ਇਥੇ ਇਕ ਪਤੀ ਵਲੋਂ ਆਪਣੀ ਪਤਨੀ ਦੀ ਤੋਂ ਪਰੇਸ਼ਾਨ ਹੋ ਕੇ ਖ਼ੁਦਕੁਸ਼ੀ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ। ਇਸ ਦੇ ਪਿੱਛੇ ਕਾਰਨ ਇਹ ਦੱਸਿਆ ਜਾ ਰਿਹਾ
ਤਰਨਤਾਰਨ : ਇਥੇ ਇਕ ਪਤੀ ਵਲੋਂ ਆਪਣੀ ਪਤਨੀ ਦੀ ਤੋਂ ਪਰੇਸ਼ਾਨ ਹੋ ਕੇ ਖ਼ੁਦਕੁਸ਼ੀ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ। ਇਸ ਦੇ ਪਿੱਛੇ ਕਾਰਨ ਇਹ ਦੱਸਿਆ ਜਾ ਰਿਹਾ ਹੈ ਕਿ ਪਤਨੀ ਨੇ ਪਤੀ ਦੇ ਕਾਲੇ ਬੱਚੇ ਨੂੰ ਜਨਮ ਦੇਣ ਤੋਂ ਇਨਕਾਰ ਕਰਦਿਆਂ ਗਰਭਪਾਤ ਕਰਵਾ ਦਿਤਾ ਸੀ। ਦਸ ਦਈਏ ਕਿ ਪਤੀ ਸੱਤਵੀਂ ਪਾਸ ਸੀ ਅਤੇ ਪਤਨੀ ਨੇ ਐਮ.ਏ. ਕੀਤੀ ਹੋਈ ਸੀ। ਇਸ ਨੂੰ ਲੈ ਕੇ ਅਕਸਰ ਪਤਨੀ ਅਕਸਰ ਅਪਣੇ ਪਤੀ 'ਤੇ ਤਾਅਨੇ ਕਸਦੀ ਸੀ। ਇਹੀ ਨਹੀਂ, ਉਹ ਅਪਣੇ ਪਤੀ ਦੇ ਕਾਲਾ ਹੋਣ 'ਤੇ ਵੀ ਤੰਜ਼ ਕਸਦੀ ਸੀ। ਉਹ ਜਦੋਂ ਗਰਭਵਤੀ ਹੋਈ ਤਾਂ ਉਸ ਨੇ ਇਹ ਕਹਿੰਦੇ ਹੋਏ ਗਰਭਪਾਤ ਕਰਵਾ ਦਿਤਾ ਕਿ ਉਸ ਦਾ ਪਤੀ ਕਾਲਾ ਹੈ, ਬੱਚਾ ਵੀ ਕਾਲਾ ਹੋਵੇਗਾ, ਇਸ ਲਈ ਉਹ ਕਾਲੇ ਬੱਚੇ ਨੂੰ ਜਨਮ ਨਹੀਂ ਦੇਣਾ ਚਾਹੁੰਦੀ। ਇਸ ਤੋਂ ਪਰੇਸ਼ਾਨ ਹੋ ਕੇ ਪਤੀ ਨੇ ਜ਼ਹਿਰ ਖਾ ਕੇ ਖ਼ੁਦਕੁਸ਼ੀ ਕਰ ਲਈ।
Tarantaran Woman miscarriage, Husband Suicide
ਬਲਬੀਰ ਸਿੰਘ ਪੁੱਤਰ ਮੱਖਣ ਸਿੰਘ ਬਖ਼ਸ਼ੀ ਬਾਗ਼ ਵਿਚ ਫ਼ਰਨੀਚਰ ਦਾ ਕੰਮ ਕਰਦਾ ਹੈ। ਉਸ ਨੇ ਆਪਣੇ ਬੇਟੇ ਮਨਪ੍ਰੀਤ ਸਿੰਘ ਦਾ ਵਿਆਹ ਅੰਮ੍ਰਿਤਸਰ ਦੇ ਖੰਡਵਾਲਾ ਨਿਵਾਸੀ ਕੁਲਵੰਤ ਸਿੰਘ ਦੀ ਲੜਕੀ ਹਰਪ੍ਰੀਤ ਕੌਰ ਨਾਲ 6 ਅਕਸਤ 2017 ਨੂੰ ਕਰਵਾਇਆ ਸੀ। ਵਿਆਹ ਸਮੇਂ ਬਲਬੀਰ ਸਿੰਘ ਨੇ ਦਸਿਆ ਸੀ ਕਿ ਉਸ ਦਾ ਲੜਕਾ ਮਨਪ੍ਰੀਤ ਸੱਤਵੀਂ ਪਾਸ ਹੈ, ਜਦੋਂ ਕਿ ਹਰਪ੍ਰੀਤ ਐੱਮਏ ਪਾਸ ਸੀ।
