4 ਦਿਨਾਂ 'ਚ ਚਾਂਦੀ 11000 ਤੇ ਸੋਨਾ 2500 ਰੁਪਏ ਸਸਤਾ
ਨਵੀਂ ਦਿੱਲੀ, 24 ਸਤੰਬਰ: ਘਰੇਲੂ ਬਾਜ਼ਾਰ 'ਚ ਚਾਂਦੀ ਦੀਆਂ ਕੀਮਤਾਂ ਸੋਨੇ ਨਾਲੋਂ ਜ਼ਿਆਦਾ ਡਿੱਗ ਰਹੀਆਂ ਹਨ। ਮੌਜੂਦਾ ਕਾਰੋਬਾਰੀ ਹਫ਼ਤੇ ਦੇ ਚੌਥੇ ਦਿਨ ਵੀਰਵਾਰ ਨੂੰ, ਸੋਨੇ ਦੇ ਫ਼ਿਊਚਰ ਬਾਜ਼ਾਰ ਵਿਚ ਐਮਸੀਐਕਸ 'ਤੇ ਅਕਤੂਬਰ ਦੀ ਡਿਲਿਵਰੀ ਲਈ ਸੋਨੇ ਦੇ ਭਾਅ 0.45 ਫ਼ੀ ਸਦੀ ਦੀ ਗਿਰਾਵਟ ਨਾਲ, ਸੋਨੇ ਦੇ ਭਾਅ 50 ਹਜ਼ਾਰ ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਆ ਗਏ। ਇਹ ਇਸ ਵੇਲੇ 49,293 ਪ੍ਰਤੀ 10 ਗ੍ਰਾਮ ਦੇ ਪੱਧਰ 'ਤੇ ਹੈ। ਇਸ ਦੇ ਨਾਲ ਹੀ ਚਾਂਦੀ ਦਾ ਵਾਅਦਾ 3 ਫ਼ੀ ਸਦੀ ਦੀ ਗਿਰਾਵਟ ਨਾਲ 56,710 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਬੰਦ ਹੋਇਆ। ਮਾਹਰਾਂ ਦਾ ਕਹਿਣਾ ਹੈ ਕਿ ਸੋਨੇ ਦੀਆਂ ਕੀਮਤਾਂ ਵਿਚ ਗਿਰਾਵਟ ਦਾ ਰੁਝਾਨ ਅੱਜ ਲਗਾਤਾਰ ਤੀਜੇ ਦਿਨ ਵੀ ਜਾਰੀ ਹੈ। ਅਮਰੀਕੀ ਡਾਲਰ ਦੇ ਵਾਧੇ ਦੇ ਕਾਰਨ ਵਿਦੇਸ਼ੀ ਬਾਜ਼ਾਰਾਂ (ਸੋਨੇ ਦੀ ਕੀਮਤ ਹੇਠਾਂ) ਵਿਚ ਸੋਨੇ ਦੀ ਕੀਮਤ 2 ਫ਼ੀ ਸਦੀ ਦੀ ਗਿਰਾਵਟ ਨਾਲ 1862 ਡਾਲਰ ਪ੍ਰਤੀ ਔਂਸ 'ਤੇ ਆ ਗਈ। ਇਸੇ ਲਈ ਘਰੇਲੂ ਬਾਜ਼ਾਰ ਵਿਚ ਸੋਨਾ ਖ਼ਰੀਦਣਾ ਸਸਤਾ ਹੋ ਗਿਆ ਹੈ। ਚਾਰ ਦਿਨਾਂ ਵਿਚ ਸੋਨਾ ਹੁਣ ਤਕ ਪ੍ਰਤੀ 10 ਗ੍ਰਾਮ ਤਕਰੀਬਨ 2500 ਡਾਲਰ ਸਸਤਾ ਹੋ ਗਿਆ ਹੈ।
