'ਸਿੰਘਾਂ ਨੇ ਹਰ ਮੋਰਚਾ ਜਿੱਤਿਆ ਹੈ, PM Modi ਨੂੰ ਵੀ ਮਾਫ਼ੀ ਮੰਗ ਕੇ ਖਹਿੜਾ ਛੁਡਾਉਣਾ ਪਿਆ'
ਨਵੀਂ ਦਿੱਲੀ: ਦਿੱਲੀ ਦੀਆਂ ਸਰਹੱਦਾਂ ‘ਤੇ ਡਟੇ ਕਿਸਾਨਾਂ ਦੇ ਅੰਦੋਲਨ ਨੂੰ ਅੱਜ 1 ਸਾਲ ਪੂਰਾ ਹੋ ਗਿਆ ਹੈ। ਕਿਸਾਨੀ ਅੰਦੋਲਨ ਨੂੰ ਸਾਲ ਪੂਰਾ ਹੋਣ 'ਤੇ ਅੱਜ ਦਿੱਲੀ ਦੀਆਂ ਸਰਹੱਦਾਂ 'ਤੇ ਵੱਖ-ਵੱਖ ਥਾਵਾਂ ਤੋਂ ਵੱਡੀ ਗਿਣਤੀ ਵਿਚ ਕਿਸਾਨ ਦਿੱਲੀ ਧਰਨੇ 'ਤੇ ਪਹੁੰਚੇ। ਸਪੋਕਸਮੈਨ ਦੀ ਟੀਮ ਨੇ ਵੀ ਦਿੱਲੀ ਬਾਰਡਰਾਂ 'ਤੇ ਪਹੁੰਚ ਕੇ ਗਰਾਊਂਡ ਰਿਪੋਰਟਿੰਗ ਕੀਤੀ।
ਤੇਜਵੀਰ ਸਿੰਘ 'ਤੇ ਉਹਨਾਂ ਦੀ ਟੀਮ ਨਾਲ ਵਿਸ਼ੇਸ਼ ਤੌਰ 'ਤੇ ਗੱਲਬਾਤ ਕੀਤੀ। ਦੱਸ ਦੇਈਏ ਕਿ ਤੇਜਵੀਰ ਸਿੰਘ ਉਹੀ ਹਨ ਜਿਹਨਾਂ ਨੇ ਕਿਸਾਨੀ ਅੰਦੋਲਨ 'ਤੇ ਟੀਕਰੀ ਪੈਰਾ ਦਿੱਤਾ। ਰਾਤਾਂ ਨੂੰ ਜਾਗ- ਜਾਗ ਪੇਰੇਦਾਰੀ ਕੀਤੀ ਕਿ ਕੋਈ ਗਲਤ ਕੰਮ ਨਾਲ ਹੋ ਜਾਵੇ।
ਗੱਲਬਾਤ ਕਰਦਿਆਂ ਤੇਜਵੀਰ ਸਿੰਘ ਨੇ ਕਿਹਾ ਕਿ ਅੱਜ ਲੋਕਾਂ ਵਿਚ ਉਹੀ ਜੋਸ਼ ਹੈ, ਏਕਾ ਹੈ, ਪਿਆਰ ਹੈ ਤੇ ਲੋਕਾਂ ਦੇ ਭਾਈਚਾਰੇ ਨੇ ਕਿਸਾਨਾਂ ਨੂੰ ਜਿੱਤ ਦਵਾਈ ਹੈ। ਉਹਨਾਂ ਕਿਹਾ ਕਿ ਅਸੀਂ ਮੈਦਾਨ ਜਿੱਤ ਲਿਆ ਹੈ ਤੇ ਕਿਲ੍ਹਾ ਹਜੇ ਬਾਕੀ ਹੈ ਤੇ ਕਿਲ੍ਹਾ ਵੀ ਜਿੱਤ ਲਵਾਂਗੇ।
ਤੇਜਵੀਰ ਸਿੰਘ ਨੇ ਕਿਹਾ ਕਿ ਹੁਣ ਬੱਚੇ ਬੱਚੇ ਨੂੰ ਅੰਦੋਲਨ ਬਾਰੇ ਪਤਾ ਹੈ ਤੇ ਇਹ ਵੀ ਪਤਾ ਹੈ ਕਿ ਮੈਂ ਅੰਦੋਲਨ ਵਿਚ ਜਾ ਕੇ ਕਿਹੜੀ ਡਿਊਟੀ ਨਿਭਾਉਣੀ ਹੈ। ਉਹਨਾਂ ਕਿਹਾ ਕਿ ਕਿਸਾਨਾਂ ਦਾ ਅੰਦੋਲਨ ਨਹੀਂ ਇਨਸਾਨਾਂ ਦਾ ਅੰਦੋਲਨ ਹੈ। ਜਦੋਂ ਤੱਕ ਹੈਗੇ ਹਾਂ ਉਦੋਂ ਤੱਕ ਕਿਸਾਨਾਂ ਨਾਲ ਖੜ੍ਹੇ ਹਾਂ।