Tarantaran Woman miscarriage, Husband Suicide
ਜਾਣਕਾਰੀ ਅਨੁਸਾਰ ਵਿਆਹ ਤੋਂ ਬਾਅਦ ਹਰਪ੍ਰੀਤ ਅਪਣੇ ਪਤੀ ਨੂੰ ਘੱਟ ਪੜ੍ਹਿਆ ਲਿਖਿਆ ਹੋਣ ਦੇ ਤਾਅਨੇ ਦੇਣ ਦੇ ਨਾਲ-ਨਾਲ ਉਸ ਨੂੰ ਕਾਲਾ ਹੋਣ ਦੀ ਗੱਲ ਵੀ ਕਹਿੰਦੀ ਸੀ। ਦੋਵੇਂ ਦੇ ਵਿਚਕਾਰ ਵਿਵਾਦ ਵਧ ਗਿਆ ਤਾਂ ਹਰਪ੍ਰੀਤ ਦੇ ਪਰਿਵਾਰ ਵਾਲੇ ਉਸ ਨੂੰ ਪੇਕੇ ਲੈ ਗਏ, ਜਿੱਥੇ ਉਸ ਦਾ ਗਰਭਪਾਤ ਕਰਵਾ ਦਿਤਾ। ਜਦੋਂ ਪਤੀ ਨੇ ਗਰਭਪਾਤ ਦਾ ਕਾਰਨ ਪੁੱਛਿਆ ਤਾਂ ਉਸ ਨੇ ਕਿਹਾ ਕਿ ਉਹ ਕਾਲੇ ਪਤੀ ਦੀ ਔਲਾਦ ਪੈਦਾ ਨਹੀਂ ਕਰੇਗੀ। ਇਸੇ ਤੋਂ ਪਰੇਸ਼ਾਨ ਹੋ ਕੇ ਮਨਪ੍ਰੀਤ ਨੇ ਕਮਰੇ ਅੰਦਰ ਬੰਦ ਹੋ ਕੇ ਜ਼ਹਿਰ ਖਾ ਲਿਆ, ਜਿਸ ਨਾਲ ਉਸ ਦੀ ਮੌਤ ਹੋ ਗਈ।
Tarantaran Woman miscarriage, Husband Suicide
ਮ੍ਰਿਤਕ ਦੇ ਪਿਤਾ ਬਲਬੀਰ ਸਿੰਘ ਨੇ ਦਸਿਆ ਕਿ ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਦਾ ਭਰੋਸਾ ਮਿਲਣ ਤੋਂ ਬਾਅਦ ਬੇਟੇ ਦਾ ਅੰਤਮ ਸਸਕਾਰ ਕੀਤਾ ਸੀ ਪਰ ਪੁਲਿਸ ਨੇ ਮਨਪ੍ਰੀਤ ਦੀ ਪਤਨੀ ਹਰਪ੍ਰੀਤ, ਸੱਸ ਅਮਰਜੀਤ ਕੌਰ, ਸਾਲੇ ਲਵਪ੍ਰੀਤ ਸਿੰਘ ਲਵ ਦੀ ਗ੍ਰਿਫ਼ਤਾਰੀ ਅਜੇ ਤਕ ਨਹੀਂ ਕੀਤੀ। ਡੀਐਸਪੀ ਸਤਨਾਮ ਸਿੰਘ ਨੇ ਦਸਿਆ ਕਿ ਏਐਸਆਈ ਗੁਰਬਖ਼ਸ਼ੀਸ਼ ਸਿੰਘ ਨੂੰ ਹੁਕਮ ਦਿਤੇ ਗਏ ਹਨ ਕਿ ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਕਰਕੇ ਅਦਾਲਤ ਵਿਚ ਪੇਸ਼ ਕਰਨ।
