ਪੁਲਿਸ ਨੇ ਲਾਵਾਰਸ ਹਾਲਤ ਵਿੱਚ ਸਰਹਿੰਦ ਤੋਂ ਕਾਰ ਕੀਤੀ ਬਰਾਮਦ
ਮੁਹਾਲੀ: ਮੁਹਾਲੀ 'ਚ ਬੀਤੀ ਰਾਤ ਕਾਰ ਲੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਬੰਦੂਕ ਦੀ ਨੋਕ 'ਤੇ ਮੁਲਜ਼ਮ ਨੌਜਵਾਨ ਤੋਂ ਕਾਰ ਲੁੱਟ ਕੇ ਫ਼ਰਾਰ ਹੋ ਗਏ। ਜਾਣਕਾਰੀ ਅਨੁਸਾਰ ਇਹ ਘਟਨਾ ਬੀਤੀ ਰਾਤ ਕਰੀਬ 2 ਵਜੇ ਵਾਪਰੀ। ਸੈਕਟਰ 88 ਦੇ ਪੂਰਬ ਅਪਾਰਟਮੈਂਟ ਕੋਲ ਨੌਜਵਾਨ ਇਸ ਘਟਨਾ ਦਾ ਸ਼ਿਕਾਰ ਹੋ ਗਿਆ।
ਅਪਾਰਟਮੈਂਟ ਨੇੜੇ ਹੀਰੋ ਹੋਮਜ਼ ਸੁਸਾਇਟੀ ਵਿੱਚ ਰਹਿਣ ਵਾਲੇ ਅਰਸ਼ਦ ਨੇ ਦੱਸਿਆ ਕਿ ਮੁਲਜ਼ਮ ਹੌਂਡਾ ਸਿਟੀ ਕਾਰ ਵਿੱਚ ਆਏ ਸਨ। ਅਚਾਨਕ ਉਨ੍ਹਾਂ ਨੇ ਕਾਰ ਰੋਕ ਕੇ ਉਸ ਨੂੰ ਪਿਸਤੌਲ ਦਿਖਾ ਕੇ ਧਮਕੀਆਂ ਦਿੰਦੇ ਹੋਏ ਉਸ ਦੀ ਕਾਰ ਲੁੱਟ ਲਈ। ਮੌਕੇ 'ਤੇ ਪੁਲਿਸ ਬੁਲਾਈ ਗਈ। ਪੁਲਿਸ ਨੇ ਆਪਣੀ ਜਾਂਚ ਦੌਰਾਨ ਕਾਰ ਨੂੰ ਸਰਹਿੰਦ ਤੋਂ ਲਾਵਾਰਸ ਹਾਲਤ ਵਿੱਚ ਬਰਾਮਦ ਕਰ ਲਿਆ ਹੈ।
ਸ਼ਿਕਾਇਤਕਰਤਾ ਅਨੁਸਾਰ ਉਸ ਨੇ ਟੋਇਟਾ ਕੰਪਨੀ ਦੀ ਗਲੈਨਜ਼ਾ ਕਾਰ ਕਿਰਾਏ 'ਤੇ ਲਈ ਸੀ, ਜਿਸ 'ਚ ਉਸ ਨੇ ਹਿਮਾਚਲ ਪ੍ਰਦੇਸ਼ ਘੁੰਮਣ ਜਾਣਾ ਸੀ। ਇਸ ਕਾਰ ਦੀ ਕੀਮਤ 6.59 ਤੋਂ 9.99 ਲੱਖ ਦੇ ਵਿਚਕਾਰ ਹੈ। ਉਹ ਬੁੱਧਵਾਰ ਨੂੰ ਕਾਰ ਬੁੱਕ ਕਰਵਾ ਕੇ ਦੇਰ ਰਾਤ ਹਿਮਾਚਲ ਪ੍ਰਦੇਸ਼ ਲਈ ਰਵਾਨਾ ਹੋ ਰਿਹਾ ਸੀ। ਇਸੇ ਦੌਰਾਨ ਉਸ ਦੀ ਸੁਸਾਇਟੀ ਦੇ ਬਾਹਰੋਂ ਇੱਕ ਹੌਂਡਾ ਸਿਟੀ ਕਾਰ ਵਿੱਚ 4 ਮੁਲਜ਼ਮ ਆਏ ਅਤੇ ਉਸ ਕੋਲੋਂ ਕਾਰ ਲੁੱਟ ਲਈ।
ਸ਼ਿਕਾਇਤਕਰਤਾ ਅਨੁਸਾਰ ਮੁਲਜ਼ਮਾਂ ਨੇ ਹਵਾਈ ਫਾਇਰ ਵੀ ਕੀਤੇ ਅਤੇ ਸ਼ਿਕਾਇਤਕਰਤਾ ਨੂੰ ਡਰਾਉਣ ਲਈ ਪਿਸਤੌਲ ਤਾਣ ਦਿੱਤੀ। ਇਸ ਤੋਂ ਬਾਅਦ ਫਿਲਮੀ ਅੰਦਾਜ਼ 'ਚ ਉਸ ਨੂੰ ਡਰਾਈਵਿੰਗ ਸੀਟ ਤੋਂ ਹੇਠਾਂ ਧੱਕ ਦਿੱਤਾ ਗਿਆ। ਜਿਸ ਤੋਂ ਬਾਅਦ ਉਹ ਕਾਰ ਲੈ ਕੇ ਭੱਜ ਗਏ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਹੌਂਡਾ ਸਿਟੀ 'ਚ ਸਵਾਰ 2 ਮੁਲਜ਼ਮ ਉਸ ਦੀ ਕਾਰ ਛੱਡ ਕੇ ਫਰਾਰ ਹੋ ਗਏ।
