ਸੀਸੀਟੀਵੀ ‘ਚ ਕੈਦ ਹੋਈ ਸਾਰੀ ਘਟਨਾ
ਬਠਿੰਡਾ (ਵਿਕਰਮ ਕੁਮਾਰ) ਬਠਿੰਡਾ ਵਿਖੇ ਇੱਕ ਨਿਜੀ ਹੋਟਲ 'ਚ ਇੱਕ ਚੋਰ ਨੇ ਫਿਲਮੀ ਅੰਦਾਜ਼ ‘ਚ ਚੋਰੀ ਕਰਕੇ ਸਭ ਦੇ ਹੋਸ਼ ਉੱਡਾ ਦਿੱਤੇ। ਦਰਅਸਲ ਇੱਕ ਵਿਅਕਤੀ ਨੇ ਹੋਟਲ 'ਚ ਅੱਠ ਕਮਰੇ ਬੁੱਕ ਕੀਤੇ ਤੇ ਦੇਰ ਰਾਤ ਬੁੱਕ ਕੀਤੇ ਸਾਰੇ ਕਮਰਿਆਂ ਚੋਂ ਐਲਸੀਡੀ ਲੈ ਕੇ ਫਰਾਰ ਹੋ ਗਿਆ।
ਪੂਰੀ ਘਟਨਾ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਘਟਨਾ ਨੂੰ ਅੰਜਾਮ ਦੇਣ ਮਗਰੋਂ ਵਿਅਕਤੀ ਨੇ ਕਮਰੇ ਵਿੱਚ ਲੱਗੇ ਪਰਦੇ ਉਤਾਰ ਕੇ ਉਸਦੀ ਰੱਸੀ ਬਣਾ ਕੇ ਉਪਰੋਂ ਹੇਠਾਂ ਆ ਗਿਆ ਤੇ ਫਰਾਰ ਹੋ ਗਿਆ।
ਜਾਣਕਾਰੀ ਦਿੰਦਿਆਂ ਹੋਟਲ ਦੇ ਮੈਨੇਜਰ ਨੇ ਕਿਹਾ ਕਿ ਵਿਅਕਤੀ ਨੇ ਸਾਨੂੰ ਇਹ ਕਿਹਾ ਰਿਹਾ ਸੀ ਕਿ ਬੁੱਕ ਕੀਤੇ ਕਮਰਿਆਂ ਦੇ ਬਾਕੀ ਦੇ ਗੈਸਟ ਸਵੇਰੇ ਆਉਣਗੇ, ਜਿਸ ਮਗਰੋਂ ਅਸੀਂ ਉਸ ਵਿਅਕਤੀ ਨੂੰ 8 ਕਮਰਿਆਂ ਦੀਆਂ ਚਾਬੀਆਂ ਦੇ ਦਿੱਤੀਆਂ।
ਬਠਿੰਡੇ ਸ਼ਹਿਰ 'ਚ ਵਾਪਰੀ ਇਸ ਘਟਨਾ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਚੋਰਾਂ ਨੂੰ ਪੁਲਿਸ ਦਾ ਕੋਈ ਡਰ ਖੌਫ਼ ਨਹੀਂ ਹੈ। ਫਿਲਹਾਲ ਹੋਟਲ ਮੈਨੇਜਰ ਨੇ ਇਸ ਚੋਰ ਨੂੰ ਜਲਦ ਫੜਨ ਦੀ ਮੰਗ ਕੀਤੀ ਹੈ ਤਾਂ ਜੋ ਕਿਤੇ ਹੋਰ ਹੋਟਲ ਦਾ ਨੁਕਸਾਨ ਨਾ ਹੋਵੇ।