Robbery in Money exchange shop: ਪੁਲਿਸ ਘਟਨਾ ਦੀ ਜਾਂਚ ’ਚ ਲੱਗੀ, ਸੀਸੀਟੀਵੀ ਕੈਮਰੇ ਕਰ ਰਹੀ ਚੈੱਕ
Robbery in Money exchange shop mohali: ਪੰਜਾਬ ਦੇ ਮੋਹਾਲੀ ਵਿਚ ਇਕ ਮਨੀ ਐਕਸਚੇਂਜ ਦੀ ਦੁਕਾਨ ਤੋਂ ਆਸਟਰੇਲੀਅਨ, ਅਮਰੀਕਾ ਅਤੇ ਕੈਨੇਡੀਅਨ ਡਾਲਰ ਤੇ ਯੂਏਈ ਦੀਨਾਰ ਚੋਰੀ ਹੋ ਗਏ। ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਦੁਕਾਨ ਦਾ ਮਾਲਿਕ ਗੁਰਦੁਆਰਾ ਸਾਹਿਬ ਮੱਥਾ ਟੇਕਣ ਗਿਆ ਸੀ, ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ, ਹਾਲਾਂਕਿ ਅਜੇ ਤੱਕ ਪੁਲਿਸ ਨੂੰ ਮੁਲਜ਼ਮਾਂ ਦਾ ਕੋਈ ਸੁਰਾਗ ਨਹੀਂ ਲੱਗਾ ਹੈ। ਪੁਲਿਸ ਵਲੋਂ ਇਲਾਕੇ ’ਚ ਲੱਗੇ ਕੈਮਰਿਆਂ ਦੀ ਜਾਂਚ ਕਰ ਰਹੀ ਹੈ, ਤਾਕਿ ਪਤਾ ਲਗਾਇਆ ਜਾ ਸਕੇ ਕਿ ਵਾਰਦਾਤ ਨੂੰ ਕਿਸ ਨੇ ਅੰਜ਼ਾਮ ਦਿਤਾ ਹੈ।
ਪੁਲਿਸ ਨੂੰ ਦਿਤੀ ਸ਼ਿਕਾਇਤ ਵਿਚ ਸੁਖਦੇਵ ਸਿੰਘ ਨੇ ਦਸਿਆ ਕਿ ਉਹ ਚੰਡੀਗੜ੍ਹ ਦੇ ਸੈਕਟਰ 42 ਵਿਚ ਰਹਿੰਦਾ ਹੈ। ਉਹ ਮੋਹਾਲੀ ’ਚ ਦੁਕਾਨ ਚਲਾਉਂਦਾ ਹੈ। ਉੱਥੇ ਇਕ ਮਹਿਲਾ ਕਰਮਚਾਰੀ ਵੀ ਕੰਮ ਕਰਦੀ ਹੈ। ਉਸ ਕੋਲ ਮਨੀਗ੍ਰਾਮ ਵੈਸਟਰਨ ਯੂਨੀਅਨ ਵੀ ਹੈ। ਉਸ ਕੋਲ 2500 ਡਾਲਰ ਅਮਰੀਕਾ, 5000 ਡਾਲਰ ਆਸਟਰੇਲੀਆ, 2000 ਡਾਲਰ ਕੈਨੇਡਾ ਅਤੇ ਹੋਰ ਕਰੰਸੀਆਂ ਸਨ। ਜਦੋਂ ਇਹ ਘਟਨਾ ਵਾਪਰੀ ਤਾਂ ਉਹ ਮੱਥਾ ਟੇਕਣ ਲਈ ਗੁਰਦੁਆਰਾ ਸਾਹਿਬ ਗਿਆ ਹੋਇਆ ਸੀ।
ਇਸ ਦੌਰਾਨ ਮਹਿਲਾ ਮੁਲਾਜ਼ਮ ਨੇ ਫ਼ੋਨ ਕਰ ਕੇ ਦਸਿਆ ਕਿ ਦਫ਼ਤਰ ਦਾ ਪਿਛਲਾ ਦਰਵਾਜ਼ਾ ਖੁਲ੍ਹਿਆ ਹੋਇਆ ਹੈ ਜਦੋਂ ਉਸ ਨੇ ਆ ਕੇ ਦੁਕਾਨ ਦਾ ਸਾਮਾਨ ਚੈੱਕ ਕੀਤਾ ਤਾਂ ਦੁਕਾਨ ’ਚੋਂ ਵਿਦੇਸ਼ੀ ਕਰੰਸੀ ਵਾਲਾ ਬੈਗ ਗ਼ਾਇਬ ਸੀ। ਪੁਲਿਸ ਮਾਮਲੇ ਦੀ ਜਾਂਚ ’ਚ ਜੁਟੀ ਹੋਈ ਹੈ।
(For more news apart from Mohali Latest News, stay tuned to Rozana Spokesman)
