Sangrur News : ਸੜਕਾਂ ਦੇ ਵਿਚਾਲੇ ਦਰੱਖ਼ਤ ਡਿੱਗਣ ਕਾਰਨ ਰਸਤੇ ਹੋਏ ਬੰਦ, ਲੋਕਾਂ ਨੂੰ ਪ੍ਰੇਸ਼ਾਨੀ ਦਾ ਕਰਨਾ ਪੈ ਰਿਹਾ ਸਾਹਮਣਾ
Sangrur News in Punjabi : ਸੰਗਰੂਰ ’ਚ ਬੀਤੇ ਦਿਨੀਂ ਆਈ ਹਨੇਰੀ ਅਤੇ ਝੱਖੜ ਕਰਕੇ ਜਿੱਥੇ ਵੱਡਾ ਨੁਕਸਾਨ ਹੋਇਆ ਉਥੇ ਹੀ ਕਈ ਰਸਤੇ ਵੀ ਬੰਦ ਹੋ ਗਏ। ਝੱਖੜ ਕਾਰਨ ਸੜਕਾਂ ਦੇ ਵਿਚਾਲੇ ਦਰਖ਼ਤ ਟੁੱਟ ਕੇ ਡਿੱਗ ਚੁੱਕੇ ਹਨ, ਰਸਤੇ ਬੰਦ ਹੋ ਗਏ।
ਜਿਸ ਨੂੰ ਲੈ ਕੇ ਰਾਹਗੀਰਾਂ ਨੂੰ ਬੜੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਤਸਵੀਰਾਂ ਤੁਹਾਨੂੰ ਸੰਗਰੂਰ ਦੀਆਂ ਦਿਖਾਉਣ ਲੱਗੇ ਹਾਂ ਜਿੱਥੇ ਤਸਵੀਰਾਂ ’ਚ ਤੁਸੀਂ ਦੇਖ ਸਕਦੇ ਹੋ ਕਿ ਦਰਖ਼ਤ ਸੜਕ ਦੇ ਵਿਚਾਲੇ ਟੁੱਟ ਕੇ ਡਿੱਗੇ ਹੋਏ ਹਨ।
ਇੱਕ ਮੋਟਰਸਾਈਕਲ ਰੇਹੜੀ ਵਾਲਾ ਵਿਅਕਤੀ ਕਿਸ ਤਰੀਕੇ ਨਾਲ ਇਸ ਰਸਤੇ ’ਚ ਫਸ ਗਿਆ ਹੈ ਅਤੇ ਲੋਕਾਂ ਦੀ ਮਦਦ ਨਾਲ ਉਸ ਨੇ ਆਪਣੀ ਮੋਟਰਸਾਈਕਲ ਰੇਹੜੀ ਬੜੀ ਮੁਸ਼ਕਿਲ ਨਾਲ ਇਸ ਤੋਂ ਬਾਹਰ ਕੱਢੀ ਹੈ।
ਇਸ ਮੌਕੇ ਜਦੋਂ ਰੋਜ਼ਾਨਾ ਸਪੋਕਸਮੈਨ ਦੇ ਪੱਤਰਕਾਰ ਨੇ ਲੋਕਾਂ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਹਨਾਂ ਦਾ ਕਹਿਣਾ ਸੀ ਕਿ ਬੀਤੇ ਕੱਲ ਜਿਹੜੀ ਹਨੇਰੀ, ਝੱਖੜ ਆਇਆ ਉਸ ਕਰਕੇ ਇਹ ਦਰੱਖ਼ਤ ਟੁੱਟ ਕੇ ਡਿੱਗੇ ਹਨ। ਲੇਕਿਨ ਲੋਕਾਂ ਦਾ ਕਹਿਣਾ ਸੀ ਕਿ ਹਨੇਰੀ ਅਤੇ ਝੱਖੜ ਕਰ ਕੇ ਨੁਕਸਾਨ ਬਹੁਤ ਵੱਡਾ ਹੋ ਗਿਆ ਹੈ। ਬਿਜਲੀ ਦੇ ਖੰਭੇ ਤੱਕ ਡਿੱਗ ਗਏ ਹਨ। ਜਿਸ ਕਾਰਨ ਪਿੰਡ ਵਿਚ ਬਿਜਲੀ ਵੀ ਪ੍ਰਭਾਵਿਤ ਹੋਈ ਹੈ।
ਭਵਾਨੀਗੜ੍ਹ ਦੀ ਗੱਲ ਕਰੀਏ ਤਾਂ ਇੱਕ ਘਰ ਦੇ ਉੱਪਰ ਟਾਵਰ ਡਿੱਗਣ ਕਰ ਕੇ ਘਰ ਦੇ ਲੈਂਟਰ ਵੀ ਨੁਕਸਾਨੇ ਗਏ ਹਨ। ਹੁਣ ਇਹ ਆਉਣ ਵਾਲਾ ਸਮਾਂ ਦੱਸੇਗਾ ਕਿ ਸੜਕਾਂ ਨੂੰ ਕਦੋਂ ਸਾਫ ਕੀਤਾ ਜਾਂਦਾ ਹੈ ਕਿ ਅਤੇ ਲੋਕਾਂ ਨੂੰ ਜਿਹੜੀ ਪਰੇਸ਼ਾਨੀ ਆ ਰਹੀ ਹੈ ਕਦੋਂ ਦੂਰ ਹੋਵੇਗੀ।
(For more news apart from Pedestrians face major problems due to wind and storm in Sangrur News in Punjabi, stay tuned to Rozana Spokesman)
