੇਰੇ ਪ੍ਰਸਿੱਧ ਨਹੀਂ ਹੈ | ਜਿਥੋਂ ਤਕ ਇਹ ਮੁਹਿੰਮ ਕਿਸ ਦੇ ਦੁਆਲੇ ਕੇਂਦਰਿਤ ਹੋਵੇਗੀ, ਅਸੀਂ ਖ਼ੁਸ਼ਕਿਸਮਤ ਹਾਂ ਕਿ ਪਿ੍ਯੰਕਾ ਗਾਂਧੀ ਹਰ ਸਮੇਂ (ਪ੍ਰਚਾਰ) ਲਈ ਹਾਜ਼ਰ ਰਹਿੰਦੇ ਹਨU | (ਏਜੰਸੀ)
