ਸਿੰਘੂ ਬਾਰਡਰ ’ਤੇ ਹਰ ਦਿਨ ਖ਼ੁਦ ਨੂੰ ਜ਼ੰਜੀਰਾਂ ਵਿਚ ਲਪੇਟਦਾ ਹੈ ਇਕ ਕਿਸਾਨ

ਨਵੀਂ ਦਿੱਲੀ, 20 ਨਵੰਬਰ : ਪੰਜਾਬ ਦੇ ਰਹਿਣ ਵਾਲਾ ਕਬਾਲ ਸਿੰਘ ਹਰ ਸਵੇਰੇ ਕੁਰਤਾ ਪਜਾਮਾ ਪਹਿਨਣ ਤੋਂ ਬਾਅਦ ਖ਼ੁਦ ਨੂੰ ਜ਼ੰਜੀਰਾਂ ਵਿਚ ਲਪੇਟ ਲੈਂਦਾ ਹੈ ਅਤੇ ਸਿੰਘੂ ਬਾਰਡਰ ਸਥਿਤ ਖੇਤੀ ਕਾਨੂੰਨ ਦੇ ਵਿਰੋਧ ਸਥਾਨ ਦੇ ਚਾਰੇ ਪਾਸੇ ਘੁੰਮਦੇ ਹਾਂ ਅਤੇ ਉਹ ਇਸ ਨੂੰ ‘‘ਕਿਸਾਨਾਂ ਦੀ ਮਾਨਸਕ ਸਥਿਤੀ’’ ਦਸਦਾ ਹੈ। ਫ਼ਾਜ਼ਿਲਕਾ ਜ਼ਿਲ੍ਹੇ ਦਾ ਰਹਿਣ ਵਾਲਾ ਛੋਟਾ ਕਿਸਾਨ ਕਬਾਲ ਸਿੰਘ (44) ਦਿਨ ਭਰ ਜ਼ੰਜੀਰ ਵਿਚ ਜਕੜ ਕੇ ਘੁੰਮਦਾ ਹੈ ਅਤੇ ਇਸ ਅਵਸਥਾ ਵਿਚ ਪ੍ਰਦਰਸ਼ਨਾਂ ਵਿਚ ਹਿੱਸਾ ਲੈਂਦਾ ਹੈ। 
ਕਬਾਲ ਸਿੰਘ ਕੇਵਲ ਰਾਤ ਨੂੰ ਸੌਣ ਤੋਂ ਪਹਿਲਾਂ ਜ਼ੰਜੀਰ ਹਟਾਉਂਦਾ ਹੈ। ਕਬਾਲ ਸਿੰਘ ਅੱਜ ਦਾਅਵਾ ਕੀਤਾ ਕਿ ਉਹ ਪ੍ਰਦਰਸ਼ਨ ਸਥਾਨ ’ਤੇ ਅਜਿਹਾ ਪਿਛਲੇ ਦਸੰਬਰ ਤੋਂ ਕਰ ਰਿਹਾ ਹੈ। ਉਸ ਨੇ ਕਿਹਾ ਕਿ ਵਿਚਾਲੇ ਦੇ ਕੁੱਝ ਦਿਨ ਅਜਿਹਾ ਨਹੀਂ ਕੀਤਾ, ਜਦ ਉਹ ਅਪਣੇ ਮਾਤਾ ਪਿਤਾ ਦੇ ਅੰਤਿਮ ਸਸਕਾਰ ਲਈ ਅਪਣੇ ਘਰ ਗਿਆ ਸੀ। ਉਸ ਨੇ ਕਿਹਾ, ‘‘ਮੈਂ ਪਿਛਲੇ ਸਾਲ ਦਸੰਬਰ ਵਿਚ ਸਿੰਘੂ ਸਰਹੱਦ ਵਿਰੋਧ ਸਥਾਨ ’ਤੇ ਆਇਆ ਸੀ। ਮੈਂ ਹਰ ਦਿਨ ਇਕ ਪ੍ਰਤੀਕਾਤਮਕ ਵਿਰੋਧ ਦੇ ਤੌਰ ’ਤੇ ਖ਼ੁਦ ਨੂੰ ਜ਼ੰਜੀਰਾਂ ਨਾਲ ਜਕੜਦਾ ਹਾਂ। ਇਸ ਦਾ ਆਰੰਭ ਸਵੇਰੇ ਸਤ ਵਜੇ ਹੁੰਦਾ ਹੈ ਅਤੇ ਰਾਤ ਨੂੰ 9 ਵਜੇ ਸੌਣ ਤੋਂ ਪਹਿਲਾਂ ਇਸ ਨੂੰ ਹਟਾਉਂਦਾ ਹਾਂ।’’ ਸੂਤੀ ਕੁਰਤਾ ਪਜਾਮਾ ਅਤੇ ਹਰੇ ਰੰਗ ਦੀ ਦਸਤਾਰ ਸਜਾ ਕੇ ਕਬਾਲ ਸਿੰਘ ਸੁਤੰਤਰਤਾ ਸੈਲਾਨੀ ਭਗਤ ਸਿੰਘ ਦੇ ਅਕਸ ਵਾਲਾ ਇਕ ਬਿੱਲਾ ਪਹਿਨਦਾ ਹੈ। ਉਸ ਨੇ ਕਿਹਾ ਕਿ ਉਹ ‘‘ਕਿਸਾਨਾਂ ਦੀ ਮਾਨਸਕ ਸਥਿਤੀ’’ ਨੂੰ ਦੱਸਣਾ ਚਾਹੁੰਦਾ ਹੈ। 
ਕਬਾਲ ਸਿੰਘ ਨੇ ਕਿਹਾ, ‘‘ਮੈਂ ਬਹੁਤ ਖ਼ੁਸ਼ ਹਾਂ ਅਤੇ ਮੈਂ ਪ੍ਰਧਾਨ ਮੰਤਰੀ ਨੂੰ ਉਨ੍ਹਾਂ ਦੇ ਫ਼ੈਸਲੇ ਲਈ ਧਨਵਾਦ ਕਰਦਾ ਹਾਂ। ਹਾਲਾਂਕਿ, ਸਾਡੀ ਲੜਾਈ ਖ਼ਤਮ ਨਹੀਂ ਹੋਈ। ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਨ ਦੇ ਨਾਲ ਨਾਲ ਅਸੀਂ ਐਮ.ਐਸ.ਪੀ. ’ਤੇ ਕਾਨੂੰਨੀ ਗਰੰਟੀ ਵੀ ਚਾਹੁੰਦੇ ਹਾਂ। ਸਰਕਾਰ ਵਲੋਂ ਸਾਡੀਆਂ ਮੰਗਾਂ ਪੂਰੀਆਂ ਹੋਣ ਤੋਂ ਬਾਅਦ ਸੰਯੁਕਤ ਕਿਸਾਨ ਮੋਰਚੇ ਦੇ ਮੰਚ ’ਤੇ ਅਪਣੀਆਂ ਜ਼ੰਜੀਰਾਂ ਹਟਾ ਦੇਵਾਂਗਾ।’’ ਕਬਾਲ ਸਿੰਘ ਨੇ ਯਾਦ ਕੀਤਾ ਕਿ ਉਸ ਨੇ ਦੋ ਮੌਕਿਆਂ ’ਤੇ ਅਪਣੀਆਂ ਜ਼ੰਜੀਰਾਂ ਹਟਾਈਆਂ ਹਨ। ਪਹਿਲੀ ਬਾਰ ਅਪਣੇ ਪਿਤਾ ਦੇ ਦਿਹਾਂਤ ’ਤੇ ਅਤੇ ਦੂਜੀ ਬਾਰ ਮਾਂ ਦੇ ਦਿਹਾਂਤ ’ਤੇ ਅਪਣੇ ਸ਼ਹਿਰ ਵਾਪਸ ਜਾਣ ਲਈ। ਉਸ ਨੇ ਕਿਹਾ, ‘‘ਹੁਣ, ਮੇਰੇ ਪਰਵਾਰ ਵਿਚ ਮੇਰੀ ਪਤਨੀ ਅਤੇ 14 ਸਾਲ ਦਾ ਲੜਕਾ ਹੈ।’’ (ਏਜੰਸੀ)