ਕੋਰੋਨਾ ਟੀਕਾ ਅਪ੍ਰੈਲ 'ਚ ਤੇ ਦੋ ਖ਼ੁਰਾਕਾਂ ਹਜ਼ਾਰ ਰੁਪਏ ਵਿਚ

ਨਵੀਂ ਦਿੱਲੀ, 20 ਨਵੰਬਰ : ਸੀਰਮ ਇੰਸਟੀਚਿਊਟ ਆਫ਼ ਇੰਡੀਆ ਦੇ ਸੀਈਓ ਆਦਰ ਪੂਨਾਵਾਲਾ ਨੇ ਆਕਸਫ਼ੋਰਡ ਕੋਰੋਨਾ ਵਾਇਰਸ ਟੀਕੇ ਬਾਰੇ ਇਕ ਵੱਡੀ ਖ਼ਬਰ ਦਿਤੀ ਹੈ। ਦਰਅਸਲ, ਆਦਰ ਪੂਨਾਵਾਲਾ ਨੇ ਦਸਿਆ ਹੈ ਕਿ ਆਮ ਲੋਕਾਂ ਨੂੰ ਇਹ ਟੀਕਾ ਕਦੋਂ ਅਤੇ ਕਿੰਨੀ ਕੀਮਤ ਵਿਚ ਮਿਲੇਗਾ। ਹਿੰਦੁਸਤਾਨ ਟਾਈਮਜ਼ ਲੀਡਰਸ਼ਿਪ ਸਮਿਟ 2020 ਵਿਖੇ ਟੀਕੇ ਬਾਰੇ ਬੋਲਦਿਆਂ ਆਦਰ ਪੂਨਾਵਾਲਾ ਨੇ ਕਿਹਾ ਕਿ ਮੇਰਾ ਵਿਸ਼ਵਾਸ ਹੈ ਕਿ ਸਿਹਤ ਕਰਮਚਾਰੀਆਂ ਅਤੇ ਬਜ਼ੁਰਗ ਲੋਕਾਂ ਲਈ ਆਕਸਫ਼ੋਰਡ ਕੋਰੋਨਾ ਵਾਇਰਸ ਟੀਕਾ ਫ਼ਰਵਰੀ 2021 ਤਕ ਉਪਲਬਧ ਹੋ ਜਾਣਾ ਚਾਹੀਦਾ ਹੈ।
ਇਸ ਤੋਂ ਇਲਾਵਾ ਅਪ੍ਰੈਲ 2021 ਤਕ ਇਹ ਟੀਕਾ ਆਮ ਲੋਕਾਂ ਨੂੰ ਵੀ ਉਪਲਬਧ ਹੋ ਜਾਵੇਗਾ। ਲੋਕਾਂ ਲਈ, ਇਸ ਟੀਕੇ ਦੀਆਂ ਲੋੜੀਂਦੀਆਂ ਦੋ ਖ਼ੁਰਾਕਾਂ ਦੀ ਕੀਮਤ ਵੱਧ ਤੋਂ ਵੱਧ 1000 ਰੁਪਏ ਹੋਵੇਗੀ। ਹਾਲਾਂਕਿ, ਇਹ ਸਭ ਕੇਸ ਦੇ ਅੰਤਮ ਗੇੜ ਦੇ ਨਤੀਜੇ ਅਤੇ ਸਰਕਾਰ ਤੋਂ ਮਨਜ਼ੂਰੀ 'ਤੇ ਨਿਰਭਰ ਕਰੇਗਾ। ਉਮੀਦ ਕੀਤੀ ਜਾ ਰਹੀ ਹੈ ਕਿ 2024 ਤਕ ਹਰ ਭਾਰਤੀ ਨੂੰ ਇਹ ਟੀਕਾ ਲੱਗ ਚੁਕਿਆ ਹੋਵੇਗਾ। ਆਦਰ ਪੂਨਾਵਾਲਾ ਨੇ ਕਿਹਾ ਕਿ ਮੈਨੂੰ ਉਮੀਦ ਹੈ ਕਿ ਹਰ ਭਾਰਤੀ ਨੂੰ ਅਗਲੇ ਦੋ ਤਿੰਨ ਸਾਲਾਂ ਵਿਚ ਇਹ


ਵੈਕਸੀਨ ਮਿਲ ਜਾਵੇਗੀ, ਮੈਂ ਇਹ ਇਸ ਲਈ ਕਹਿ ਰਿਹਾ ਹਾਂ ਕਿਉਂਕਿ ਨਾ ਸਿਰਫ਼ ਹਰੇਕ ਨੂੰ ਟੀਕਾ ਦੇਣ ਦੀ ਸਪਲਾਈ ਹੈ, ਬਲਕਿ ਬਜਟ, ਟੀਕੇ ਦੀ ਉਪਲਬਧਤਾ, ਬੁਨਿਆਦੀ ਵਿਵਸਥਾ ਵਰਗੀਆਂ ਬੁਨਿਆਦ ਗੱਲਾਂ ਵੀ ਮਾਇਨੇ ਰੱਖੇਗੀ। ਇਸ ਤੋਂ ਇਲਾਵਾ, ਟੀਕਾ ਲੈਣ ਲਈ ਲੋਕਾਂ ਦੀ ਇੱਛਾ ਵੀ ਬਹੁਤ ਮਹੱਤਵਪੂਰਨ ਹੋਵੇਗੀ। ਇਹ ਉਹ ਕਾਰਕ ਹਨ ਜੋ ਸਾਨੂੰ ਟੀਕਾਕਰਨ ਦੌਰਾਨ ਧਿਆਨ ਵਿਚ ਰੱਖਣੇ ਹਨ ਅਤੇ ਮੁੜ 2024 ਤਕ ਅਸੀਂ ਹਰ ਭਾਰਤੀ ਨੂੰ ਟੀਕਾ ਦੇ ਸਕਾਂਗੇ। (ਏਜੰਸੀ)