ਬਚਾਈਆਂ ਕੀਮਤੀ ਜਾਨਾਂ
ਨਵੀਂ ਦਿੱਲੀ: ਬੀਤੇ ਕਈ ਦਿਨਾਂ ਤੋਂ ਨਿਹੰਗ ਸਿੰਘਾਂ ਦੀਆਂ ਕਈ ਅਜਿਹੀਆਂ ਵੀਡੀਓ ਵਾਇਰਲ ਹੁੰਦੀਆਂ ਆ ਰਹੀਆਂ ਸਨ ਜਿੰਨਾਂ 'ਚ ਕਈ ਥਾਂ ਨਿਹੰਗ ਕਦੇ ਕਿਸੇ ਪੁਲਿਸ ਵਾਲੇ ਦਾ ਗੁੱਟ ਵੱਢਦੇ ਨਜ਼ਰ ਆਏ, ਜਾਂ ਆਪਸੀ ਰੰਜਿਸ਼ ਕਾਰਨ ਆਪਸ ਚ ਭਿੜਦੇ ਨਜ਼ਰ ਆਏ ਸਨ।
Singh
ਬੀਤੇ ਦਿਨੀਂ ਵੀ ਇੱਕ ਵੀਡੀਓ ਆਈ ਸੀ ਜਿਸ ਵਿਚ ਇਕ ਨਕਲੀ ਨਿਹੰਗ ਸਿੰਘ ਬਣਕੇ ਇੱਕ ਵਿਅਕਤੀ ਨੇ ਲੁੱਟ ਦੀ ਘਟਨਾ ਨੂੰ ਅੰਜਾਮ ਦਿੱਤਾ ਸੀ। ਪਰ ਸੋਸ਼ਲ ਮੀਡੀਆ ਤੇ ਇੱਕ ਅਜਿਹੇ ਨਿਹੰਗ ਸਿੰਘ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਇਸ ਸਿੰਘ ਨੇ ਗੁਰੂ ਦੇ ਸਿੰਘਾਂ ਦੀ ਲਾਜ ਰੱਖਣ ਦਾ ਕੰਮ ਕੀਤਾ ਹੈ। ਨਿਹੰਗ ਸਿੰਘ ਨੇ ਆਪਣੀ ਜਾਨ ਤੇ ਖੇਡ ਕੇ ਡੁੱਬੀ ਹੋਈ ਕਾਰ ਚੋਂ ਲੋਕਾਂ ਨੂੰ ਬਚਾਇਆ।
Singh
ਘਟਨਾ ਸਿੰਘੂ ਬਾਰਡਰ ਦੀ ਦੱਸੀ ਜਾ ਰਹੀ ਹੈ ਪਰ ਇਸਦੀ ਪੁਸ਼ਟੀ ਨਹੀਂ ਹੋਈ ਹੈ। ਜਿਥੇ ਬੀਤੇ ਦਿਨੀਂ ਪਏ ਮੀਂਹ ਕਾਰਨ ਪਾਣੀ ਦਾ ਪੱਧਰ ਕਾਫੀ ਜਿਆਦਾ ਵੱਧ ਗਿਆ ਸੀ। ਜਿਸ ਮਗਰੋਂ ਸਿੰਘ ਨੇ ਆਪਣੀ ਜਾਨ ਦੀ ਰੱਤੀ ਭਰ ਵੀ ਪਰਵਾਹ ਨਾ ਕਰਦਿਆਂ ਨੌਜਵਾਨ ਨੂੰ ਕਾਰ ਵਿਚੋਂ ਬਾਹਰ ਕੱਢਿਆ ਅਤੇ ਉਸਦੀ ਜਾਨ ਬਚਾਈ।
Singh
ਫਿਲਹਾਲ ਭਾਵੇਂ ਨਿਹੰਗ ਸਿੰਘਾਂ ਦੇ ਅਕਸ ਨੂੰ ਖਰਾਬ ਕਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾਂਦੀਆਂ ਨੇ ਪਰ ਨਿਹੰਗ ਸਿੰਘ ਵੱਲੋਂ ਦਿਖਾਈ ਇਹ ਬਹਾਦਰੀ ਨੇ ਗੁਰੂ ਦੀਆਂ ਲਾਡਲੀਆਂ ਫੌਜਾਂ ਦੀ ਲਾਜ ਰੱਖ ਲਈ।
Singh
