ਕਤਲ ਅਤੇ ਲੁੱਟਾਂ ਖੋਹਾਂ ਦੇ 18 ਮੁਕੱਦਮੇ ਹਨ ਦਰਜ
ਖੰਨਾ: ਖੰਨਾ ਪੁਲਿਸ ਦੇ ਹੱਥ ਵੱਡੀ ਸਫਲਤਾ ਉਸ ਸਮੇਂ ਲੱਗੀ ਜਦੋਂ ਉਨ੍ਹਾਂ ਨੇ ਇੱਕ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇ ਦਾ ਪਲਾਨ ਬਣਾ ਰਹੇ। ਬਿਸ਼ਨੋਈ ਗੈਂਗ ਦੇ ਇੱਕ ਗੈਂਗਸਟਰ ਨੂੰ ਉਸ ਦੀ ਪ੍ਰੇਮਿਕਾ ਸਮੇਤ ਗਿਰਫ਼ਤਾਰ ਕੀਤਾ। ਦੱਸ ਦਈਏ ਕਿ ਪੁਲਿਸ ਨੇ ਇਹ ਗਿਰਫਤਾਰੀ ਖੁਫੀਆ ਸੂਚਨਾ ਦੇ ਅਧਾਰ 'ਤੇ ਕੀਤੀ ਹੈ। SSP ਖੰਨਾ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਗੈਂਗਸਟਰ ਤੇ ਲੁੱਟਾਂ ਖੋਹਾਂ ਅਤੇ ਕਤਲ ਦੇ 18 ਮੁਕੱਦਮੇ ਦਰਜ ਸਨ, ਜਿਸ ਦੀ ਕਿ ਕਈ ਸੂਬਿਆਂ ਦੀ ਪੁਲਿਸ ਨੂੰ ਭਾਲ ਸੀ।
ਪੁਲਿਸ ਅਧਿਕਾਰੀ ਨੇ ਦਸਿਆ ਕਿ ਉਹਨਾਂ ਨੂੰ ਖ਼ਬਰ ਮਿਲੀ ਸੀ ਕਿ ਰਾਜਸਥਾਨ, ਹਰਿਆਣਾ ਤੇ ਚੰਡੀਗੜ੍ਹ ਦੇ ਗੈਂਗਸਟਰ ਸਨ ਤੇ ਉਹਨਾਂ ਨਾਲ ਹੋਰ ਵਿਅਕਤੀ ਮਿਲ ਕੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਲੱਗੇ ਸਨ। ਇਸ ਵਿਚ ਸੀਏ ਦੀ ਟੀਮ, ਡੀਐਸਪੀ ਖੰਨਾ, ਐਸਐਚਓ ਨੇ ਮਿਲ ਕੇ ਇਹਨਾਂ ਵਿਅਕਤੀਆਂ ਨੂੰ ਫੜਿਆ ਹੈ। ਸ਼ੁਭਮ ਨਾਮ ਦੇ ਵਿਅਕਤੀ ਤੇ ਲਗਭਗ 18 ਮੁਕੱਦਮੇ ਲੁੱਟਾਂ, ਖੋਹਾਂ ਦੇ ਚਲਦੇ ਹਨ।
ਇਸ ਨੇ 9 ਮਹੀਨੇ ਵਿਚ ਸੋਨੂੰ ਸ਼ਾਹ ਦੇ ਵਿਅਕਤੀ ਜੋ ਕਿ ਇਕ ਗੈਂਗਸਟਰ ਸੀ ਨੂੰ ਸ਼ੁਭਮ ਨੇ ਗੋਲੀਆਂ ਨਾਲ ਮਾਰਿਆ ਸੀ। ਇਹ ਸਾਰੇ ਜੇਲ੍ਹ ਵਿਚ ਹੀ ਇਕੱਠੇ ਹੋਏ ਸਨ ਜੋ ਕਿ ਨਵੀਂ ਗੈਂਗ ਤਿਆਰ ਕਰਨ ਦਾ ਵਿਚਾਰ ਬਣਾ ਰਹੇ ਸਨ ਤੇ ਇਸ ਵਿਚ ਇਕ ਨੌਜਵਾਨ ਦੀ ਪ੍ਰੇਮਿਕਾ ਵੀ ਸ਼ਾਮਲ ਸੀ। ਇਹਨਾਂ ਨੇ ਕਿਤੇ ਹੋਰ ਕੋਈ ਵੱਡਾ ਕਾਰਨਾਮਾ ਕਰਨ ਦਾ ਵਿਚਾਰ ਬਣਾਇਆ ਹੋਇਆ ਸੀ। ਇਹਨਾਂ ਕੋਲੋਂ 38, 12 ਅਤੇ ਇਕ ਹੋਰ ਪਿਸਤੌਲ ਬਰਾਮਦ ਹੋਈ ਹੈ।
ਇਸ ਤੋਂ ਇਲਾਵਾ ਮੋਟਰਸਾਈਕਲ, ਟਰੈਕਟਰ ਟਰਾਲੀ ਬਰਾਮਦ ਕੀਤੀ ਗਈ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਇਹ ਗੈਂਗਸਟਰ ਇੱਕ ਨਵਾਂ ਗੈਂਗ ਬਣਾਉਣ ਦੀ ਫ਼ਿਰਾਕ ਵਿਚ ਸੀ ਪਰ ਪੁਲਿਸ ਦੀ ਮੁਸਤੈਦੀ ਕਾਰਨ ਇਸ ਦੀ ਇਹ ਪਲਾਨਿੰਗ ਧਰੀ ਧਰਾਈ ਰਹਿ ਗਈ। ਫਿਲਹਾਲ ਇਹ ਗੈਂਗਸਟਰ ਪੁਲਿਸ ਦੀ ਹਿਰਾਸਤ ਵਿਚ ਹੈ ਅਤੇ ਪੁੱਛਗਿੱਛ ਦੌਰਾਨ ਹੋਰ ਵੀ ਕਈ ਅਹਿਮ ਖੁਲਾਸੇ ਹੋਣ ਦੀ ਉਮੀਦ ਜਤਾਈ ਜਾ ਰਹੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।