ਚੰਡੀਗੜ੍ਹ : ਪੰਜਾਬ ਅੰਦਰ ਕਰੋਨਾ ਦੇ ਮਾਮਲੇ ਵੱਧਣ ਦਾ ਰੁਝਾਨ ਜਾਰੀ ਹੈ। ਅੱਜ 1136 ਨਵੇਂ ਮਾਮਲੇ ਸਾਹਮਣੇ ਆਉਣ ਬਾਅਦ ਕਰੋਨਾ ਪੀੜਤਾਂ ਦੀ ਕੁੱਲ ਗਿਣਤੀ 41779 ਤਕ ਪਹੁੰਚ ਗਈ ਹੈ। ਜਦਕਿ ਅੱਜ 50 ਮੌਤਾਂ ਹੋਰ ਹੋ ਜਾਣ ਬਾਅਦ ਮਰਨ ਵਾਲਿਆਂ ਅੰਕੜਾ ਵੀ 1086 ਹੋ ਗਿਆ ਹੈ।
Corona virus
ਪੰਜਾਬ ਅੰਦਰ ਗਿਣਤੀ ਦੇ ਹਿਸਾਬ ਨਾਲ ਲੁਧਿਆਣਾ ਜ਼ਿਲ੍ਹਾ ਪਹਿਲੇ ਨੰਬਰ 'ਤੇ ਪਹੁੰਚ ਚੁੱਕਾ ਹੈ। ਐਤਵਾਰ ਨੂੰ ਸਾਹਮਣੇ ਆਏ 1136 ਕੇਸਾਂ ਵਿਚੋਂ 242 ਮਾਮਲੇ ਇਕੱਲੇ ਲੁਧਿਆਣਾ ਜ਼ਿਲ੍ਹੇ ਵਿਚੋਂ ਸਨ। ਇਸੇ ਤਰ੍ਹਾਂ ਪਟਿਆਲਾ 'ਚ ਅੱਜ 188 ਮਾਮਲੇ ਸਾਹਮਣੇ ਆਏ ਜਦਕਿ ਜਲੰਧਰ 'ਚ ਇਹ ਗਿਣਤੀ 107 ਰਹੀ ਹੈ।
Corona Virus
ਇਸੇ ਦੌਰਾਨ 2226 ਮਰੀਜ਼ ਠੀਕ ਵੀ ਹੋਏ ਹਨ ਜੋ ਅੱਜ ਸਾਹਮਣੇ ਆਏ ਨਵੇਂ ਕੇਸਾਂ ਤੋਂ ਲਗਭਗ ਦੁੱਗਣੇ ਹਨ। ਅੱਜ ਸਭ ਤੋਂ ਜ਼ਿਆਦਾ ਮੌਤਾਂ ਪਟਿਆਲਾ ਜ਼ਿਲ੍ਹੇ 'ਚ ਹੋਈਆਂ ਹਨ ਜਿੱਥੇ 19 ਲੋਕ ਕਰੋਨਾ ਕਾਰਨ ਜ਼ਿੰਦਗੀ ਦੀ ਜੰਗ ਹਾਰ ਗਏ। ਇਸੇ ਤਰ੍ਹਾਂ ਫਾਜਿਲਕਾ 'ਚ 1, ਫ਼ਿਰੋਜ਼ਪੁਰ 'ਚ 2, ਗੁਰਦਾਸਪੁਰ 'ਚ 6, ਹੁਸ਼ਿਆਰਪੁਰ 'ਚ 2, ਜਲੰਧਰ 'ਚ 7, ਕਪੂਰਥਲਾ 'ਚ 1, ਲੁਧਿਆਣਾ 'ਚ 9 ਮੁਤਕਸਰ, ਸੰਗਰੂਰ ਅਤੇ ਤਰਨ ਤਾਰਨ 'ਚ ਇਕ-ਇਕ ਮੌਤ ਹੋਈ ਹੈ।
Corona virus
ਸੂਬੇ ਭਰ ਅੰਦਰ ਕੁੱਲ ਹੁਣ ਤਕ 907160 ਲੋਕਾਂ ਦੇ ਸੈਂਪਲ ਕਰੋਨਾ ਟੈਸਟ ਲਈ ਭੇਜੇ ਜਾ ਚੁੱਕੇ ਹਨ। ਇਨ੍ਹਾਂ ਵਿਚੋਂ 41779 ਮਰੀਜ਼ਾਂ 'ਚ ਕਰੋਨਾ ਦੀ ਪੁਸ਼ਟੀ ਹੋਈ ਹੈ। ਜਦਕਿ 26528 ਲੋਕ ਸਿਹਤਯਾਬ ਹੋਏ ਹਨ। ਇਨ੍ਹਾਂ ਵਿਚੋਂ 14165 ਐਕਟਿਵ ਮਰੀਜ਼ਾਂ ਹਨ, ਜਿਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ।
Corona Virus
ਸਰਕਾਰ ਵਲੋਂ ਸਖ਼ਤੀਆਂ ਲਾਗੂ ਕੀਤੇ ਜਾਣ ਦੇ ਬਾਵਜੂਦ ਅਜੇ ਨੇੜ ਭਵਿੱਖ 'ਚ ਰਾਹਤ ਦੇ ਅਸਾਰ ਮੱਧਮ ਵਿਖਾਈ ਦੇ ਰਹੇ ਹਨ। ਕਰੋਨਾ ਦੇ ਵਧਦੇ ਮਾਮਲਿਆਂ ਨੂੰ ਵੇਖਦਿਆਂ ਸਰਕਾਰ ਨੇ ਕਈ ਸਖ਼ਤ ਕਦਮ ਚੁੱਕੇ ਹਨ ਜਿਨ੍ਹਾਂ 'ਚ ਵੀਐਂਡ 'ਤੇ ਸਨਿੱਚਰਵਾਰ ਅਤੇ ਐਤਵਾਰ ਨੂੰ ਦੁਕਾਨਾਂ ਆਦਿ ਬੰਦ ਰੱਖਣ ਦੀਆਂ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ ਹਨ। ਇਸੇ ਤਰ੍ਹਾਂ ਸੂਬੇ ਅੰਦਰ ਧਾਰਾ 144 ਦੇ ਤਹਿਤ ਵਿਆਹ ਅਤੇ ਮਰਗ ਹੋਣ 'ਤੇ ਤੋਂ ਇਲਾਵਾ ਹੋਰ ਕਿਸੇ ਵੀ ਤਰ੍ਹਾਂ ਦੇ ਇਕੱਠ ਕਰਨ 'ਤੇ ਪਾਬੰਦੀ ਲਾਈ ਗਈ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
