ਮੁਲਜ਼ਮਾਂ ਦੀਆਂ CCTV 'ਚ ਕੈਦ ਹੋਈਆਂ ਤਸਵੀਰਾਂ ਆਈਆਂ ਸਾਹਮਣੇ
ਮੁੱਖ ਮੁਲਜ਼ਮ ਫਤਿਹਵੀਰ ਨੂੰ ਮਿਲਿਆ ਸੀ ਲੁਧਿਆਣਾ ਦਾ ਸ਼ਾਮ ਸ਼ੁੰਦਰ
-15 ਅਗਸਤ ਸ਼ਾਮ 6:25 ਵਜੇ CCTV 'ਚ ਆਇਆ ਨਜ਼ਰ
-ਕੈਨੇਡਾ ਦੀ ਮਹਿਲਾ ਦਾ ਵੀ ਪਾਸਪੋਰਟ ਬਰਾਮਦ
- ਫਤਿਹਵੀਰ ਨੇ ਗੱਡੀ ਦੀ ਨੰਬਰ ਪਲੇਟ ਵੀ ਬਦਲੀ ਸੀ
-ਸ਼ਾਮ ਸੁੰਦਰ ਦੀ ਗ੍ਰਿਫ਼ਤਾਰੀ ਲਈ ਕੀਤੀ ਜਾ ਰਹੀ ਰਾਜਸਥਾਨ 'ਚ ਛਾਪੇਮਾਰੀ
ਚੰਡੀਗੜ੍ਹ : ਪੰਜਾਬ ਦੇ ਅੰਮ੍ਰਿਤਸਰ 'ਚ ਸਬ-ਇੰਸਪੈਕਟਰ ਦਿਲਬਾਗ ਸਿੰਘ ਦੀ ਕਾਰ 'ਚ ਬੰਬ ਰੱਖਣ ਵਾਲਾ ਮੁੱਖ ਦੋਸ਼ੀ ਫਤਿਹਵੀਰ ਸਿੰਘ ਲੁਧਿਆਣਾ-ਫਿਰੋਜ਼ਪੁਰ ਰੋਡ 'ਤੇ ਇਕ 5-ਸਿਤਾਰਾ ਹੋਟਲ 'ਚ ਠਹਿਰਿਆ ਹੋਇਆ ਸੀ। ਲੁਧਿਆਣਾ ਦਾ ਰਹਿਣ ਵਾਲਾ ਨੌਜਵਾਨ ਮਿੱਕੀ ਫਤਹਿਵੀਰ ਨੂੰ ਮਿਲਿਆ ਸੀ।
sham sundar
ਮਿਕੀ 'ਤੇ ਫਤਿਹਵੀਰ ਨੂੰ ਸਿਮ ਮੁਹੱਈਆ ਕਰਵਾਉਣ ਦਾ ਦੋਸ਼ ਸੀ। ਹਾਲਾਂਕਿ ਮਾਮਲੇ ਦੀ ਜਾਂਚ ਏਜੰਸੀਆਂ ਨੇ ਇਸ ਮਾਮਲੇ 'ਚ ਮਿਕੀ ਨੂੰ ਬਾਹਰ ਕੱਢ ਦਿੱਤਾ ਹੈ ਪਰ ਉਸ 'ਤੇ ਵੀ ਨਜ਼ਰ ਰੱਖੀ ਜਾ ਰਹੀ ਹੈ। ਦੂਜੇ ਪਾਸੇ ਲੁਧਿਆਣਾ ਦਾ ਇੱਕ ਹੋਰ ਨੌਜਵਾਨ ਸ਼ਾਮ ਸੁੰਦਰ ਜੋ ਕਿ ਸੀਐਮਸੀ ਚੌਕ ਦਾ ਰਹਿਣ ਵਾਲਾ ਹੈ, ਵੀ ਹੋਟਲ ਦੇ ਸੀਸੀਟੀਵੀ ਕੈਮਰਿਆਂ ਵਿੱਚ ਨਜ਼ਰ ਆ ਰਿਹਾ ਹੈ। ਸ਼ਾਮ ਸੁੰਦਰ ਦੀ 15 ਅਗਸਤ ਨੂੰ ਹੋਟਲ ਵਿੱਚ ਫਤਹਿਵੀਰ ਨਾਲ ਮੁਲਾਕਾਤ ਹੋਣ ਬਾਰੇ ਪਤਾ ਲੱਗਾ ਹੈ। ਸ਼ਾਮ ਕਰੀਬ 6:25 ਵਜੇ ਦੀ ਉਸ ਦੀ ਫੁਟੇਜ ਸਾਹਮਣੇ ਆਈ ਹੈ।
photo
