ਉਚੀ ਆਵਾਜ਼ ਵਿਚ ਡੀਜੇ ਚਲਾਉਣ 'ਤੇ ਹੋਇਆ ਸੀ ਝਗੜਾ
ਭਿੱਖੀਵਿੰਡ : ਬੀਤੇ ਦਿਨ ਲੈਬਨਾਨ ਦੇ ਸ਼ਹਿਰ ਦੋਜਾਲਾ ਵਿਖੇ ਮਾਰੇ ਗਏ ਚਾਰ ਪੰਜਾਬੀਆਂ ਵਿਚ ਇਕ ਨੌਜਵਾਨ ਥਾਣਾ ਭਿੱਖੀਵਿੰਡ ਅਧੀਨ ਆਉਂਦੇ ਪਿੰਡ ਬਲੇਰ ਦਾ ਲਵਜੀਤ ਸਿੰਘ ਹੈ। ਮੌਤ ਦੀ ਖ਼ਬਰ ਪਹੁੰਚਦਿਆਂ ਪਿੰਡ ਵਿਚ ਮਾਤਮ ਛਾ ਗਿਆ। ਇਸ ਸਬੰਧੀ ਮ੍ਰਿਤਕ ਦੇ ਗ੍ਰਹਿ ਵਿਖੇ ਗਏ ਪੱਤਰਕਾਰਾਂ ਨਾਲ ਗੱਲ ਕਰਦੇ ਮ੍ਰਿਤਕ ਗੌਰ ਲਵਜੀਤ ਸਿੰਘ ਦੇ ਪਿਤਾ ਹਰਦੇਵ ਸਿੰਘ ਨੇ ਦਸਿਆ ਕਿ ਮੇਰਾ ਪੁੱਤਰ ਗੁਰਲਾਭਜੀਤ ਸਿੰਘ ਜਿਸਦੀ ਉਮਰ ਉੱਨੀ ਸਾਲ ਸੀ ਅਤੇ ਕਰੀਬ ਅੱਠ ਮਹੀਨੇ ਪਹਿਲਾਂ ਕੰਮ ਕਰਨ ਲਈ ਲੈਬਨਾਨ ਦੇ ਸ਼ਹਿਰ ਦੂਜਾਲਾ ਵਿਖੇ ਗਿਆ ਸੀ।
Punjabi boy killed in Lebanon
ਉਥੇ ਉਹ ਪੈਕਿੰਗ ਦਾ ਕੰਮ ਕਰਦਾ ਸੀ ਅਤੇ ਅਪਣੇ ਤਿੰਨ ਹੋਰ ਪੰਜਾਬੀ ਸਾਥੀਆਂ ਸਮੇਤ ਕਮਰੇ ਵਿਚ ਰਹਿੰਦਾ ਸੀ ਅਤੇ ਅਪਣੇ ਇਕ ਸਾਥੀ ਦੀ ਛੁੱਟੀ ਮਨਜ਼ੂਰ ਹੋਣ 'ਤੇ ਇੰਡੀਆ ਆਉਣ ਦੀ ਖ਼ੁਸ਼ੀ ਵਿਚ ਪੰਜਾਬੀ ਮੁੰਡਿਆਂ ਵਲੋਂ ਡੀਜੇ ਉਚੀ ਆਵਾਜ਼ ਵਿਚ ਲਾਇਆ ਹੋਇਆ ਸੀ ਜੋ ਦੇਰ ਰਾਤ ਤਕ ਵੱਜਦਾ ਰਿਹਾ ਤੇ ਜਿਸ 'ਤੇ ਉਥੋਂ ਦੇ ਕੁਝ ਵਸਨੀਕਾਂ ਨੇ ਵਿਰੋਧ ਕੀਤਾ ਅਤੇ ਇਨ੍ਹਾਂ ਦਾ ਆਪਸ ਵਿਚ ਮਾਮੂਲੀ ਤਕਰਾਰ ਹੋ ਗਿਆ। ਪਰ ਡੀਜੇ ਚੱਲਦਾ ਰਿਹਾ ਅਤੇ ਫਿਰ ਜਦੋਂ ਗੁਰਲਾਭਜੀਤ ਸਿੰਘ ਅਤੇ ਸਾਥੀ ਡੀਜੇ ਬੰਦ ਕਰ ਕੇ ਅਪਣੇ ਸਾਥੀ ਸਮੇਤ ਸੌਣ ਲਈ ਕਮਰੇ ਗਏ ਤਾਂ ਕੁਝ ਅਣਪਛਾਤੇ ਲੈਬਨਾਨੀ ਨੇ ਇਨ੍ਹਾਂ 'ਤੇ ਫ਼ਾਇਰਿੰਗ ਕਰ ਦਿਤੀ ਜਿਸ ਵਿਚ ਚਾਰੇ ਨੌਜਵਾਨਾਂ ਦੀ ਮੌਤ ਹੋ ਗਈ।
Punjabi boy killed in Lebanon
ਹਰਦੇਵ ਸਿੰਘ ਨੇ ਦਸਿਆ ਕਿ ਬਾਕੀ ਦੇ ਨੌਜਵਾਨਾਂ ਵਿਚ ਇਕ ਚੀਮਾ ਕਲਾਂ ਇਕ ਤਰਨਤਾਰਨ ਅਤੇ ਇਕ ਲੁਧਿਆਣਾ ਜ਼ਿਲ੍ਹੇ ਨਾਲ ਸਬੰਧਤ ਸੀਹਰ ਦੇਵ ਸਿੰਘ ਨੇ ਦਸਿਆ ਕਿ ਗੁਰਲਾਭਜੀਤ ਸਿੰਘ ਦੀ ਮ੍ਰਿਤਕ ਦੇ ਭਾਰਤ ਆਉਣ ਦਾ ਇੰਤਜ਼ਾਰ ਹੈ ਜੋ ਜਲਦੀ ਹੀ ਭਾਰਤ ਪਹੁੰਚ ਜਾਵੇਗੀ। ਦਸਣਯੋਗ ਹੈ ਕਿ ਮ੍ਰਿਤਕ ਅਪਣੇ ਪਿੱਛੇ ਮਾਤਾ-ਪਿਤਾ ਤੇ ਇੱਕ ਭੈਣ ਤੇ ਦੋ ਭਰਾ ਛੱਡ ਗਿਆ ਹੈ।
