Advertisement

ਕੀ ਬਾਦਲ ਦਲ ਦੀ ਪੁੱਠੀ ਗਿਣਤੀ ਸ਼ੁਰੂ ਹੋਣ ਵਾਲੀ ਹੈ?

ਸਪੋਕਸਮੈਨ ਸਮਾਚਾਰ ਸੇਵਾ
Published Nov 18, 2019, 10:07 am IST
Updated Nov 18, 2019, 10:07 am IST
ਲੰਮੀ ਸਿਆਸੀ ਚੁੱਪ ਪਿਛੋਂ ਅਕਾਲੀ ਗਲਿਆਰਿਆਂ ਵਿਚ ਇਹ ਅਵਾਈ ਤੁਰੀ ਹੈ ਕਿ ਭਾਜਪਾ ਸ਼੍ਰੋਮਣੀ ਅਕਾਲੀ ਦਲ ਤੋਂ ਖਹਿੜਾ ਛੁਡਾ ਕੇ ਰਾਜ ਸਭਾ ਦੇ..
Sukhdev Singh Dhindsa
 Sukhdev Singh Dhindsa

ਲੰਮੀ ਸਿਆਸੀ ਚੁੱਪ ਪਿਛੋਂ ਅਕਾਲੀ ਗਲਿਆਰਿਆਂ ਵਿਚ ਇਹ ਅਵਾਈ ਤੁਰੀ ਹੈ ਕਿ ਭਾਜਪਾ ਸ਼੍ਰੋਮਣੀ ਅਕਾਲੀ ਦਲ ਤੋਂ ਖਹਿੜਾ ਛੁਡਾ ਕੇ ਰਾਜ ਸਭਾ ਦੇ ਮੈਂਬਰ ਸੁਖਦੇਵ ਸਿੰਘ ਢੀਂਡਸਾ ਦੀ ਅਗਵਾਈ ਹੇਠ ਸ਼੍ਰੋਮਣੀ ਅਕਾਲੀ ਦਲ ਨੂੰ ਅਪਣੇ ਮੁਤਾਬਕ ਨਵਾਂ ਰੰਗ ਰੂਪ ਦੇਣਾ ਚਾਹੁੰਦੀ ਹੈ। ਜੇ ਇਸ ਵਿਚ ਪੂਰੀ ਦੀ ਥਾਂ ਅੱਧ-ਪਚੱਧੀ ਸੱਚਾਈ ਵੀ ਹੋਵੇ ਜੋ ਕਿ ਲਗਦੀ ਹੈ ਤਾਂ ਇਸ ਦਾ ਮਤਲਬ ਇਹ ਹੈ ਕਿ ਬਾਦਲ ਦਲ ਦੀ ਪੁੱਠੀ ਗਿਣਤੀ ਸ਼ੁਰੂ ਹੋਣ ਵਾਲੀ ਹੈ।

Shiromani Akali DalShiromani Akali Dal

Advertisement

ਇਸ ਦੇ ਕਈ ਕਾਰਨ ਹਨ। ਪਹਿਲਾ ਢੀਂਡਸਾ ਸਾਹਿਬ ਅਕਾਲੀ ਦਲ ਤੋਂ ਵੱਖ ਹੋ ਕੇ ਬੈਠੇ ਸਨ ਅਤੇ ਦੂਜਾ ਮੋਦੀ ਸਰਕਾਰ ਨੇ ਉਨ੍ਹਾਂ ਨੂੰ ਪਦਮ ਭੂਸ਼ਣ ਦਾ ਸਨਮਾਨ ਦੇ ਕੇ ਅੰਦਰਖਾਤੇ ਅਪਣੇ ਨਾਲ ਜੋੜਨ ਦੀ ਕੋਸ਼ਿਸ਼ ਬਹੁਤ ਦੇਰ ਪਹਿਲਾਂ ਹੀ ਸ਼ੁਰੂ ਕਰ ਦਿਤੀ ਸੀ। ਸ਼ਾਇਦ ਢੀਂਡਸਾ ਸਾਹਿਬ ਵੀ ਕਿਸੇ ਅਜਿਹੇ ਮੌਕੇ ਦੀ ਤਲਾਸ਼ ਵਿਚ ਹੋਣ। ਤੀਜਾ ਸ਼੍ਰੋਮਣੀ ਅਕਾਲੀ ਦਲ ਦੇ ਬਹੁਤੇ ਨੇਤਾ ਅਤੇ ਵਰਕਰ ਅਪਣੇ ਆਪ ਨੂੰ ਬੇਵਸੀ ਦੇ ਆਲਮ ਵਿਚ ਮਹਿਸੂਸ ਕਰ ਰਹੇ ਹਨ।

ਸ਼ਾਇਦ ਇਸ ਲਈ ਕਿ ਹਰਸਿਮਰਤ ਕੌਰ ਬਾਦਲ ਪਹਿਲਾਂ ਹੀ ਦਿੱਲੀ ਰਹਿੰਦੀ ਹੈ ਅਤੇ ਹੁਣ ਸੁਖਬੀਰ ਸਿੰਘ ਬਾਦਲ ਵੀ ਐਮ.ਪੀ. ਬਣ ਕੇ ਦਿੱਲੀ ਜਾ ਰਹਿਣ ਲੱਗਾ ਹੈ। ਪਹਿਲਾਂ ਵਿਧਾਨ ਸਭਾ ਚੋਣਾਂ ਵਿਚ ਅਤੇ ਫਿਰ ਲੋਕ ਸਭਾ ਚੋਣਾਂ ਵਿਚ ਜਿਵੇਂ ਅਕਾਲੀ ਦਲ ਦੇ ਪੈਰ ਬੁਰੀ ਤਰ੍ਹਾਂ ਉਖੜ ਗਏ ਹਨ, ਇਸ ਨਾਲ ਵੀ ਅਕਾਲੀ ਦਲ ਬਿਖਰ ਗਿਆ ਹੈ ਜਿਸ ਦਾ ਫ਼ਾਇਦਾ ਹੁਣ ਭਾਜਪਾ ਲੈਣਾ ਚਾਹੁੰਦੀ ਹੈ ਅਤੇ ਬਕਾਇਦਾ ਇਨ੍ਹਾਂ ਯਤਨਾਂ ਵਿਚ ਲੱਗੀ ਵੀ ਹੋਈ ਹੈ।

Parkash Singh BadalParkash Singh Badal

ਨਾਲੇ ਭਾਜਪਾ ਅਪਣੀ ਸਾਂਝ ਦਾ ਅਧਾਰ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਮੰਨਦੀ ਹੈ ਜੋ ਹੁਣ ਅਕਾਲੀ ਸਿਆਸਤ ਤੋਂ ਲਾਂਭੇ ਹੋਏ ਬੈਠੇ ਹਨ। ਕੁਲ ਮਿਲਾ ਕੇ ਅਕਾਲੀ ਸਿਆਸਤ ਵਿਚ ਇਸ ਵੇਲੇ ਇਕ ਵੱਡਾ ਖੱਪਾ ਬਣਿਆ ਹੋਇਆ ਹੈ ਜਿਸ ਦਾ ਭਾਜਪਾ ਅਸਾਨੀ ਨਾਲ ਲਾਭ ਲੈ ਸਕਦੀ ਹੈ। ਉਧਰ ਸਮਾਂ ਵੀ ਬਹੁਤ ਬਲਵਾਨ ਹੁੰਦਾ ਹੈ, ਇਸ ਲਈ ਤੇਲ ਦੇਖੋ ਤੇਲ ਦੀ ਧਾਰ ਵੇਖੋ।

Advertisement

 

Advertisement
Advertisement