ਲੁਧਿਆਣੇ ਵਿਚ ਹੋਏ ਇਕੋ ਪਰਵਾਰ ਦੇ ਚਾਰ ਜੀਅ ਕਤਲ

ਘਰ ਦਾ ਮੁਖੀ ਪ੍ਰਾਪਰਟੀ ਡੀਲਰ ਰਾਜੀਵ ਗ਼ਾਇਬ

ਲੁਧਿਅਣਾ, 24 ਨਵੰਬਰ (ਆਰ.ਪੀ.ਸਿੰਘ.): ਸ਼ਹਿਰ ਦੀ ਪ੍ਰੌਸ਼ ਰਿਹਾਇਸ਼ੀ ਕਾਲੋਨੀ ਵਿਚ ਇਕ ਪ੍ਰਾਪਰਟੀ ਡੀਲਰ ਦੇ ਟੱਬਰ ਦਾ ਭੇਤ ਭਰੇ ਹਾਲਤ ਵਿਚ ਕਤਲ ਕਰ ਦਿਤਾ ਗਿਆ ਹੈ, ਜਦਕਿ ਘਰ ਦਾ ਮੁਖੀ ਰਾਜੀਵ ਸ਼ੱਕੀ ਹਾਲਾਤ ਵਿਚ ਘਰੋਂ ਗ਼ਾਇਬ ਹੈ। ਥਾਣਾ ਪੀ ਏ ਯੂ ਦੇ ਇਲਾਕੇ ਹੇਠ ਮਯੂਰ ਵਿਹਾਰ ਵਿਚ ਵਾਪਰੀ ਇਸ ਹੌਲਨਾਕ ਘਟਨਾ ਦੇ ਮਕਤੂਲਾਂ ਵਿਚ ਰਾਜੀਵ ਦੀ ਪਤਨੀ, ਪੁੱਤ-ਨੂੰਹ ਅਤੇ ਅੱਲ੍ਹੜ ਉਮਰ ਦਾ ਪੋਤਾ ਸ਼ਾਮਲ ਹਨ।
  ਸ਼ੱਕ ਕੀਤਾ ਜਾ ਰਿਹਾ ਹੈ ਕਿ ਏਹ ਕਤਲ ਖ਼ੁਦ ਰਾਜੀਵ ਨੇ ਹੀ ਕੀਤੇ ਹਨ ਅਤੇ ਕਾਰਾ ਕਰ ਕੇ ਖ਼ੁਦ ਗ਼ਾਇਬ ਹੋ ਗਿਆ ਹੈ। ਘਟਨਾ ਦੀ ਜਾਣਕਾਰੀ ਰਾਜੀਵ ਦੇ ਕੁੜਮ ਨੇ ਪੁਲਿਸ ਨੂੰ ਦਿਤੀ ਹੈ। ਪੁਲਿਸ ਅਧਿਕਾਰੀਆਂ ਮੁਤਾਬਕ ਰਾਜੀਵ ਦੇ ਕੁੜਮ ਨੇ ਅਪਣੀ ਬੇਟੀ ਨਾਲ ਕੋਈ ਗੱਲ ਕਰਨ ਲਈ ਉਸ ਨੂੰ ਫ਼ੋਨ ਕੀਤਾ ਤਾਂ ਵਾਰ-ਵਾਰ ਫ਼ੋਨ ਕਰਨ ਉਤੇ ਵੀ ਜਦੋਂ ਕੋਈ ਜਵਾਬ ਨਾ ਮਿਲਿਆ ਤਾਂ ਉਹ ਖ਼ੁਦ ਹੀ ਧੀ ਦੇ ਘਰ ਜਾ ਪਹੁੰਚਿਆ।
   ਪਰ ਅੰਦਰ ਵੜਦਿਆਂ ਹੀ ਉਸ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ ਜਦੋਂ ਉਸ ਨੇ ਸਾਰੇ ਟੱਬਰ ਦੀਆਂ ਲਾਸ਼ਾਂ ਖ਼ੂਨ ਵਿਚ ਲੱਥ-ਪਥ ਪਈਆਂ ਵੇਖੀਆਂ। ਪੁਲਿਸ ਵਲੋਂ ਫ਼ੋਰੈਂਸਿਕ ਟੀਮ ਅਤੇ ਸੂਹੀਆ ਕੁੱਤਿਆਂ ਦੀ ਮਦਦ ਨਾਲ ਘਟਨਾ ਦੀ ਬਾਰੀਕੀ ਨਾਲ ਜਾਂਚ ਪੜਤਾਲ ਕੀਤੀ ਜਾ ਰਹੀ ਹੈ ।
L48_RP Singh_੨੪_੦੩