ਪਿੰਡ ਬੱਲ੍ਹੋ ਦੀ ਲੜਕੀ ਖ਼ੁਦ ਟਰੈਕਟਰ ਚਲਾ ਕੇ ਮਾਰਚ ਵਿਚ ਬਣੀ ਮੋਹਰੀ
ਰਾਮਪੁਰਾ ਫੂਲ, 21 ਜਨਵਰੀ (ਹਰਿੰਦਰ ਬੱਲੀ) : 26 ਜਨਵਰੀ ਦੀ ਇਤਿਹਾਸਕ ਕਿਸਾਨ ਟਰੈਕਟਰ ਪਰੇਡ ਦਿੱਲੀ ਦੀ ਰਿਹਰਸਲ ਕਰਨ ਲਈ ਹਜ਼ਾਰਾਂ ਕਿਸਾਨਾਂ ਨੇ ਵਿਸ਼ਾਲ ਟਰੈਕਟਰ ਪਰੇਡ ਕੀਤੀ | ਮਾਰਚ ਦੀ ਅਗਵਾਈ ਭਾਕਿਯੂ ਏਕਤਾ ਉਗਰਾਹਾਂ ਨੇ ਕੀਤੀ |
ਮਾਸਟਰ ਸੁਖਦੇਵ ਸਿੰਘ ਜਵੰਦਾ ਅਤੇ ਨਿੱਕਾ ਸਿੰਘ ਜੇਠੂਕੇ ਨੇ ਮੁੱਖ ਆਗੂ ਦਾ ਰੋਲ ਨਿਭਾਇਆ | ਟਰੈਕਟਰ ਮਾਰਚ ਦਾ ਵੱਡਾ ਕਾਫ਼ਲਾ ਪਿੰਡ ਪਿੱਥੋ ਤੋਂ ਰਵਾਨਾ ਹੋ ਕੇ ਬੱਲ੍ਹੋ ਅਤੇ ਦੂਜਾ ਪਿੰਡ ਲਹਿਰਾ ਸੌਾਧਾ ਤੋਂ ਰਵਾਨਾ ਹੋ ਕੇ ਮੰਡੀ ਕਲਾਂ ਸਮਾਪਤ ਹੋਇਆ | ਦਿਲਚਸਪ ਗੱਲ ਇਹ ਸੀ ਪਿੰਡ ਬੱਲ੍ਹੋ ਦੀ ਇਕ ਕਿਸਾਨ ਧੀ ਖੁਦ ਟਰੈਕਟਰ ਚਲਾ ਕੇ ਸੈਂਕੜੇ ਟਰੈਕਟਰਾਂ ਦੇ ਕਾਫ਼ਲੇ 'ਚ ਮੋਹਰੀ ਸੀ |
ਮਾਸਟਰ ਸੁਖਦੇਵ ਸਿੰਘ ਜਵੰਧਾ ਨੇ ਦਸਿਆ ਕਿ ਟਰੈਕਟਰ ਕਾਫ਼ਲੇ ਨੇ 32 ਪਿੰਡਾਂ ਵਿਚ ਦੀ ਗੁਜਰ ਕੇ ਦਿੱਲੀ ਦੀ 26 ਜਨਵਰੀ ਦੀ ਪਰੇਡ 'ਚ ਸ਼ਾਮਲ ਹੋਣ ਲਈ ਅਲਖ ਜਗਾਈ, ਜਿਸ ਵਿਚ 450 ਟਰੈਕਟਰ ਸ਼ਾਮਲ ਹੋਏ | ਮਾਰਚ ਨੇ ਕਾਲੇ ਖੇਤੀ ਕਾਨੂੰਨਾਂ ਅਤੇ ਮੋਦੀ ਸਰਕਾਰ ਵਿਰੁਧ ਨਾਹਰੇਬਾਜ਼ੀ ਕੀਤੀ, ਪਿੰਡਾਂ ਦੇ ਲੋਕਾਂ ਨੇ ਜਵਾਬੀ ਨਾਹਰੇਬਾਜ਼ੀ ਕਰ ਕੇ ਪ੍ਰਦਰਸ਼ਨਕਾਰੀਆਂ ਦਾ ਹੌਾਸਲਾ ਵਧਾਇਆ | ਮਾਰਚ ਵਿਚ ਕਿਸਾਨ ਆਗੂ ਮੋਠੂ ਸਿੰਘ ਕੋਟੜਾ, ਬੂਟਾ ਸਿੰਘ ਬੱਲ੍ਹੋ, ਬਲਦੇਵ ਸਿੰਘ ਚਾਉਕੇ ਤੇ ਜਸਵੰਤ ਸਿੰਘ ਘੜੈਲੀ ਸ਼ਾਮਲ ਸਨ |
21-3ਬੀ
