ਮੰਡੀਆਂ ਵਿਚ ਲਿਫਟਿੰਗ ਕਾਰਨ ਦੋ ਦਿਨਾਂ ਤਕ ਬੰਦ ਰਹੀ ਕਣਕ ਦੀ ਖਰੀਦ
ਚੰਡੀਗੜ੍ਹ : ਬੀਤੇ ਦੋ ਦਿਨ ਮੌਸਮ ਖਰਾਬ ਰਹਿਣ ਬਾਅਦ ਪੰਜਾਬ ਅਤੇ ਹਰਿਆਣਾ ਦੀਆਂ ਮੰਡੀਆਂ ਵਿਚ ਕਣਕ ਦੀ ਆਮਦ ਇਕਦਮ ਵੱਧ ਗਈ ਹੈ। ਦੂਜੇ ਪਾਸੇ ਲਿਫਟਿੰਗ ਦੇ ਕੰਮ ਵਿਚ ਢਿੱਲਮੱਠ ਦੇ ਚਲਦਿਆਂ ਕਈ ਥਾਈ ਕਿਸਾਨਾਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਖਾਸ ਕਰ ਕੇ ਹਰਿਆਣਾ ਵਿਚ ਦੋ ਦਿਨ ਲਈ ਮੰਡੀਆਂ ਬੰਦ ਰਹਿਣ ਕਾਰਨ ਟਰਾਲੀਆਂ ਦੀਆਂ ਲੰਮੀਆਂ ਲੰਮੀਆਂ ਲਾਈਨਾਂ ਨਜ਼ਰ ਆਈਆਂ।
Wheat procurement
ਦਰਅਸਲ ਵਿਚ ਮੰਡੀਆਂ ਵਿਚੋਂ ਲਿਫਟਿੰਗ ਦਾ ਕੰਮ ਤਰਤੀਬਵਾਰ ਤਰੀਕੇ ਨਾਲ ਨਾ ਹੋਣ ਕਾਰਨ ਬੋਰੀਆਂ ਦੇ ਅੰਬਾਰ ਇਕੱਠੇ ਹੋ ਗਏ ਸਨ। ਕੋਰੋਨਾ ਦੇ ਵਧੇ ਰੌਲੇ ਦੇ ਮੱਦੇਨਜ਼ਰ ਆੜ੍ਹਤੀਆਂ ਨੂੰ ਪਹਿਲਾ ਲੋੜੀਂਦੇ ਮਜ਼ਦੂਰ ਇਕੱਠੇ ਕਰਨ ਵਿਚ ਦਿੱਤਕਾਂ ਦਾ ਸਾਹਮਣਾ ਕਰਨਾ ਪਿਆ। ਫਿਰ ਬਾਰਦਾਨੇ ਲਈ ਉਡੀਕ ਕਰਨੀ ਪਈ। ਇਸੇ ਦੌਰਾਨ ਲਿਫਟਿੰਗ 'ਚ ਦੇਰੀ ਕਾਰਨ ਮੰਡੀਆਂ ਵਿਚ ਕਣਕ ਰੱਖਣ ਲਈ ਜਗ੍ਹਾ ਦੀ ਕਮੀ ਨੂੰ ਵੇਖਦਿਆਂ ਹਰਿਆਣਾ ਦੀਆਂ ਮੰਡੀਆਂ ਵਿਚ ਕਣਕ ਦੀ ਆਮਦ ਨੂੰ ਦੋ ਦਿਨ ਸਨਿੱਚਰਵਾਰ ਅਤੇ ਐਤਵਾਰ ਲਈ ਬੰਦ ਕੀਤਾ ਗਿਆ।
WHEAT
ਇਸ ਕਾਰਨ ਸੋਮਵਾਰ ਨੂੰ ਮੰਡੀਆਂ ਵਿਚ ਕਣਕ ਦੀ ਆਮਦ ਵਧ ਗਈ। ਕਿਸਾਨ ਬੀਤੀ ਰਾਤ ਤੋਂ ਟਰੈਕਟਰ ਟਰਾਲੀ ਨਾਲ ਲਾਈਨਾਂ 'ਚ ਖੜ੍ਹੇ ਹਨ ਤੇ ਮੰਡੀ 'ਚ ਜਾਣ ਦਾ ਇੰਤਜ਼ਾਰ ਕਰਦੇ ਰਹੇ। ਹਾਈਵੇਅ 'ਤੇ 5 ਕਿਲੋਮੀਟਰ ਤਕ ਟਰੈਕਟਰ ਟਰਾਲੀਆਂ ਦੀਆਂ ਲਾਈਨਾਂ ਦਿਖਾਈ ਦੇ ਰਹੀਆਂ ਹਨ। ਦੋ ਦਿਨਾਂ ਤੋਂ ਕਿਸਾਨ ਗੇਟ ਖੁਲ੍ਹਣ ਦਾ ਇੰਤਜ਼ਾਰ ਕਰ ਰਹੇ ਸੀ ਕਿ ਖੁਲ੍ਹੇ ਤੇ ਉਹ ਗੇਟ ਪਾਸ ਲੈ ਕੇ ਮੰਡੀ 'ਚ ਜਾ ਸਕਣ।
HD 3226, Wheat
ਸੋਮਵਾਰ ਨੂੰ ਮੰਡੀ ਦੇ ਬਾਹਰ 5 ਕਿਲੋਮੀਟਰ ਤਕ ਲੰਬੀ ਲਾਈਨ ਸੀ। ਇਹ ਲਾਈਨ ਹਰ ਗੇਟ 'ਤੇ ਸੀ ਜੋ ਮੰਡੀ ਵੱਲ ਜਾਂਦੀ ਹੈ ਤੇ ਜਿੱਥੋਂ ਗੇਟ ਪਾਸ ਮਿਲਦਾ ਹੈ। ਗੇਟ ਪਾਸ ਕੱਟਣਾ ਦੇਰ ਨਾਲ ਸ਼ੁਰੂ ਹੋਇਆ। ਕਿਸਾਨ ਬੀਤੀ ਰਾਤ ਤੋਂ ਹੀ ਮੰਡੀਆਂ ਦੇ ਗੇਟਾਂ ਅੱਗੇ ਡੇਰਾ ਲਾਈ ਬੈਠੇ ਰਹੇ। ਇਹੀ ਮੰਜ਼ਰ ਅੱਜ ਵੇਖਣ ਨੂੰ ਮਿਲਿਆ ਅਤੇ ਵੱਡੀ ਗਿਣਤੀ ਵਿਚ ਕਿਸਾਨ ਧੁੱਪ ਵਿਚ ਆਪਣੀ ਵਾਰੀ ਦਾ ਇੰਤਜ਼ਾਰ ਕਰਦੇ ਵੇਖੇ ਗਏ।