ਜ਼ਿਲ੍ਹਾ ਪੁਲੀਸ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਸ਼ਾਮ ਸੁੰਦਰ ਦੇ ਹੋਟਲ ਦੀ ਫੁਟੇਜ ਸਾਹਮਣੇ ਆਉਣ ਤੋਂ ਬਾਅਦ ਪੁਲੀਸ ਨੇ ਇਲਾਕੇ ਵਿੱਚ ਲੱਗੇ ਕੈਮਰਿਆਂ ਦੀ ਜਾਂਚ ਕੀਤੀ, ਜਿਸ ਵਿੱਚ ਸ਼ਾਮ ਸੁੰਦਰ ਨੂੰ ਜਗਰਾਉਂ ਪੁਲ ਤੱਕ ਆਉਂਦਾ ਦੇਖਿਆ ਗਿਆ। ਇਸ ਤੋਂ ਬਾਅਦ ਉਸ ਨੇ ਸਿਵਲ ਹਸਪਤਾਲ ਤੱਕ ਪੁਲਿਸ ਨੂੰ ਦਿਖਾਇਆ। ਸਿਵਲ ਹਸਪਤਾਲ ਤੋਂ ਬਾਅਦ ਉਹ ਦਿਖਾਈ ਨਹੀਂ ਦਿੱਤਾ।
pasport photo
ਪੁਲਿਸ ਇਸ ਮਾਮਲੇ ਵਿਚ ਡੂੰਘਾਈ ਨਾਲ ਜਾਂਚ ਕਰ ਰਹੀ ਹੈ ਅਤੇ ਜਿਸ ਤੋਂ ਬਾਅਦ ਪੁਲਿਸ ਨੂੰ ਸਫਲਤਾ ਮਿਲੀ। ਪੁਲਿਸ ਟੀਮਾਂ ਨੇ ਉਸ ਦੇ ਘਰ ਛਾਪੇਮਾਰੀ ਵੀ ਕੀਤੀ ਪਰ ਦੱਸਿਆ ਜਾ ਰਿਹਾ ਹੈ ਕਿ ਸ਼ਾਮ ਸੁੰਦਰ ਫਰਾਰ ਹੈ ਅਤੇ ਰਾਜਸਥਾਨ ਭੱਜ ਗਿਆ ਹੈ। ਪੁਲਿਸ ਦੇ ਹੱਥ ਇੱਕ ਪਾਸਪੋਰਟ ਵੀ ਲੱਗਿਆ ਹੈ। ਫਤਿਹਵੀਰ ਇਸ ਪਾਸਪੋਰਟ ਨਾਲ ਕੀ ਕਰਨਾ ਚਾਹੁੰਦਾ ਸੀ, ਇਹ ਜਾਂਚ ਦਾ ਵਿਸ਼ਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜਿਸ ਔਰਤ ਦਾ ਇਹ ਪਾਸਪੋਰਟ ਹੈ, ਉਹ ਕੈਨੇਡਾ ਦੀ ਰਹਿਣ ਵਾਲੀ ਹੈ। ਪੁਲਿਸ ਜਾਂਚ ਕਰ ਰਹੀ ਹੈ, ਇਹ ਪਤਾ ਲਗਾਉਣ ਲਈ ਕਿ ਪਾਸਪੋਰਟ ਅਸਲੀ ਹੈ ਜਾਂ ਨਕਲੀ।
crime news
ਮੁਲਜ਼ਮ ਫਤਿਹਵੀਰ ਵੱਲੋਂ ਵਰਤੀ ਗਈ ਐਸਯੂਵੀ ਦੀ ਫੁਟੇਜ ਵੀ ਸੀਸੀਟੀਵੀ ਵਿੱਚ ਮਿਲੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮਾਂ ਨੇ ਗੱਡੀ ਦੀ ਨੰਬਰ ਪਲੇਟ ਵੀ ਬਦਲ ਦਿੱਤੀ ਸੀ। ਫਤਿਹਵੀਰ ਅਤੇ ਹਰਪਾਲ ਸਿੰਘ ਦੀ ਗ੍ਰਿਫਤਾਰੀ ਤੋਂ ਬਾਅਦ ਪੁਲਿਸ ਹੁਣ ਰਾਜਸਥਾਨ 'ਚ ਛਾਪੇਮਾਰੀ ਕਰਨ ਗਈ ਹੈ, ਤਾਂ ਜੋ ਸ਼ਾਮ ਸੁੰਦਰ ਨੂੰ ਪੁੱਛਗਿੱਛ ਲਈ ਫੜਿਆ ਜਾ ਸਕੇ।
