ਕਾਂਗਰਸ ਐਸ.ਸੀ. ਵਿੰਗ ਨਾਲ ਕਰਮਜੀਤ ਸਿੰਘ ਗਿੱਲ ਦਾ ਕੋਈ ਸਬੰਧ ਨਹੀ : ਜਸਵਿੰਦਰ ਸਿੰਘ ਸ਼ੇਰਗਿੱਲ

ਕਾਂਗਰਸ ਐਸ.ਸੀ. ਵਿੰਗ ਨਾਲ ਕਰਮਜੀਤ ਸਿੰਘ ਗਿੱਲ ਦਾ ਕੋਈ ਸਬੰਧ ਨਹੀ : ਜਸਵਿੰਦਰ ਸਿੰਘ ਸ਼ੇਰਗਿੱਲ

ਅੰਮਿ੍ਤਸਰ, 19 ਅਗੱਸਤ (ਸੁਖਵਿੰਦਰਜੀਤ ਸਿੰਘ ਬਹੋੜੂ) : ਜ਼ਿਲ੍ਹਾ ਕਾਂਗਰਸ ਕਮੇਟੀ ਐਸ ਸੀ ਵਿੰਗ ਦੇ ਚੇਅਰਮੈਨ ਜਸਵਿੰਦਰ ਸਿੰਘ ਸ਼ੇਰਗਿੱਲ ਨੇ ਸਪੱਸ਼ਟੀਕਰਨ ਦਿੰਦਿਆਂ ਸਪੱਸ਼ਟ ਕੀਤਾ ਕਿ ਬੀਤੇ ਦਿਨੇ ਜਗਦੀਸ਼ ਟਾਈਟਲਰ ਦੀ ਟੀਸ਼ਰਟ ਵਾਲੀ ਤਸਵੀਰ ਦਰਬਾਰ ਸਾਹਿਬ ਪਾ ਕੇ ਖਿਚਵਾਉਣ ਵਾਲੇ ਸ਼ਖਸ ਕਰਮਜੀਤ ਸਿੰਘ ਗਿੱਲ ਦਾ ਕਾਂਗਰਸ ਐਸ.ਸੀ. ਵਿੰਗ ਨਾਲ ਕੋਈ ਸਬੰਧ ਨਹੀ ,ਜੋ ਅਪਣੀ ਭਾਈਚਾਰਕ ਸਾਂਝ 'ਚ ਤਰੇੜਾਂ ਹੋਰ ਡੂੰਘੀਆ ਕਰ ਰਿਹਾ ਹੈੈ | ਉਨ੍ਹਾ ਦੋਸ਼ ਲਾਇਆ ਕਿ ਇਹ ਵਿਅਕਤੀ ਸ਼ੋਹਰਤ ਦਾ ਭੁੱਖਾ ਹੈ ਤੇ ਕਿਸੇ ਸਾਜ਼ਸ਼ ਹੇਠ ਪੰਜਾਬ ਦੇ ਫਿਰਕੂ ਹਲਾਤ ਹਿੰਸਕ ਕਰ ਰਿਹਾ ਹੈੈ | ਪੁਲਿਸ ਨੂੰ  ਬਿਨਾਂ ਕਿਸੇੇ ਦਬਾਅ ਹੇਠ ਅਸਲੀਅਤ ਸਾਹਮਣੇ ਲਿਆਉਣੀ ਚਾਹੀਦੀ ਹੈ ,ਜਿਸ ਬਾਰੇ ਸ਼੍ਰੋਮਣੀ ਕਮੇਟੀ ਨੇ ਸ਼ਿਕਾਇਤ ਦਰਜ ਕਰਵਾ ਦਿਤੀ ਹੈ | ਯੂਥ ਨੇਤਾ ਸ਼ੇਰਗਿੱਲ ਨੇ ਸਪੱਸ਼ਟ ਕੀਤਾ ਕਿ ਸ਼੍ਰੀ ਹਰਿਮੰਦਰ ਸਾਹਿਬ ਸਭ ਦਾ ਸਾਂਝਾ ਮਹਾਨ ਤੇ ਮੁਕੱਦਸ ਸਥਾਨ ਹੈ,ਜਿਥੇ ਲੱਖਾਂ ਸ਼ਰਧਾਲੂ ਦੇਸ਼ ਵਿਦੇਸ਼ ਤੋਂ ਗੁਰੂ ਘਰ ਨਤਮਸਤਕ ਹੋ ਕੇ ਸਰਬੱਤ ਦਾ ਭਲਾ ਮੰਗਦੇ ਹਨ ਪਰ ਇਸ ਕਰਮਜੀਤ ਸਿੰਘ ਗਿੱਲ ਵਰਗੀਆਂ ਕਾਲੀਆਂ ਭੇਡਾਂ ਵੀ ਸਮਾਜ ਅੰਦਰ ਹਨ, ਜਿਨ੍ਹਾਂ ਦਾ ਕੰਮ ਸਮਾਜ ਨੂੰ  ਖੇਰੂ-ਖੇਰੂ ਕਰਨ ਦਾ ਹੈ | ਅਜਿਹੇ ਸ਼ਰਾਰਤੀ ਨੂੰ  ਸਖ਼ਤ ਸਜ਼ਾਵਾਂ ਦੇਣੀਆਂ ਚਾਹੀਦੀਆਂ ਹਨ ਤਾਂ ਜੋ ਕੋਈ ਮੁੜ ਅਜਿਹੀ ਕੋਝੀ ਹਰਕਤ ਕਰਨ ਦੀ ਜੁਰਅਤ ਨਾ ਕਰੇ | ਸ਼ੇਰਗਿੱਲ ਨੇ ਸਮੂਹ ਨਾਨਕ ਨਾਮ ਲੇਵਾ ਸੰਗਤ ਨੂੰ  ਅਪੀਲ ਕੀਤੀ ਕਿ ਉਹ ਅਪਣੀ ਭਾਈਚਾਰਕ ਸਾਂਝ ਮਜਬੂਤ ਕਰਨ ਤੇ ਇਕਜੁਟਤਾ ਨਾਲ ਅਜਿਹੇ ਸ਼ਰਾਰਤੀ ਤੱਤਾਂ ਵਿਰੁਧ ਸਖ਼ਤ ਕਾਰਵਾਈ ਲਈ ਜਾਂਚ ਅਧਿਕਾਰੀਆਂ ਦਾ ਸਾਥ ਦੇਣ  |

ਕੈਪਸ਼ਨ-ਏ ਐਸ ਆਰ ਬਹੋੜੂ—19—1— ਜਸਵਿੰਦਰ ਸਿੰਘ ਸ਼ੇਰਗਿੱਲ  |