'ਮੈਨੂੰ ਦੱਬਣ ਨੂੰ ਫਿਰਦੇ ਸੀ, ਪਰ ਦੱਬਦਾ ਕਿੱਥੇ ਆ'
ਚੰਡੀਗੜ੍ਹ ( ਸਪੋਕਸਮੈਨ ਸਮਾਚਾਰ) ਪੰਜਾਬ ਵਿਧਾਨ ਸਭਾ ਚੋਣਾਂ ਲਈ ਵੋਟਿੰਗ ਪ੍ਰਕਿਰਿਆ ਖ਼ਤਮ ਹੋ ਚੁੱਕੀ ਹੈ। ਚੋਣਾਂ ਲਈ ਹਰ ਸਿਆਸੀ ਪਾਰਟੀ ਵਲੋਂ ਅੱਡੀ-ਚੋਟੀ ਦਾ ਜ਼ੋਰ ਲਾਇਆ ਗਿਆ। ਹੁਣ ਸਿਆਸਤਦਾਨਾਂ ਦੀ ਕਿਸਮਤ ਈਵੀਐਮ ਵਿਚ ਕੈਦ ਹੋ ਗਈ ਹੈ ਤੇ ਇਹ 10 ਮਾਰਚ ਨੂੰ ਨਤੀਜਾ ਆਵੇਗਾ।
Amrinder Singh Raja Warring
ਇਸੇ ਦੌਰਾਨ ਰੋਜ਼ਾਨਾ ਸਪੋਕਸਮੈਨ ਨੇ ਟਰਾਂਸਪੋਰਟ ਮੰਤਰੀ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨਾਲ ਗੱਲਬਾਤ ਕੀਤੀ। ਰਾਜਾ ਵੜਿੰਗ ਨੇ ਗੱਲਬਾਤ ਕਰਦਿਆਂ ਆਖਿਆ ਕਿ ਉਹ ਹਮੇਸ਼ਾਂ ਚੜ੍ਹਦੀਕਲਾ ਵਿਚ ਰਹਿੰਦੇ ਹਨ। ਜ਼ਿੰਦਗੀ ਵਿਚ ਕਦੇ ਵੀ ਨਕਾਰਾਤਮਕ ਸੋਚ ਨਹੀਂ ਲੈ ਕੇ ਆਉਂਦੇ।
Amrinder Singh Raja Warring
ਉਹਨਾਂ ਆਖਿਆ ਮੈਨੂੰ ਮਾਰਨ, ਦਬਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਮੈਂ ਦਬਿਆ ਨਹੀਂ। ਗਿੱਦੜਬਾਹੇ ਦੇ ਲੋਕਾਂ ਨੇ ਮੈਨੂੰ ਬਹੁਤ ਪਿਆਰ- ਸਤਿਕਾਰ ਦਿੱਤਾ। ਚਾਹੇ ਉਹ ਮੇਰੇ ਚੱਮ ਦੀਆਂ ਜੁੱਤੀਆਂ ਬਣਾ ਲੈਣ।
Amrinder Singh Raja Warring
ਸਨੀ ਦਿੱਲੋਂ 'ਤੇ ਹੋਈ ਐਫਆਈਆਰ ਬਾਰੇ ਬੋਲਦਿਆਂ ਉਹਨਾਂ ਆਖਿਆ ਕਿ ਸਨੀ ਦੀਆਂ ਕਰਤੂਤਾਂ ਕਰਕੇ ਉਸ 'ਤੇ ਐਫਆਈਆਰ ਹੋਈ। ਸਨੀ 'ਤੇ ਪਹਿਲਾਂ ਵੀ ਐਫਆਈਆਰ ਹਨ। 2 ਬੂਥ ਕੈਪਚਰਿੰਗ ਦੀਆਂ, ਇਕ ਐਸਐਚਓ ਨੂੰ ਕੁੱਟਣ ਦੀ ਐਫਆਈਆਰ ਹੈ। ਕੱਲ੍ਹ ਸਰਪੰਚ ਨੂੰ ਕੁੱਟਿਆ ਗਿਆ।
Amrinder Singh Raja Warring
ਉਸ ਦੀ ਪੱਗ ਲਾਈ ਗਈ। ਇਹ ਸਾਰੀ ਬੁਖਲਾਹਟ ਦੀਆਂ ਨਿਸ਼ਾਨੀਆਂ ਹਨ। ਵੜਿੰਗ ਨੇ ਦਾਅਵਾ ਕਰਦਿਆਂ ਕਿਹਾ ਕਿ ਸਰਕਾਰ ਫਿਰ ਕਾਂਗਰਸ ਦੀ ਹੀ ਆਵੇਗੀ 'ਤੇ ਮੈਂ ਤੀਸਰੀ ਵਾਰ ਜਿੱਤਾਂਗਾ।
Amrinder Singh Raja Warring
