ਬਸ ਸਟੈਂਡ ਵਿਭਿੰਨ ਕਾਉਂਟਰਾਂ ਤੇ ਖੜੀਆਂ ਬੱਸਾਂ ਯਾਤਰੀਆਂ...
ਜਲੰਧਰ: ਪੰਜਾਬ ਵਿਚ ਵੀਕੈਂਡ ਵਿਚ ਲਾਗੂ ਕਰਫਿਊ ਕਾਰਨ ਐਤਵਾਰ ਨੂੰ ਜਲੰਧਰ ਬਸ ਸਟੈਂਡ ਤੇ ਬੱਸਾਂ ਦੀ ਆਵਾਜਾਈ 75 ਫ਼ੀਸਦੀ ਤਕ ਡਿਗ ਗਿਆ ਹੈ। ਸਵੇਰੇ ਤੋਂ ਲੈ ਕੇ ਦੁਪਹਿਰ ਤਕ ਸ਼ਹਿਰ ਦੇ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਇੰਟਰਸਟੇਟ ਬਸ ਟਰਮੀਨਲ ਤੇ ਲਗਭਗ ਸਨਾਟਾ ਛਾਇਆ ਹੋਇਆ ਹੈ।
ਬਸ ਸਟੈਂਡ ਵਿਭਿੰਨ ਕਾਉਂਟਰਾਂ ਤੇ ਖੜੀਆਂ ਬੱਸਾਂ ਯਾਤਰੀਆਂ ਦਾ ਇੰਤਜ਼ਾਰ ਕਰ ਰਹੀਆਂ ਹਨ ਪਰ ਲੰਬੇ ਅੰਤਰਾਲ ਤੋਂ ਬਾਅਦ ਬੇਹੱਦ ਘਟ ਯਾਤਰੀ ਬਸ ਸਟੈਂਡ ਤੇ ਪਹੁੰਚ ਰਹੇ ਹਨ। ਸ਼ਨੀਵਾਰ ਨੂੰ ਵੀ ਕਰਫਿਊ ਲਾਗੂ ਸੀ ਪਰ 30 ਫ਼ੀਸਦੀ ਤਕ ਅਪਰੇਸ਼ਨ ਚਲ ਰਿਹਾ ਸੀ। ਇਹ ਐਤਵਾਰ ਨੂੰ ਹੋਰ ਵੀ ਘਟ ਹੋ ਗਿਆ। ਪੰਜਾਬ ਰੋਡਵੇਜ਼ ਅਤੇ ਪ੍ਰਾਈਵੇਟ ਬੱਸ ਆਪਰੇਟਰ ਵੱਲੋਂ ਕਾਫ਼ੀ ਬੱਸਾਂ ਚਲਾਈਆਂ ਜਾ ਰਹੀਆਂ ਹਨ ਪਰ ਕਾਫ਼ੀ ਗਿਣਤੀ ਵਿਚ ਯਾਤਰੀ ਨਹੀਂ ਆ ਰਹੇ ਹਨ।
ਉਨ੍ਹਾਂ ਨੂੰ ਬੱਸ ਅੱਡੇ, ਪੀਏਪੀ ਚੌਕ ਅਤੇ ਰਾਮਾ ਮੰਡੀ ਚੌਕ ਵਿਖੇ ਯਾਤਰੀਆਂ ਦਾ ਇੰਤਜ਼ਾਰ ਕਰਨਾ ਪਵੇਗਾ। ਸੋਮਵਾਰ ਤੋਂ ਦਿਨ ਦਾ ਕਰਫਿਊ ਵੀ ਨਹੀਂ ਰਹੇਗਾ ਅਤੇ ਦਫ਼ਤਰ ਵੀ ਖੁੱਲ੍ਹਣਗੇ। ਇਸ ਕਰ ਕੇ ਹੁਣ ਸਰਕਾਰੀ ਅਤੇ ਪ੍ਰਾਈਵੇਟ ਬਸ ਆਪਰੇਟਰਸ ਨੂੰ ਸੋਮਵਾਰ ਕਾਫ਼ੀ ਗਿਣਤੀ ਵਿਚ ਯਾਤਰੀ ਮਿਲਣ ਦੀ ਉਮੀਦ ਹੈ।
ਪੰਜਾਬ ਰੋਡਵੇਜ਼ ਜਲੰਧਰ ਦੇ ਜਨਰਲ ਮੈਨੇਜਰ ਨਵਰਾਜ ਬਾਤਿਸ਼ ਨੇ ਦਸਿਆ ਕਿ ਲਾਕਡਾਊਨ ਖੁੱਲ੍ਹਣ ਤੋਂ ਬਾਅਦ ਤੋਂ ਐਤਵਾਰ ਨੂੰ ਘਟ ਯਾਤਰੀ ਹੀ ਸਫ਼ਰ ਕਰਨ ਨੂੰ ਤਰਜ਼ੀਹ ਦੇ ਰਹੇ ਹਨ। ਇਸ ਕਰ ਕੇ ਸ਼ਨੀਵਾਰ ਦੀ ਤੁਲਨਾ ਵਿਚ ਐਤਵਾਰ ਨੂੰ ਘਟ ਯਾਤਰੀ ਉਪਲੱਬਧ ਹੋਏ ਹਨ। ਉਹਨਾਂ ਨੇ ਉਮੀਦ ਜ਼ਾਹਿਰ ਕੀਤੀ ਹੈ ਕਿ ਸੋਮਵਾਰ ਨੂੰ ਯਾਤਰੀਆਂ ਦੀ ਗਿਣਤੀ ਵਧ ਸਕਦੀ ਹੈ।