ਅੰਮਿ੍ਰਤਸਰ ਤੋਂ ਪਾਣੀਪਤ 350 ਕਿਲੋਮੀਟਰ ਹੈ, ਲਾਹੌਰ ਤੋਂ ਸਿਰਫ਼ 50 ਕਿਲੋਮੀਟਰ
ਅੰਮਿ੍ਰਤਸਰ (ਸੁਖਵਿੰਦਜੀਤ ਸਿੰਘ ਬਹੋੜੂ): ਮੈਂਬਰ ਪਾਰਲੀਮੈਂਟ ਗੁਰਜੀਤ ਸਿੰਘ ਔਜਲਾ ਨੇ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਅਤੇ ਇਦਹੀ ਫਾਊਂਡੇਸਨ ਵੱਲੋਂ ਭਾਰਤ ਨੂੰ ਆਕਸੀਜਨ ਦਿੱਤੇ ਜਾਣ ਦੀ ਪੇਸਕਸ ‘ਤੇ ਟਿੱਪਣੀ ਕਰਦਿਆਂ ਦੇਸ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇੱਕ ਪੱਤਰ ਲਿਖ ਕੇ ਮਹਾਂਮਾਰੀ ਨਾਲ ਨਜਿੱਠਣ ਲਈ ਪਾਕਿਸਤਾਨ ਦੀ ਤਜਵੀਜ ਨੂੰ ਮਨਜੂਰ ਕਰਨ ਦੀ ਅਪੀਲ ਕੀਤੀ ਹੈ।
oxygen cylinder
ਜੇਕਰ ਦੋਵੇਂ ਦੇਸ ਗੁਰਧਾਮਾਂ ਨੂੰ ਲੈ ਕੇ ਆਪਣੀਆਂ ਸਰਹੱਦਾਂ ਖੋਲ੍ਹ ਸਕਦੇ ਹਨ ਤਾਂ ਲੋਕਾਂ ਦੀਆਂ ਬੇਸਕੀਮਤੀ ਜਾਨਾਂ ਬਚਾਉਣ ਲਈ ਪਾਕਿਸਤਾਨ ਤੋਂ ਆਕਸੀਜਨ ਲੈਣ ਵਿਚ ਕੋਈ ਦਿੱਕਤ ਨਹੀਂ ਹੋਣੀ ਚਾਹੀਦੀ। ਔਜਲਾ ਨੇ ਕਿਹਾ ਕਿ ਦੇਸ ਦੀ ਸਰਕਾਰ ਕੋਰੋਨਾ ਵਰਗੀ ਮਹਾਂਮਾਰੀ ਨਾਲ ਨਜਿੱਠਣ ਲਈ ਸਿਰ ਤੋੜ ਯਤਨ ਕਰ ਰਹੀ ਹੈ ਅਤੇ ਦੇਸ ਵਿੱਚ ਆਕਸੀਜਨ ਦੇ ਭੰਡਾਰ ਵੀ ਕਾਫੀ ਹਨ ਪਰ ਟਰਾਂਸਪੋਰਟੇਸਨ ਦੀ ਸੁਵਿਧਾ ਵਿਚ ਕਮੀਆਂ ਕਾਰਨ ਦੂਰ ਦੁਰਾਡੇ ਆਕਸੀਜਨ ਪਹੁੰਚਾਓਣਾ ਮੁਸਕਲ ਹੋ ਰਿਹਾ ਹੈ।
Requested @PMOIndia Sh @narendramodi to accept all the medical help offered by other countries & also create an 'oxygen corridor' at Attari Wagha border port to facilitate entire border region of Punjab. Expecting from @drharshvardhan & @DrSJaishankar to take up this matter. pic.twitter.com/oJke0CJ0RQ
