'ਵਿਸਥਾਰਵਾਦੀ' ਤਾਕਤਾਂ ਅੱਗੇ ਨਹੀਂ ਝੁਕਾਂਗੇ: ਮਮਤਾ ਬੈਨਰਜੀ
ਕੋਲਕਾਤਾ, 17 ਦਸੰਬਰ : ਪਛਮੀ ਬੰਗਾਲ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਵੀਰਵਾਰ ਨੂੰ ਕੇਂਦਰ ਸਰਕਾਰ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਉਨ੍ਹਾਂ ਦੇ ਤਿੰਨ ਆਈਪੀਐਸ ਅਧਿਕਾਰੀਆਂ ਦੀ ਡੈਪੂਟੇਸਨ ਦੇ ਆਦੇਸ਼ ਸਕਤੀ ਦੀ ਘੋਰ ਦੁਰਵਰਤੋਂ ਹੈ ਅਤੇ ਰਾਜ ਸਰਕਾਰ 'ਵਿਸਥਾਰਵਾਦੀ' ਅਤੇ 'ਲੋਕਤੰਤਰੀ' ਤਾਕਤਾਂ ਅੱਗੇ ਨਹੀਂ ਝੁਕੇਗੀ | ਬੈਨਰਜੀ ਨੇ ਸਿਲਸਿਲੇਵਾਰ ਟਵੀਟਾਂ ਦੀ ਇਕ ਲੜੀ ਵਿਚ ਕਿਹਾ ਕਿ ਕੇਂਦਰ ਵਲੋਂ ਰਾਜ ਦੇ ਅਧਿਕਾਰ ਖੇਤਰ ਨੂੰ ਘੇਰਨ ਅਤੇ ਪਛਮੀ ਬੰਗਾਲ ਵਿਚ ਸੇਵਾ ਕਰਨ ਵਾਲੇ ਅਧਿਕਾਰੀਆਂ ਦੇ ਮਨੋਬਲ ਨੂੰ ਘਟਾਉਣ ਦੀ ਜਾਣਬੁੱਝ ਕੇ ਕੀਤੀ ਕੋਸ਼ਿਸ਼ ਹੈ | ਉਨ੍ਹਾਂ ਕਿਹਾ ਕਿ ਇਹ ਕਦਮ, ਖ਼ਾਸਕਰ ਚੋਣਾਂ ਤੋਂ ਪਹਿਲਾਂ, ਸੰਘੀ ਢਾਂਚੇ ਦੇ ਮੂਲ ਸਿਧਾਂਤਾਂ ਦੇ ਵਿਰੁਧ ਹੈ | ਇਹ ਪੂਰੀ ਤਰ੍ਹਾਂ ਗ਼ੈੈਰ ਸੰਵਿਧਾਨਕ ਅਤੇ ਪੂਰੀ ਤਰ੍ਹਾਂ ਨਾਮਨਜ਼ੂਰ ਹੈ | ਜ਼ਿਕਰਯੋਗ ਹੈ ਕਿ ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਭਾਜਪਾ ਪ੍ਰਧਾਨ ਜੇ.ਜੇ. ਪੀ.ਨੱਡਾ ਦੇ ਕਾਫ਼ਲੇ 'ਤੇ ਹੋਏ ਹਮਲੇ ਦੇ ਮੱਦੇਨਜ਼ਰ, ਪਛਮੀ ਬੰਗਾਲ ਵਿਚ ਸੇਵਾ ਨਿਭਾ ਰਹੇ ਭਾਰਤੀ ਪੁਲਿਸ ਸੇਵਾ ਦੇ ਤਿੰਨ ਅਧਿਕਾਰੀਆਂ ਨੂੰ ਕਥਿਤ ਤੌਰ 'ਤੇ ਕੁਤਾਹੀ ਦੇ ਦੋਸ਼ ਵਿਚ ਕੇਂਦਰੀ ਵਫ਼ਦ ਲਈ ਸੰਮ
ਨ ਜਾਰੀ ਕੀਤਾ ਹੈ | (ਪੀਟੀਆਈ)