ਨਵਜੋਤ ਸਿੱਧੂ ਨੇ ਇਕ ਵਿਅੰਗਾਤਮਕ ਟਵੀਟ ਕੀਤਾ ਹੈ...
ਚੰਡੀਗੜ੍ਹ: ਨਵਜੋਤ ਸਿੱਧੂ ਨੇ ਇਕ ਵਿਅੰਗਾਤਮਕ ਟਵੀਟ ਕੀਤਾ ਹੈ। ਆਪਣੇ ਸ਼ਾਇਰਾਨਾ ਅੰਦਾਜ਼ ਲਈ ਜਾਣੇ ਜਾਂਦੇ ਨਵਜੋਤ ਸਿੱਧੂ ਨੇ ਆਖਿਆ ਹੈ ਕਿ ”ਹੁਨਰ ਹੈ ਤਾਂ ਦੁਨੀਆ ਕਦਰ ਕਰੇਗੀ”, ਅੱਡੀਆਂ ਚੁੱਕਣ ਨਾਲ ਕਿਰਦਾਰ ਉੱਚੇ ਨਹੀਂ ਹੁੰਦੇ!.. ਇਸ ਦੌਰਾਨ ਸਿੱਧੂ ਨੇ ਪਹਿਲਾਂ ਹੋਰ ਵੀ ਕਾਫ਼ੀ ਵਿਅੰਗਮਈ ਤਰੀਕੇ ਨਾਲ ਟਵੀਟ ਕੀਤੇ ਹਨ।
Navjot Sidhu Tweet
ਇਹ ਟਵੀਟ ਕੈਪਟਨ ਨਾਲ ਮੁਲਾਕਾਤ ਤੋਂ ਇਕ ਦਿਨ ਪਹਿਲਾਂ ਕੀਤੇ ਹਨ ਅਤੇ ਇਹ ਵਿਅਗਮਈ ਟਵੀਟ ਵੀ ਉਸ ਸਮੇਂ ਕੀਤੇ ਗਏ ਹਨ, ਜਦੋਂ ਸਿੱਧੂ ਨੂੰ ਪਾਰਟੀ ਵਿਚ ਮੁੜ ਲਿਆਉਣ ਲਈ ਲਗਪਗ ਆਖਰੀ ਦੌਰ ਹੀ ਚੱਲ ਰਿਹਾ ਹੈ।
Navjot Sidhu Tweet
ਦੱਸ ਦਈਏ ਕਿ ਨਵਜੋਤ ਸਿੱਧੂ ਵੱਲੋਂ ਇਹ ਵਿਅੰਗਮਈ ਟਵੀਟਾਂ ਦਾ ਦੌਰ 2 ਮਾਰਚ ਤੋਂ ਲਗਾਤਾਰ ਚੱਲ ਰਿਹਾ ਹੈ, ਜਿਸ ਵਿਚ ਰੋਜ਼ਾਨਾ ਕੋਈ ਨਾ ਕੋਈ ਨਵਾਂ ਟਵੀਟ ਸੋਸ਼ਲ ਮੀਡੀਆ ‘ਤੇ ਦੇਖਣ ਨੂੰ ਮਿਲਦਾ ਹੈ। ਜ਼ਿਕਰਯੋਗ ਹੈ ਕਿ ਪੰਜਾਬ ਚ ਕਾਂਗਰਸ ਸਰਕਾਰ ਦੇ ਚਾਰ ਸਾਲ ਪੂਰੇ ਹੋਣ ਮੌਕੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਆਪਣੇ ਕਾਰਜਕਾਲ ਦੀਆਂ ਪ੍ਰਾਪਤੀਆਂ ਦੱਸਣ ਲਈ ਪ੍ਰੈਸ ਕਾਨਫਰੰਸ ਕੀਤੀ ਗਈ ਸੀ।
Navjot Sidhu
ਇਸ ਮੌਕੇ ਮੁੱਖ ਮੰਤਰੀ ਨੇ ਨਵਜੋਤ ਸਿੰਘ ਸਿੱਧੂ ਬਾਰੇ ਵੱਡਾ ਬਿਆਨ ਵੀ ਦਿੱਤਾ ਸੀ। ਉਨ੍ਹਾਂ ਨੇ ਕਿਹਾ ਕਿ ਨਵਜੋਤ ਸਿੱਧੂ ਸਾਡੀ ਟੀਮ ਦਾ ਹੀ ਹਿੱਸਾ ਹਨ ਅਤੇ ਹਰ ਕੋਈ ਸਿੱਧੂ ਨੂੰ ਸਾਡੀ ਟੀਮ ਵਿਚ ਵੇਖਣਾ ਚਾਹੁੰਦਾ ਹੈ।