— Gurjeet Singh Aujla (@GurjeetSAujla) April 26, 2021
ਪੰਜਾਬ ਦਾ ਸਭ ਤੋਂ ਨੇੜਲਾ ਆਕਸੀਜਨ ਪਲਾਂਟ ਪਾਣੀਪਤ ਜੋ ਕਿ ਅੰਮਿ੍ਰਤਸਰ ਤੋਂ 350 ਕਿਲੋਮੀਟਰ ਪੈਂਦਾ ਹੈ ਜਦ ਕਿ ਲਾਹੌਰ ਤੋਂ ਸਿਰਫ 50 ਕਿਲੋਮੀਟਰ ਦੂਰੀ ‘ਤੇ ਆਕਸੀਜਨ ਮਿਲ ਸਕਦੀ ਹੈ। ਭਾਵੇਂ ਪੰਜਾਬ ਸਰਕਾਰ ਆਪਣੇ ਪੱਧਰ ‘ਤੇ ਆਕਸੀਜਨ ਦੇ ਪ੍ਰਬੰਧ ਕਰ ਰਹੀ ਹੈ ਪਰ ਕਿਉਂਕਿ ਅਜਿਹੇ ਐਮਰਜੰਸੀ ਹਲਾਤਾਂ ਵਿੱਚ ਦੋਵਾਂ ਦੇਸਾਂ ਦੀਆਂ ਸਰਕਾਰਾਂ ਨੇ ਇਹ ਫੈਸਲਾ ਲੈਣਾ ਹੈ ਇਸ ਲਈ ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਨੂੰ ਪੱਤਰ ਲਿਖਕੇ ਇਸ ਸਬੰਧ ਵਿੱਚ ਤੁਰੰਤ ਧਿਆਨ ਦੇਣ ਦੀ ਲੋੜ ‘ਤੇ ਜੋਰ ਦਿੱਤਾ ਹੈ।
Union Health Minister Dr. Harshvardhan
ਪੱਤਰ ਦੀ ਕਾਪੀ ਕੇਂਦਰੀ ਸਿਹਤ ਮੰਤਰੀ ਹਰਸਵਰਧਨ ਅਤੇ ਕੇਂਦਰੀ ਵਿਦੇਸ ਮੰਤਰੀ ਐਸ ਜੈਸੰਕਰ ਨੂੰ ਭੇਜਿਆ ਔਜਲਾ ਨੇ ਦੋਹਾਂ ਮੰਤਰੀਆਂ ਨੂੰ ਆਪਣੇ ਆਪਣੇ ਪੱਧਰ ‘ਤੇ ਇਹ ਮਸਲ੍ਹਾ ਹੱਲ ਕਰਨ ਲਈ ਪ੍ਰਧਾਨ ਮੰਤਰੀ ਨੂੰ ਅਪੀਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਐਮਰਜੈਂਸੀ ਦੀ ਹਾਲਾਤ ਵਿਚ ਇਕ ਦਮ ਆਕਸੀਜਨ ਭੇਜਣ ਲਈ ਟੈਂਕਰ ਅਤੇ ਟਰੇਨਾ ਮੁਹਈਆ ਕਰਵਾਉਣਾ ਆਸਾਨ ਕੰਮ ਨਹੀਂ ਹੈ । ਇਸ ਲਈ ਪਾਕਿਸਤਾਨ ਤੋਂ ਆਈ ਤਜਵੀਜ ਨੂੰ ਖਿੜੇ ਮੱਥੇ ਪ੍ਰਵਾਨ ਕਰਦਿਆਂ ਗੁਆਂਢੀ ਮੁਲਕ ਤੋਂ ਲਾਹਾ ਲੈਣਾ ਚਾਹੀਦਾ ਹੈ। ਅਜਿਹੇ ਕਦਮ ਨਾਲ ਦੋਵਾਂ ਦੇਸਾਂ ਵਿਚ ਮਿੱਤਰਤਾਪੂਰਨ ਸਬੰਧ ਕਾਇਮ ਹੋਣਗੇ।