ਕਿਸਾਨਾਂ ਤੇ ਸਰਕਾਰ ਨੇ ਬਹੁਤ ਜ਼ੁਲਮ ਕੀਤੇ ਚਾਹੇ ਉਹ ਲਖੀਮਪੁਰ ਦੀ ਘਟਨਾ ਹੋਵੇ ਚਾਹੇ ਕਰਨਾਲ ਟੋਲ ਪਲਾਜ਼ਾ 'ਤੇ ਕਿਸਾਨਾਂ ਤੇ ਲਾਠੀਚਾਰਜ ਦੀ ਗੱਲ ਹੋਵੇ। 700 ਦੇ ਕਰੀਬ ਦਿੱਲੀ ਧਰਨੇ ਤੇ ਸੰਘਰਸ਼ ਕਰਦੇ ਸ਼ਹੀਦ ਹੋ ਗਏ ਪਰ ਸਾਡੇ ਨੌਜਵਾਨ ਸ਼ਾਂਤਮਈ ਢੰਗ ਨਾਲ ਆਪਣਾ ਪ੍ਰਦਰਸ਼ਨ ਕਰਦੇ ਰਹੇ।
ਗੁਰੂ ਨਾਨਕ ਦੇਵ ਜੀ ਨੇ ਇਸ ਅੰਦੋਲਨ ਨੂੰ ਆਪਣੀ ਸੇਧ ਦਿੱਤੀ। ਅੰਦੋਲਨ ਵਿਚ ਲੰਗਰ ਪ੍ਰਥਾ ਚੱਲ ਰਹੀ ਹੈ। ਹਰ ਘਰ ਵਿਚ ਅਰਦਾਸ ਹੁੰਦੀ ਸੀ ਕਿ ਕਿਸਾਨਾਂ ਦੀ ਜਿੱਤ ਹੋ ਜਾਵੇ। ਅੱਜ ਬਾਬੇ ਨਾਨਕ ਨੇ ਅੰਦੋਲਨ ਨੂੰ ਜਤਾਇਆ ਹੈ।
ਮੋਦੀ ਭਗਤਾਂ ਨੇ ਅੱਤਵਾਦੀ ਕਿਹਾ, ਬੇਪਰਵਾਦੀ ਕਿਹਾ ਪਰ ਕਿਸਾਨ ਇਕਜੁਟ ਰਹੇ। ਉਹਨਾਂ ਨੇ ਆਪਣਾ ਹੌਸਲਾ ਡੋਲਣ ਨਹੀਂ ਦਿੱਤਾ ਤੇ ਜਿੱਤ ਪ੍ਰਾਪਤ ਕੀਤੀ। ਅੱਜ ਇਸ ਗੱਲ ਦੀ ਖੁਸ਼ੀ ਹੈ। ਗੱਲਬਾਤ ਕਰਦਿਆਂ ਕਿਸਾਨ ਨੇ ਕਿਹਾ ਪਹਿਲਾ ਦਿੱਲੀ ਦੱਬੀ ਸੀ ਤੇ ਹੁਣ ਦਿੱਲੀ ਜਿੱਤੀ ਹੈ। ਕਿਸਾਨਾਂ ਨੇ ਰੋਜ਼ਾਨਾ ਸਪੋਕਸਮੈਨ ਦਾ ਵੀ ਦਿਲੋਂ ਧੰਨਵਾਦ ਕੀਤਾ ਤੇ ਕਿਹਾ ਕਿ ਰੋਜ਼ਾਨਾ ਸਪੋਕਸਮੈਨ ਨੇ ਨਿਰਪੱਖ ਪੱਤਰਕਾਰੀ ਕੀਤੀ। ਕਿਸਾਨਾਂ ਦੀਆਂ ਸੱਚੀਆਂ ਖਬਰਾਂ ਵਿਖਾਈਆਂ ਜੋ ਕਿ ਗੋਦੀ ਮੀਡੀਆ ਦੇ ਮੂੰਹ ਤੇ ਕਰਾਰੀ ਚਪੇੜ ਹੈ।