ਰਾਵਣ ਵਾਂਗ ਇਕ ਦਿਨ ਕੇਂਦਰ ਦਾ ਵੀ ਟੁੱਟੇਗਾ ਹੰਕਾਰ
ਅੰਮ੍ਰਿਤਸਰ - ਅੱਜ ਦੁਸਹਿਰੇ ਦੇ ਵਿਸ਼ੇਸ਼ ਦਿਨ 'ਤੇ ਨਵਜੋਤ ਸਿੰਘ ਸਿੱਧੂ ਅੰਮ੍ਰਿਤਸਰ ਤੋਂ ਲਾਈਵ ਹੋਏ ਹਨ। ਉਹਨਾਂ ਨੇ ਆਪਣੇ ਭਾਸ਼ਣ ਵਿਚ ਮੋਦੀ ਸਰਕਾਰ 'ਤੇ ਤਿੱਖੇ ਨਿਸ਼ਾਨੇ ਸਾਧੇ। ਉਹਨਾਂ ਕਿਹਾ ਕਿ ਸਾਨੂੰ ਕੇਂਦਰ ਸਰਕਾਰ ਖਿਲਾਫ਼ ਡਟ ਕੇ ਖੜ੍ਹੇ ਹੋਣਾ ਪਵੇਗਾ ਤੇ ਜਿਵੇਂ ਰਾਵਣ ਦਾ ਅਹੰਕਾਰ ਟੁੱਟਿਆ ਸੀ, ਅੱਜ ਕੇਂਦਰ ਦੀ ਸਰਕਾਰ ਦਾ ਵੀ ਹੰਕਾਰ ਜ਼ਰੂਰ ਟੁੱਟੇਗਾ।
Hunger
ਪੰਜਾਬ ਦੇ ਕਿਸਾਨਾਂ ਬਾਰੇ ਉਹਨਾਂ ਕਿਹਾ ਕਿ ਜਦੋਂ ਸਾਡਾ ਹਿੰਦੁਸਤਾਨ ਭੁੱਖਮਰੀ ਨਾਲ ਮਰ ਰਿਹਾ ਸੀ ਤਾਂ ਸਾਡੇ ਪੰਜਾਬ ਦੇ ਕਿਸਾਨ ਨੇ 80 ਕਰੋੜ ਲੋਕਾਂ ਦਾ ਢਿੱਡ ਭਰਿਆ ਤੇ ਹੁਣ ਮਹਿੰਗਾਈ ਦੇ ਨਾਲ-ਨਾਲ ਇਕ ਵਾਰ ਫਿਰ ਭੁੱਖਮਰੀ ਆਵੇਗੀ। ਉਹਨਾਂ ਕਿਹਾ ਕਿ ਗੋਦਾਮਾਂ 'ਚ ਆਨਾਜ ਤਾਂ ਹੋਵੇਗਾ ਪਰ ਇਹ ਗਰੀਬਾਂ ਦੀ ਪਹੁੰਚ ਤੋਂ ਬਹੁਤ ਦੂਰ ਹੋਵੇਗਾ।
MODI
ਨਵਜੋਤ ਸਿੱਧੂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਸਾਡਾ ਜੀ ਐਸ ਟੀ ਦਾ ਬਕਾਇਆ ਵੀ ਦੱਬੀ ਬੈਠੀ ਹੈ ਤੇ ਲੰਮੇ ਸਮੇਂ ਤੋਂ ਬਕਾਇਆ ਵਾਪਸ ਨਹੀਂ ਕੀਤਾ। ਉਹਨਾਂ ਕਿਹਾ ਕਿ ਕਿਸਾਨੀ ਦੀ ਲੜਾਈ ਸਿਰਫ਼ ਐਮ ਐਸ ਪੀ ਤੇ ਮੰਡੀਆਂ ਤੱਕ ਸੀਮਤ ਨਹੀਂ ਹੈ ਕਿਸਾਨ ਦੀ ਲੜਾਈ ਪਾਣੀਆਂ ਨੂੰ ਲੈ ਕੇ ਅਤੇ ਉਹਨਾਂ ਨੂੰ ਉਹਨਾਂ ਦੀ ਫਸਲ ਦਾ ਬਣਦਾ ਹੱਕ ਨਾ ਮਿਲਣ ਕਰ ਕੇ ਵੀ ਹੈ।
Navjot Sidhu
ਸਿੱਧੂ ਨੇ ਕਿਹਾ ਕਿ ਸੂਬਾ ਸਰਕਾਰ ਹਰ ਮਸਲੇ ਦਾ ਹੱਲ ਕੱਢ ਸਕਦੀ ਹੈ ਪਰ ਸਾਰੀਆਂ ਸਿਆਸੀ ਧਿਰਾਂ ਕ੍ਰੈਡਿਟ ਲੈਣ 'ਚ ਜੁਟੀਆਂ ਹੋਈਆਂ ਹਨ ਹਰ ਇਕ ਪਾਰਟੀ ਹਰ ਮੁੱਦੇ ਵਿਚੋਂ ਆਪਣਾ ਲਾਭ ਲੈ ਰਹੀ ਹੈ। ਨਵਜੋਤ ਸਿੱਧੂ ਨੇ ਦੇਸੀ ਉਗਾਈਏ ਤੇ ਦੇਸੀ ਖਾਈਏ ਦਾ ਨਾਅਰਾ ਵੀ ਦਿੱਤਾ ਤੇ ਕਿਹਾ ਕਿ ਪੰਜਾਬ ਸਰਕਾਰ ਨੂੰ ਖੇਤੀਬਾੜੀ ਵਿਚ ਵੀ ਨਿਵੇਸ਼ ਕਰਨਾ ਚਾਹੀਦਾ ਹੈ।
