ਮ੍ਰਿਤਕਾਂ ਦੀ ਪਹਿਚਾਣ ਚਮਕੌਰ ਸਿੰਘ ਤੇ ਸ਼ਰਨਪ੍ਰੀਤ ਵਜੋਂ ਹੋਈ ਹੈ
ਪਿੰਡ ਹਰੀਗੜ੍ਹ ’ਚ ਇਕ ਵਿਅਕਤੀ ਚਮਕੌਰ ਸਿੰਘ ਪੁੱਤਰ ਜਰਨੈਲ ਸਿੰਘ ਵਾਸੀ ਸੰਗਰੂਰ ਨੇ ਹਰੀਗੜ੍ਹ ਨਹਿਰ ਦੇ ਪੁਲ ’ਤੇ ਪੁੱਜ ਕੇ ਨਹਿਰ ਵਿਚ ਛਾਲ ਮਾਰ ਦਿਤੀ। ਜੋ ਮਾਨਸਿਕ ਤੌਰ ’ਤੇ ਪਰੇਸ਼ਾਨ ਸੀ। ਨਹਿਰ ਦੇ ਨਜ਼ਦੀਕ ਖੜ੍ਹੇ ਹਰੀਗੜ੍ਹ ਪਿੰਡ ਦੇ ਨੌਜਵਾਨ ਸ਼ਰਨਪ੍ਰੀਤ ਪੁੱਤਰ ਕਰਮਜੀਤ ਸਿੰਘ ਜਿਹੜਾ ਕਿ ਮਹਿਰੇ ਪਰਿਵਾਰ ਨਾਲ ਸਬੰਧਤ ਦਸਿਆ ਜਾ ਰਿਹਾ ਸੀ, ਨੇ ਡੁੱਬਦੇ ਨੂੰ ਬਚਾਉਣ ਲਈ ਵੀ ਨਹਿਰ ਦੇ ਵਿਚ ਛਾਲ ਮਾਰ ਦਿਤੀ।
ਜਾਣਕਾਰੀ ਅਨੁਸਾਰ ਪਾਣੀ ’ਚ ਡੁੱਬ ਰਹੇ ਚਮਕੌਰ ਸਿੰਘ ਨੂੰ ਕੱਢਣ ਦੇ ਮਨਸ਼ੇ ਨਾਲ ਗਏ ਸ਼ਰਨਪ੍ਰੀਤ ਨੂੰ ਵੀ ਨਾਲ ਡਬੋ ਲਿਆ। ਨਹਿਰ ਕਿਨਾਰੇ ਡੁੱਬ ਚੁੱਕਿਆਂ ਨੂੰ ਕੱਢ ਰਹੇ ਇਕੱਠ ਨੇ ਦਸਿਆ ਕਿ ਚਮਕੌਰ ਸਿੰਘ ਸਰੀਰ ਦੇ ਭਾਰੇ ਸਨ ਤੇ ਡੁੱਬਣ ਤੋਂ ਬਚਣ ਲਈ ਉਨ੍ਹਾਂ ਨੇ ਸ਼ਰਨਪ੍ਰੀਤ ਦੇ ਉੱਪਰ ਆਪਣਾ ਸਾਰਾ ਵਜਨ ਦੇ ਦਿਤਾ। ਜਿਸ ਕਰ ਕੇ ਉਹ ਤੈਰਨ ਤੋਂ ਅਸਮਰਥ ਹੋ ਗਿਆ ਤੇ ਉਹ ਵੀ ਪਾਣੀ ਵਿਚ ਹੀ ਡੁੱਬ ਗਿਆ।
ਦੁਰਘਟਨਾ ਦਾ ਪਤਾ ਚੱਲਦਿਆਂ ਹੀ ਨਹਿਰ ਦੁਆਲੇ ਵੱਡਾ ਇਕੱਠ ਹੋ ਗਿਆ ਤੇ ਲੋਕਾਂ ਨੇ ਦੋਵਾਂ ਨੂੰ ਕੱਢਣ ਲਈ ਪੂਰੀ ਵਾਹ ਲਗਾ ਦਿਤੀ ਅਤੇ ਦੋਵੇਂ ਨੌਜਵਾਨਾਂ ਦੀਆਂ ਮ੍ਰਿਤਕ ਦੇਹਾਂ ਨੂੰ ਬਾਹਰ ਕੱਢ ਲਿਆ ਗਿਆ। ਐਸ. ਐਚ. ਓ. ਧਨੌਲਾ ਨੇ ਦਸਿਆ ਕਿ ਮਾਮਲੇ ਦੀ ਪੜਤਾਲ ਕੀਤੀ ਜਾ ਰਹੀ ਹੈ।
