ਬੀਤੀ ਰਾਤ ਖੰਨਾ ਪੁਲਿਸ ਪੁਲਿਸ ਪਾਰਟੀ ਨੇ ਪ੍ਰਿਸਟਨ ਮਾਲ ਦੇ ਸਾਹਮਣੇ ਨਾਕਾਬੰਦੀ ਦੌਰਾਨ ਕਾਰ ਸਵਾਰ ਦੋ ਵਿਅਕਤੀਆਂ ਕੋਲੋਂ ਸਾਢੇ ਸੱਤ ਕਿਲੋ ਦੇ ਸੋਨੇ ਦੇ ਗਹਿਣੇ..........
ਖੰਨਾ : ਬੀਤੀ ਰਾਤ ਖੰਨਾ ਪੁਲਿਸ ਪੁਲਿਸ ਪਾਰਟੀ ਨੇ ਪ੍ਰਿਸਟਨ ਮਾਲ ਦੇ ਸਾਹਮਣੇ ਨਾਕਾਬੰਦੀ ਦੌਰਾਨ ਕਾਰ ਸਵਾਰ ਦੋ ਵਿਅਕਤੀਆਂ ਕੋਲੋਂ ਸਾਢੇ ਸੱਤ ਕਿਲੋ ਦੇ ਸੋਨੇ ਦੇ ਗਹਿਣੇ ਬ੍ਰਾਮਦ ਹੋਏ। ਜਾਣਕਾਰੀ ਦਿੰਦਿਆ ਧਰੁਵ ਦਹਿਆ, ਸੀਨੀਅਰ ਪੁਲਿਸ ਕਪਤਾਨ ਖੰਨਾ ਨੇ ਦਸਿਆ ਕਿ ਦਿਲੀ ਵਲੋਂ ਆ ਰਹੀ ਇਕ ਕਾਰ ਹੌਂਡਾ ਈਮੇਜ਼ ਨੰਬਰ ਪੀ.ਬੀ-10-ਡੀ.ਆਰ-0101 ਨੂੰ ਪੁਲਿਸ ਪਾਰਟੀ ਨੇ ਰੋਕ ਕੇ ਚੈਕ ਕੀਤਾ ਤਾਂ ਕਾਰ ਚਾਲਕ ਨੇ ਅਪਣਾ ਨਾਮ ਧਰਮਪਾਲ ਤੇ ਦੂਜੇ ਵਿਅਕਤੀ ਅਨਿਲ ਕੁਮਾਰ ਦੋਵੇਂ ਵਾਸੀ ਹਿਮਾਚਲ ਪ੍ਰਦੇਸ਼ ਵਜੋਂ ਹੋਈ।
ਤਲਾਸ਼ੀ ਲੈਣ 'ਤੇ ਕਾਰ ਦੀਆਂ ਅਗਲੀਆਂ ਦੋਵੇ ਸੀਟਾਂ ਦੇ ਹੇਠਾਂ ਤੋਂ ਪੈਕਟਾਂ ਵਿਚ ਬੰਦ ਕੀਤੇ ਹੋਏ ਸੋਨੇ ਦੇ ਗਹਿਣੇ ਬ੍ਰਾਮਦ ਹੋਏ ਜਿੰਨ੍ਹਾਂ ਦਾ ਵਜਨ 7 ਕਿਲੋ 500 ਗ੍ਰਾਮ 7 ਮਿਲੀਗ੍ਰਾਮ (ਸਮੇਤ ਲਿਫਾਫੇ) ਹੋਇਆ। ਇਸ ਸਬੰਧੀ ਉਕਤਾਨ ਵਿਅਕਤੀ ਕੋਈ ਬਿੱਲ ਜਾਂ ਲਾਇਸੰਸ ਪੇਸ਼ ਨਹੀ ਕਰ ਸਕੇ। ਜਿਸ ਸਬੰਧੀ ਰਪਟ ਦਰਜ ਕਰਦੇ ਹੋਏ ਮਹਿਕਮਾ ਇਨਕਮ ਟੈਕਸ ਵਿਭਾਗ, ਇਨਫੋਰਸਮੈਂਟ ਵਿਭਾਗ ਨੂੰ ਅਗਲੀ ਲੌੜੀਦੀ ਕਾਰਵਾਈ ਲਈ ਸੂਚਿਤ ਕੀਤਾ ਗਿਆ ਹੈ।