20 ਘੰਟੇ ਤੱਕ ਬਿਨਾਂ ਹੱਥ ਪੈਰ ਮਾਰੇ ਪਾਣੀ ’ਤੇ ਤੈਰਨ ਦਾ ਦਾਅਵਾ
ਅੰਮ੍ਰਿਤਸਰ: (ਰਾਜੇਸ਼ ਕੁਮਾਰ) ਤੁਸੀਂ ਪਾਣੀ ’ਤੇ ਤੈਰਨ ਵਾਲੇ ਬਹੁਤ ਸਾਰੇ ਲੋਕ ਦੇਖੇ ਹੋਣਗੇ ਪਰ ਕੀ ਤੁਸੀਂ ਕਦੇ ਅਜਿਹਾ ਸਖ਼ਸ਼ ਦੇਖਿਆ ਜੋ 125 ਕਿਲੋ ਵਜ਼ਨ ਹੋਣ ਦੇ ਬਾਵਜੂਦ ਪਾਣੀ ਦੀ ਸਤ੍ਹਾ ’ਤੇ ਕਈ ਘੰਟੇ ਤਕ ਫੁੱਲਾਂ ਵਾਂਗ ਤੈਰਦਾ ਹੋਵੇ, ਉਹ ਵੀ ਬਿਨਾਂ ਅਪਣੇ ਹੱਥ ਪੈਰ ਮਾਰੇ। ਹੋ ਗਏ ਨਾ ਹੈਰਾਨ?
Jujhar Singh
ਜੀ ਹਾਂ...ਇਹ ਕਾਰਨਾਮਾ ਕਰਨ ਵਾਲੇ ਇਸ ਸਖ਼ਸ਼ ਦਾ ਨਾਮ ਜੁਝਾਰ ਸਿੰਘ ਹੈ, ਜੋ ਗੁਰੂ ਨਗਰੀ ਅੰਮ੍ਰਿਤਸਰ ਦਾ ਰਹਿਣ ਵਾਲਾ ਹੈ। ਤਸਵੀਰਾਂ ਵਿਚ ਤੁਸੀਂ ਇਸ ਸਖ਼ਸ਼ ਨੂੰ ਪਾਣੀ ਦੀ ਸਤ੍ਹਾ ’ਤੇ ਆਰਾਮ ਨਾਲ ਲੇਟਿਆ ਹੋਇਆ ਦੇਖ ਸਕਦੇ ਹੋ ਜੋ ਮੌਜ਼ ਨਾਲ ਕੋਲਡ੍ਰਿਰੰਕ ਪੀਂਦਾ ਹੋਇਆ ਦਿਖਾਈ ਦੇ ਰਿਹਾ ਹੈ।
Jujhar Singh
30 ਸਾਲਾ ਜੁਝਾਰ ਸਿੰਘ ਨੇ ਦੱਸਿਆ ਕਿ ਜਦੋਂ ਉਹ 6 ਸਾਲਾਂ ਦਾ ਸੀ ਤਾਂ ਟਿਊਬਵੈੱਲ ’ਤੇ ਨਹਾਉਂਦੇ ਸਮੇਂ ਉਸ ਦਾ ਪੈਰ ਤਿਲਕ ਗਿਆ ਪਰ ਉਹ ਪਾਣੀ ਵਿਚ ਡੁੱਬਣ ਦੀ ਬਜਾਏ ਗੁਬਾਰੇ ਵਾਂਗ ਤੈਰਨ ਲੱਗਿਆ। ਇਸ ਮਗਰੋਂ ਉਸ ਨੇ ਕਈ ਵਾਰ ਅਜਿਹੀ ਕੋਸ਼ਿਸ਼ ਕੀਤੀ ਜੋ ਸਫ਼ਲ ਰਹੀ। ਉਸ ਦਾ ਕਹਿਣਾ ਹੈ ਕਿ ਉਹ 20 ਤੋਂ 25 ਘੰਟੇ ਤਕ ਪਾਣੀ ’ਤੇ ਬਿਨਾਂ ਹੱਥ ਪੈਰ ਮਾਰੇ ਤੈਰ ਕੇ ਵਿਸ਼ਵ ਰਿਕਾਰਡ ਬਣਾਉਣਾ ਚਾਹੁੰਦਾ ਹੈ।
Jujhar Singh
ਦੱਸ ਦਈਏ ਕਿ ਜੁਝਾਰ ਸਿੰਘ ਦੇ ਕਾਰਨਾਮੇ ਨੂੰ ਦੇਖ ਕੇ ਹਰ ਕਿਸੇ ਦੀਆਂ ਅੱਖਾਂ ਅੱਡੀਆਂ ਰਹਿ ਜਾਂਦੀਆਂ ਨੇ ਪਰ ਦੇਖਣਾ ਹੋਵੇਗਾ ਕਿ ਉਸ ਦੇ ਇਸ ਕਾਰਨਾਮੇ ਨੂੰ ਕਦੋਂ ਵੱਡੀ ਪਛਾਣ ਮਿਲਦੀ ਹੈ।
