ਹਰਿਆਣਾ ਪੁਲਿਸ ਦੀਆਂ ਗ੍ਰਿਫ਼ਤਾਰੀਆਂ ਸਦਕਾ ਸਾਡੇ ਹੌਸਲੇ ਹੋਰ ਬੁੰਲਦ ਹੋਣਗੇ : ਭਾਰੂਖੇੜਾ
ਸਿਰਸਾ, 24 ਨਵੰਬਰ (ਸੁਰਿੰਦਰ ਪਾਲ ਸਿੰਘ): ਹਰਿਆਣਾ ਪੁਲਿਸ ਦੀਆਂ ਗ੍ਰਿਫ਼ਤਾਰੀਆਂ ਸਦਕਾ ਸਾਡੇ ਹੌਸਲੇ ਹੋਰ ਬੁੰਲਦ ਹੋਣਗੇ, ਇਹ ਕਹਿਣਾ ਸੀ ਗ੍ਰਿਫ਼ਤਾਰੀ ਸਮੇਂ ਕਿਸਾਨ ਨੇਤਾ ਪ੍ਰਹਿਲਾਦ ਸਿੰਘ ਭਾਰੂਖੇੜਾ ਦਾ। ਕੇਂਦਰ ਸਰਕਾਰ ਦੁਆਰਾ ਪਾਸ ਤਿੰਨ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਸ਼ਹੀਦ ਭਗਤ ਸਿੰਘ ਸਟੇਡੀਅਮ ਸਿਰਸਾ ਵਿਚ ਪੱਕੇ ਮੋਰਚੇ ਦੀ ਥਾਂ ਉਤੇ ਕਿਸਾਨਾਂ ਦਾ ਧਰਨਾ ਅਤੇ ਭੁੱਖ ਹੜਤਾਲ ਜਾਰੀ ਹੈ। ਭਾਰੂਖੇੜਾ ਦੀ ਗ੍ਰਿਫ਼ਤਾਰੀ ਸਬੰਧੀ ਖੱਬੇ ਖੱਖੀ ਕਿਸਾਨ ਨੇਤਾ ਸਵਰਨ ਸਿੰਘ ਵਿਰਕ ਅਤੇ ਧਰਨਾ ਸਥਲ ਦੇ ਸੱਕਤਰ ਡਾ. ਸੁਖਦੇਵ ਸਿੰਘ ਨੇ ਸਾਡੇ ਪੱਤਰਕਾਰ ਨੂੰ ਦਸਿਆ ਕਿ ਕਿਸਾਨ ਨੇਤਵਾਂ ਦੀਆਂ ਗ੍ਰਿਫ਼ਤਾਰੀਆਂ ਦੇ ਚਲਦੇ ਵੀ ਹਰਿਆਣਾ ਅਤੇ ਪੰਜਾਬ ਦੇ ਲੱਖਾਂ ਕਿਸਾਨ
ਦਿੱਲੀ ਲਈ ਕੂਚ ਕਰਨਗੇ ਜਿਸ ਨੂੰ ਲੈ ਕੇ ਪਿੰਡਾਂ ਵਿਚ ਜਨ ਸੰਪਰਕ ਅਭਿਆਨ ਵੱਡੇ ਪੱਧਰ ਉੱਤੇ ਜਾਰੀ ਹੈ।