ਹ ਚਿੱਠੀ 13 ਦਸੰਬਰ ਨੂੰ ਲੀਕ ਹੋਣ ਬਾਅਦ ਵਾਇਰਲ ਹੋਈ ਸੀ
ਚੰਡੀਗੜ੍ਹ (ਭੁੱਲਰ): ਏਡੀਜੀਪੀ ਐਸ ਕੇ ਅਸਥਾਨਾ ਵਲੋਂ ਡੀ ਜੀ ਪੀ ਨੂੰ ਨਸ਼ਿਆਂ ਦੀ ਜਾਚ ਦੇ ਮਾਮਲੇਂ ਚ ਲਿਖੀ ਗਈ ਚਿਠੀ ਲੀਕ ਹੋਣ ਦੇ ਮਾਮਲੇਂ ’ਚ ਪਰਚਾ ਦਰਜ ਹੋ ਗਿਆ ਹੈ। ਮਿਲੀ ਜਾਣਕਾਰੀ ਮੁਤਾਬਿਕ ਪੰਜਾਬ ਪੁਲਿਸ ਦੇ ਸਟੇਟ ਕ੍ਰਾਈਮ ਸੈੱਲ ’ਚ ਪੰਜਾਬ ਸਰਕਾਰ ਵਲੋਂ ਦਿਤੀ ਸ਼ਿਕਾਇਤ ਉਪਰ ਆਈ ਟੀ ਐਕਟ 2000 ਦੀ ਧਾਰਾ 71 ਅਤੇ ਆਈ ਪੀ ਸੀ ਦੀ ਧਾਰਾ 409 ਤਹਿਤ ਅਣਪਛਾਤੇ ਲੋਕਾਂ ਖ਼ਿਲਾਫ ਐਫ਼ ਆਈ ਆਰ ਦਰਜ ਕੀਤੀ ਗਈ ਹੈ।
ਇਹ ਚਿੱਠੀ 13 ਦਸੰਬਰ ਨੂੰ ਲੀਕ ਹੋਣ ਬਾਅਦ ਵਾਇਰਲ ਹੋਈ ਸੀ ਅਤੇ 14 ਦਸੰਬਰ ਨੂੰ ਮੀਡੀਆ ਦੇ ਇਕ ਹਿਸੇ ਚ ਖ਼ਬਰ ਪ੍ਰਕਾਸ਼ਤ ਹੋਣ ਬਾਅਦ ਮੁੱਖ ਮੰਤਰੀ ਚੰਨੀ ਨੇ ਪਰਚਾ ਦਰਜ ਕਰਵਾਉਣ ਦਾ ਐਲਾਨ ਕੀਤਾ ਸੀ।ਅਸਥਾਨ ਦੀ ਚਿੱਠੀ ਚ ਉਸਨੇ ਨਸ਼ੇ ਦੇ ਮਾਮਲੇਂ ਚ ਕੋਰਟ ਦਾ ਹਵਾਲਾ ਦੇ ਕੇ ਜਾਂਚ ਕਰਨ ਤੋਂ ਅਸਮਰਥਤਾ ਪ੍ਰਗਟ ਕੀਤੀ ਸੀ ਅਤੇ ਉਸਤੋਂ ਬਾਅਦ ਉਹ ਬਿਮਾਰ ਹੋਣ ਬਾਅਦ ਹਸਪਤਾਲ ਦਾਖ਼ਲ ਹੋਏ ਸਨ।ਇਸਤੋਂ ਬਾਅਦ ਇਸ ਚਿੱਠੀ ਦੇ ਵਿਵਾਦ ਨੇ ਤੂਲ ਫੜਿਆ ਸੀ ਅਤੇ ਇਸੇ ਦੌਰਾਨ ਡੀਜੀਪੀ ਸਹੋਤਾ ਵੀ ਅਹੁਦੇ ਤੋਂ ਹਟਾ ਦਿਤੇ ਗਏ ਸਨ ਤੇ ਹੁਣ ਨਵਾਂ ਡੀ ਜੀ ਪੀ ਲਗਨ ਬਾਅਦ ਕੇਸ ਦਰਜ ਹੋਇਆ ਹੈ।