ਆਦੇਸ਼ ਹਸਪਤਾਲ 'ਚ ਤੇਜ਼ੀ ਨਾਲ ਚਲ ਰਿਹੈ ਬੋਰਡਿੰਗ ਦੇ ਬੀ-ਬਲਾਕ ਦਾ ਉਸਾਰੀ ਕੰਮ : ਗਿੱਲ
ਸ਼ਾਹਬਾਦ ਮਾਰਕੰਡਾ, 25 ਫ਼ਰਵਰੀ (ਅਵਤਾਰ ਸਿੰਘ): ਆਦੇਸ਼ ਹਸਪਤਾਲ ਅਤੇ ਮੈੇਡੀਕਲ ਕਾਲਜ, ਜੀ.ਟੀ ਰੋਡ, ਮੋਹੜੀ ਵਿੱਚ ਗਰਲਜ਼ ਹੋਸਟਲ ਦੇ ਬੀ ਬਲਾਕ ਦੀ ਉਸਾਰੀ ਤੇਜ਼ੀ ਨਾਲ ਚੱਲ ਰਹੀ ਹੈ | ਆਦੇਸ਼ ਗਰੁਪ ਦੇ ਚੇਅਰਮੈੇਨ ਡਾ. ਹਰਿੰਦਰ ਸਿੰਘ ਗਿੱਲ ਨੇ ਚੱਲ ਰਹੇ ਉਸਾਰੀ ਕੰਮਾਂ ਦਾ ਜਾਇਜ਼ਾ ਲਿਆ | ਇਸ ਦੌਰਾਨ ਡਾ. ਗਿੱਲ ਨੇ ਕਿਹਾ ਕਿ ਆਦੇਸ਼ ਹਸਪਤਾਲ ਵਿੱਚ ਤਿਆਰ ਹੋ ਰਹੇ ਨਵੇਂ ਚਿਕਿਤਸਕਾਂ ਨੂੰ ਬਿਹਤਰ ਸੁਵਿਧਾਵਾਂ ਅਤੇ ਸਿੱਖਿਆ ਦਿੱਤੀ ਜਾ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਸਮਾਂ ਵਿੱਚ ਆਦੇਸ਼ ਮੈਡੀਕਲ ਕਾਲਜ ਅਤੇ ਹਸਪਤਾਲ ਦੇ ਪ੍ਰਾਂਗਣ ਤੋਂ ਹੋਣਹਾਰ ਚਿਕਿਤਸਕ ਤਿਆਰ ਹੋ ਕੇ ਨਿਕਲਣਗੇ | ਹਸਪਤਾਲ ਦੇ ਪ੍ਰਬੰਧਕ ਹਰਿਓਮ ਗੁਪਤਾ ਨੇ ਦੱਸਿਆ ਕਿ ਇਸ ਹੋਸਟਲ ਦੇ ਬੀ-ਬਲਾਕ ਵਿੱਚ ਅੱਠ ਮੰਜ਼ਿਲਾ ਭਵਨ ਬਣਾਇਆ ਜਾਵੇਗਾ ਅਤੇ ਜਿਸ ਵਿੱਚ ਹਰ ਤਰ੍ਹਾਂ ਦੀਆਂ ਸੁਵਿਧਾਵਾਂ ਉਪਲੱਬਧ ਕਰਵਾਈਆਂ ਜਾਣਗੀਆਂ | ਗੁਪਤਾ ਨੇ ਕਿਹਾ ਕਿ ਅੰਬਾਲਾ, ਕੁਰੂਕਸ਼ੇਤਰ, ਕਰਨਾਲ, ਯਮੁਨਾਨਗਰ ਜਿਲਿਆਂ ਦੇ ਲੋਕਾਂ ਲਈ ਇਹ ਗੌਰਵ ਦੀ ਗੱਲ ਹੈ ਕਿ ਇਸ ਹਸਪਤਾਲ ਵਿੱਚ ਇੱਕ ਹੀ ਛੱਤ ਦੇ ਹੇਠਾਂ ਹਰ ਰੋਗ ਦੇ ਵਿਸ਼ੇਸ਼ ਡਾਕਟਰ ਉਪਲੱਬਧ ਹਨ ਅਤੇ ਉਪਚਾਰ ਲਈ ਲੋਕਾਂ ਨੂੰ ਦੁਜੇ ਪ੍ਰਦੇਸਾਂ ਵਿੱਚ ਨਹੀਂ ਜਾਣਾ ਪੈਂਦਾ | ਇਸ ਮੌਕੇ ਉੱਤੇ ਕਾਲਜ ਦੇ ਪਿ੍ੰਸੀਪਲ ਡਾ. ਬੀ. ਐੇਲ. ਭਾਰਦਵਾਜ, ਡਾ. ਐੇਨ. ਐਸ. ਲਾਂਬਾ, ਡਾ. ਗੁਣਤਾਸ ਗਿੱਲ, ਡਾ. ਨਿਰੇਸ਼ ਜੋਤੀ, ਡਾ. ਅਮਿ੍ਤ ਵਿਰਕ, ਪ੍ਰਬੰਧਕ ਹਰਿਓਮ ਗੁਪਤਾ, ਸੰਜੂ ਕੁਮਾਰੀ ਸਹਿਤ ਹੋਰ ਸਟਾਫ ਮੌਜੂਦ ਸੀ |
ਫੋਟੋ :
