ਮਾਂ ਤੇ ਇੱਕ ਹੋਰ ਬੱਚਾ ਗੰਭੀਰ ਜ਼ਖਮੀ ਹੋ ਗਿਆ, ਜਿਨ੍ਹਾਂ ਨੂੰ ਇਲਾਜ ਲਈ ਜਲੰਧਰ ਦੇ ਨਿਜੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ
ਜਲੰਧਰ: ਜਲੰਧਰ-ਪਠਾਨਕੋਟ ਨੈਸ਼ਨਲ ਹਾਈਵੇਅ 'ਤੇ ਪੈਂਦੇ ਪਿੰਡ ਪਚਰੰਗਾ 'ਚ ਇਕ ਦਰਦਨਾਕ ਹਾਦਸਾ ਵਾਪਰਿਆ ਹੈ, ਜਿਥੇ ਐਂਡੇਵਰ ਕਾਰ (Endeavour Car) ਅਤੇ ਐਕਟਿਵਾ (Activa) ਵਿਚਾਲੇ ਜ਼ਬਰਦਸਤ ਟੱਕਰ ਹੋ ਗਈ। ਇਸ ਹਾਦਸੇ ਵਿਚ ਪਿਤਾ (Father) ਸਮੇਤ ਦੋ ਬੱਚਿਆਂ ਦੀ ਮੌਤ (2 Children died) ਹੋ ਗਈ, ਜਦ ਕਿ ਪਤਨੀ ਅਤੇ ਇੱਕ ਹੋਰ ਬੱਚਾ ਗੰਭੀਰ ਜ਼ਖਮੀ ਹੋ ਗਿਆ ਹੈ, ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ। ਜਾਣਕਾਰੀ ਅਨੁਸਾਰ ਐਕਟਿਵਾ 'ਤੇ 3 ਬੱਚਿਆਂ ਸਮੇਤ 5 ਲੋਕ ਸਵਾਰ ਸਨ।
ਹੋਰ ਪੜ੍ਹੋ: ਕਮਲਾ ਹੈਰਿਸ ਨੂੰ ਮਿਲੇ PM ਮੋਦੀ, ਕਿਹਾ, ‘ਤੁਹਾਡੇ ਸਵਾਗਤ ਦੀ ਉਡੀਕ ’ਚ ਨੇ ਭਾਰਤ ਦੇ ਲੋਕ’
PHOTO
ਜਦੋਂ ਐਕਟਿਵਾ ਸਵਾਰ 5 ਲੋਕ ਪਚਰੰਗਾ ਦੇ ਕੋਲ ਪਹੁੰਚੇ ਤਾਂ ਸਾਹਮਣੇ ਤੋਂ ਆ ਰਹੀ ਇੱਕ ਐਂਡੇਵਰ ਕਾਰ ਦੀ ਐਕਟਿਵਾ ਨਾਲ ਜ਼ਬਰਦਸਤ ਟੱਕਰ (Collision) ਹੋ ਗਈ। ਇਸ ਦੌਰਾਨ ਐਕਟਿਵਾ ਸਵਾਰ ਉੱਡ ਕੇ ਖੇਤਾਂ ਵਿਚ ਜਾ ਡਿੱਗੇ। ਘਟਨਾ ਨੂੰ ਵੇਖਦਿਆਂ ਤੁਰੰਤ ਉਥੇ ਸਥਿਤ ਗਜ਼ਲ ਢਾਬੇ ਦੇ ਕਰਮਚਾਰੀ ਭੱਜੇ ਅਤੇ ਇੱਕ ਬੱਚੀ ਨੂੰ ਸੜਕ ਤੇ ਪਿਆ ਵੇਖਿਆ। ਖੇਤ ਸੜਕ ਤੋਂ ਬਹੁਤ ਹੇਠਾਂ ਸਨ, ਜਿੱਥੇ ਢਾਬੇ ਵਾਲਿਆਂ ਨੇ ਹੇਠਾਂ ਉਤਰ ਕੇ ਸਾਰਿਆਂ ਨੂੰ ਬਾਹਰ ਕੱਢਿਆ।
ਹੋਰ ਪੜ੍ਹੋ: Share Market: Sensex ਨੇ ਰਚਿਆ ਇਤਿਹਾਸ, ਪਹਿਲੀ ਵਾਰ 60,000 ਤੋਂ ਪਾਰ ਪਹੁੰਚਿਆ
PHOTO
ਇਸ ਹਾਦਸੇ (Tragic Accident) ਵਿਚ 2 ਸਾਲ ਦੇ ਸਮਰ, 5 ਸਾਲ ਦੀ ਜੀਵਿਕਾ ਅਤੇ ਪਿਤਾ ਸੰਦੀਪ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਮਾਂ ਜਸਵੀਰ ਕੌਰ ਅਤੇ ਇਕ ਪੁੱਤਰ ਗੈਰੀ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਏ। ਉਨ੍ਹਾਂ ਨੂੰ ਇਲਾਜ ਲਈ ਜਲੰਧਰ ਦੇ ਨਿਜੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਹੈ। ਫਿਲਹਾਲ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਭੇਜ ਦਿੱਤਾ ਹੈ। ਇਸ ਦੇ ਨਾਲ ਹੀ ਕਾਰ ਚਾਲਕ ਨੂੰ ਗ੍ਰਿਫ਼ਤਾਰ (Car Driver Arrested) ਕਰ ਕੇ ਪੁਲਿਸ ਨੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
