ਕਿਹਾ, ਸੱਭ ਰਲੇ ਹੋਏ ਹਨ, ਸੋਚੀ ਸਮਝੀ ਸੱਭ ਦੀ ਮਿਲੀ ਜੁਲੀ ਯੋਜਨਾ ਹੈ, ਮਕਸਦ ਹੈ ਆਪ ਤਾਂ ਡੁੱਬਾਂਗੇ, ਸੱਭ ਨੂੰ ਨਾਲ ਲੈ ਕੇ ਡੁੱਬਾਂਗੇ

ਚੰਡੀਗੜ੍ਹ (ਗੁਰਉਪਦੇਸ਼ ਭੁੱਲਰ): ਸਾਬਕਾ ਮੰਤਰੀ ਤੇ ਕਾਂਗਰਸੀ ਆਗੂ ਨਵਜੋਤ ਸਿੰਘ ਸਿੱਧੂ ਵਲੋਂ ਪਿਛਲੇ ਕੁੱਝ ਦਿਨਾਂ ਤੋਂ ਮੁੜ ਅਪਣੀ ਹੀ ਸਰਕਾਰ ’ਤੇ ਤਿੱਖੇ ਸਵਾਲ ਚੁੱਕੇ ਜਾ ਰਹੇ ਹਨ। ਉਨ੍ਹਾਂ ਫੇਸਬੁੱਕ ਪੋਸਟ ਰਾਹੀਂ ਇਕ ਹੋਰ ਸ਼ਬਦੀ ਹਮਲਾ ਬੋਲਦਿਆਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਬੇਅਦਬੀ ਦੇ ਮੁੱਦੇ ਨੂੰ ਲੈ ਕੇ ਸਵਾਲ ਚੁੱਕੇ ਹਨ।

Navjot Singh Sidhu

ਇਸ ਤਰ੍ਹਾਂ ਲਗਾਤਾਰ ਸਿੱਧੂ ਵਲੋਂ ਅਪਣੀ ਹੀ ਸਰਕਾਰ ਨੂੰ ਘੇਰਨ ਦੇ ਕੀਤੇ ਜਾ ਰਹੇ ਯਤਨਾਂ ਤੋਂ ਬਾਅਦ ਸਿਆਸੀ ਹਲਕਿਆਂ ਵਿਚ ਵੀ ਚਰਚਾ ਛਿੜ ਚੁੱਕੀ ਹੈ ਕਿ ਸਿੱਧੂ ਹੁਣ ਛੇਤੀ ਹੀ ਅਗਲੇ ਦਿਨਾਂ ਵਿਚ ਅਪਣੇ ਭਵਿੱਖ ਦਾ ਐਲਾਨ ਕਰਨ ਵਾਲੇ ਹਨ। ਸੱਭ ਦੀਆਂ ਨਜ਼ਰਾਂ ਹੁਣ ਇਸ ਗੱਲ ’ਤੇ ਹਨ ਕਿ ਸਿੱਧੂ ਕਾਂਗਰਸ ਨੂੰ ਅਲਵਿਦਾ ਕਹਿਣ ਬਾਅਦ ਅਪਣੀ ਪਾਰਟੀ ਬਣਾਉਂਦੇ ਹਨ ਜਾਂ ਕਿਸੇ ਹੋਰ ਪਾਰਟੀ ਦਾ ਪੱਲਾ ਫੜਦੇ ਹਨ।

Navjot singh sidhu

ਪਿਛਲੇ ਦਿਨੀਂ ਹਾਈ ਕੋਰਟ ਦੇ ਫ਼ੈਸਲੇ ਤੇ ਨਸ਼ਿਆਂ ਦੇ ਮੁੱਦੇ ’ਤੇ ਕੈਪਟਨ ਸਰਕਾਰ ’ਤੇ ਸਵਾਲ ਚੁਕਣ ਬਾਅਦ ਹੁਣ ਸਿੱਧੂ ਨੇ ਅੱਜ ਬੇਅਦਬੀਆਂ ਦੇ ਮੁੱਦੇ ’ਤੇ ਕਿਹਾ ਕਿ ਸੱਭ ਰਲੇ ਹੋਏ ਹਨ। ਸੋਚੀ ਸਮਝੀ ਮਿਲੀ ਜੁਲੀ ਯੋਜਨਾ ਹੈ ਅਤੇ ਇਸ ਦਾ ਹੈ ਆਪ ਤਾਂ ਡੁੱਬਾਂਗੇ ਪਰ ਸੱਭ ਨੂੰ ਨਾਲ ਲੈ ਕੇ ਡੁੱਬਾਂਗੇ। 

CM Punjab and Navjot singh sidhu

ਉਨ੍ਹਾਂ ਅੱਗੇ ਕਿਹਾ ਕਿ ਕਿਸੇ ਪਾਰਟੀ ਜਾਂ ਸਰਕਾਰ ਦੀ ਗ਼ਲਤੀ ਨਹੀਂ ਅਤੇ ਉਸ ਵਿਅਕਤੀ ਦੀ ਅਸਮਰਥਤਾ ਹੈ ਜੋ ਦੋਸ਼ੀਆਂ ਨਾਲ ਘਿਉ ਖਿਚੜੀ ਹੈ। ਉਨ੍ਹਾਂ ਦਾ ਇਸ਼ਾਰਾ ਅਸਿੱਧੇ ਤੌਰ ’ਤੇ ਕੈਪਟਨ ਅਮਰਿੰਦਰ ਸਿੰਘ ਵਲ ਹੀ ਸਮਝਿਆ ਜਾ ਰਿਹਾ ਹੈ। ਸਿੱਧੂ ਨੇ ਇਸ ਪੋਸਟ ਨਾਲ ਫੇਸਬੁਕ ’ਤੇ ਬੇਅਦਬੀ ਦੇ ਮੁੱਦਿਆਂ ਨਾਲ ਸਬੰਧਤ ਅਪਣੇ ਪੁਰਾਣੇ ਭਾਸ਼ਨਾਂ ਦੀਆਂ ਵੀਡੀਉ ਵੀ ਅਟੈਚ ਕੀਤੀਆਂ ਹਨ