Accused arrested in vegetable seller murder case
ਰੁਮਿਤ ਯਾਦਵ ਨੂੰ ਇਕ 32 ਬੋਰ ਪਿਸਤੌਲ ਸਮੇਤ ਗ੍ਰਿਫਤਾਰ ਕਰ ਲਿਆ ਗਿਆ
Amritsar News: ਜੰਡਿਆਲਾ ਗੁਰੂ ਘਾਹ ਮੰਡੀ ਚੌਕ ਵਿਖੇ ਸਬਜ਼ੀ ਵਿਕਰੇਤਾ ਲਸ਼ਮਣ ਦਾਸ ਦੇ ਕਤਲ ਵਿਚ ਪੁਲਿਸ ਨੇ 6 ਨੌਜਵਾਨਾਂ ਵਿਰੁਧ ਮਾਮਲਾ ਦਰਜ ਕੀਤਾ ਸੀ। ਇਸ ਮਾਮਲੇ ਵਿਚ ਕਾਰਵਾਈ ਕਰਦਿਆਂ ਜੰਡਿਆਲਾ ਗੁਰੂ ਪੁਲਿਸ ਨੇ ਰੁਮਿਤ ਯਾਦਵ ਨਾਂਅ ਦੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਇਸ ਬਾਰੇ ਡੀਐਸਪੀ ਸੁੱਚਾ ਸਿੰਘ ਨੇ ਦਸਿਆ ਕਿ ਬੀਤੇ ਦਿਨੀਂ ਜੰਡਿਆਲਾ ਗੁਰੂ ਘਾਹ ਮੰਡੀ ਵਿਖੇ ਸਬਜ਼ੀ ਵਿਕਰੇਤਾ ਲਸ਼ਮਣ ਦਾਸ ਦੇ ਹੋਏ ਕਤਲ ਵਿਚ ਸਾਰੇ ਦੋਸ਼ੀਆਂ ਦੀ ਪਹਿਚਾਣ ਕਰ ਲਈ ਗਈ ਹੈ। ਇਸ ਦੇ ਤਹਿਤ ਉਨ੍ਹਾਂ ਨੇ ਸੱਭ ਤੋਂ ਪਹਿਲਾਂ ਰੇਕੀ ਕਰਨ ਵਾਲੇ ਚੰਦਨ ਨੂੰ ਗ੍ਰਿਫ਼ਤਾਰ ਕੀਤਾ ਸੀ, ਉਸ ਕੋਲੋਂ ਪੁੱਛਗਿੱਛ ਕੀਤੀ ਗਈ। ਉਸ ਤੋਂ ਬਾਅਦ ਅੱਜ ਰੁਮਿਤ ਯਾਦਵ ਨੂੰ ਇਕ 32 ਬੋਰ ਪਿਸਤੌਲ ਸਮੇਤ ਗ੍ਰਿਫਤਾਰ ਕਰ ਲਿਆ ਗਿਆ। ਪੁਲਿਸ ਨੇ ਕਿਹਾ ਕਿ ਬਾਕੀ ਹੋਰ ਦੋਸ਼ੀ ਵੀ ਬਹੁਤ ਜਲਦ ਪੁਲਿਸ ਦੀ ਗ੍ਰਿਫਤ ਵਿਚ ਹੋਣਗੇ।
(For more news apart from Accused arrested in vegetable seller murder case, stay tuned to Rozana Spokesman)
