ਬਾਰਿਸ਼ ਕਾਰਨ ਬਿਜਲੀ ਦੇ ਖੰਭੇ 'ਚ ਤਕਨੀਕੀ ਖ਼ਰਾਬੀ ਦੇ ਚਲਦੇ ਵਾਪਰਿਆ ਹਾਦਸਾ
ਜਲੰਧਰ : ਮੌਤ ਇੱਕ ਅਜਿਹਾ ਸੱਚ ਹੈ ਜਿਸ ਨੂੰ ਕਦੇ ਵੀ ਝੁਠਲਾਇਆ ਨਹੀਂ ਜਾ ਸਕਦਾ ਪਰ ਜਿਨ੍ਹਾਂ ਇਹ ਸੱਚ ਹੈ ਉਨਾਂ ਹੀ ਦੁਖਦਾਈ ਵੀ ਹੈ। ਤਾਜ਼ਾ ਜਾਣਕਾਰੀ ਜਲੰਧਰ ਤੋਂ ਹੈ ਜਿਥੇ ਇੱਕ 16 ਵਰ੍ਹਿਆਂ ਦੇ ਸਰਤਾਜ ਸਿੰਘ ਦੀ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ ਲੜਕਾ ਆਪਣੇ ਘਰ ਤੋਂ ਬਾਜ਼ਾਰ ਜਾ ਰਿਹਾ ਸੀ ਪਰ ਉਸ ਨੂੰ ਨਹੀਂ ਪਤਾ ਸੀ ਕਿ ਉਹ ਕਦੇ ਵੀ ਮੁੜਕੇ ਘਰ ਨਹੀਂ ਆਵੇਗਾ।
death
ਦੱਸ ਦੇਈਏ ਕਿ ਬੀਤੇ ਦਿਨੀਂ ਪਈ ਭਾਰੀ ਬਾਰਿਸ਼ ਦੇ ਚਲਦੇ ਸੜਕ 'ਤੇ ਕਾਫੀ ਪਾਣੀ ਖੜਾ ਸੀ ਅਤੇ ਨੇੜੇ ਲੱਗੇ ਵਿਚ ਤਕਨੀਕੀ ਖ਼ਰਾਬੀ ਕਾਰਨ ਪਾਣੀ ਵਿਚ ਕਰੰਟ ਆ ਗਿਆ। ਜਿਵੇਂ ਹੀ ਲੜਕਾ ਪਾਣੀ ਵਿਚੋਂ ਨਿਕਲਿਆ ਤਾਂ ਇਸ ਕਰੰਟ ਦੀ ਲਪੇਟ ਵਿਚ ਆ ਗਿਆ। ਦੱਸ ਦੇਈਏ ਕਿ ਬੀਤੀ ਰਾਤ ਰੇਲਵੇ ਰੋਡ ’ਤੇ ਪਾਣੀ ਵਿਚ ਕਰੰਟ ਆਉਣ ਨਾਲ ਇਹ ਹਾਦਸਾ ਵਾਪਰਿਆ ਜਿਸ ਨੇ ਮਹਿਜ਼ 16 ਸਾਲ ਦੇ ਮੁੰਡੇ ਦੀ ਜਾਨ ਲੈ ਲਈ।
photo
ਦੱਸਣਯੋਗ ਹੈ ਕਿ ਇਹ ਘਟਨਾ ਸ਼ਨਿਚਰਵਾਰ ਰਾਤ ਕਰੀਬ 11 ਵਜੇ ਵਾਪਰੀ ਜਦੋਂ ਸਰਤਾਜ ਸਿੰਘ ਪੁੱਤਰ ਤਰਸੇਮ ਲਾਲ ਨਿਵਾਸੀ ਬਾਗ ਕਰਮ ਬਖਸ਼ (ਢੰਨ ਮੁਹੱਲਾ) ਬੱਚੇ ਲਈ ਡਾਈਪਰ ਲਿਆਉਣ ਵਾਸਤੇ ਘਰੋਂ ਨਿਕਲਿਆ। ਇਸ ਦੌਰਾਨ ਮਹਾਰਾਜਾ ਹੋਟਲ ਨੇੜੇ ਪੀ. ਐੱਨ. ਬੀ. ਦੇ ਸਾਹਮਣੇ ਉਹ ਜ਼ਖ਼ਮੀ ਹਾਲਤ ਵਿਚ ਪਿਆ ਸੀ। ਇਸ ਦੌਰਾਨ 11.15 ਵਜੇ ਦੇ ਲਗਭਗ ਇਕ ਔਰਤ ਜਿਹੜੀ ਕਾਰ ’ਤੇ ਉਥੋਂ ਲੰਘ ਰਹੀ ਸੀ।
Death
ਇਸ ਦੌਰਾਨ ਉਸ ਨੇ ਮੁੰਡੇ ਦੀ ਡਿੱਗੀ ਹੋਈ ਐਕਟਿਵਾ ਵੇਖੀ ਅਤੇ ਨੇੜੇ ਨੌਜਵਾਨ ਵੀ ਪਿਆ ਸੀ। ਉਸ ਨੇ ਪੁਲਸ ਨੂੰ ਸੂਚਿਤ ਕੀਤਾ। ਇਸ ਦੌਰਾਨ ਮੁੰਡੇ ਨੂੰ ਹਸਪਤਾਲ ਵਿਚ ਮ੍ਰਿਤਕ ਕਰਾਰ ਦੇ ਦਿੱਤਾ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਮੁੰਡੇ ਦੇ ਸਰੀਰ ’ਤੇ ਸੱਟ ਦਾ ਨਿਸ਼ਾਨ ਨਹੀਂ ਹਨ, ਉਸ ਦੇ ਹੱਥ-ਪੈਰ ਨੀਲੇ ਪੈ ਚੁੱਕੇ ਸਨ, ਜਿਸ ਤੋਂ ਅਜਿਹਾ ਲੱਗਦਾ ਹੈ ਕਿ ਕਰੰਟ ਲੱਗਣ ਨਾਲ ਉਸ ਦੀ ਮੌਤ ਹੋਈ ਹੈ।
