ਮੁੱਖ ਮੰਤਰੀ ਵਲੋਂ ਪਾਣੀ ਬਚਾਉਣ ਲਈ ਜ਼ਿਲ੍ਹਾ ਕੁਰੂਕਸ਼ੇਤਰ ਦੇ ਕਿਸਾਨਾਂ ਨਾਲ ਗੱਲਬਾਤ
ਸ਼ਾਹਬਾਦ ਮਾਰਕੰਡਾ, 26 ਮਈ (ਅਵਤਾਰ ਸਿੰਘ) : ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਕਿਹਾ ਕਿ ਪਾਣੀ ਦੀ ਇਕ-ਇਕ ਬੂੰਦ ਕੀਮਤੀ ਹੈ। ਇਸ ਕੀਮਤੀ ਪਾਣੀ ਨੂੰ ਬਚਾਉਣ ਲਈ ਸਰਕਾਰ ਨੀਤੀਆਂ ਬਣਾ ਰਹੀ ਹੈ। ਇਨ੍ਹਾਂ ਨੀਤੀਆਂ ਨੂੰ ਬਿਹਤਰ ਬਣਾਉਣ ਅਤੇ ਧਰਾਤਲ ਉੱਤੇ ਅਮਲੀਜਾਮਾ ਪੁਆਉਣ ਦੇ ਨਾਲ-ਨਾਲ ਪਾਣੀ ਬਚਾਉਣ ਲਈਂ ਚੰਗੇ ਨਤੀਜੇ ਲਿਆਉਣ ਲਈ ਕਿਸਾਨਾਂ ਤੋਂ ਸੁਝਾਅ ਅਤੇ ਫੀਡਬੈਕ ਲਿਆ ਜਾ ਰਿਹਾ ਹੈ।
ਹਰਿਆਣਾ ਪ੍ਰਦੇਸ਼ ਵਿਚ ਕਈ ਬਲਾਕਾ ਵਿੱਚ ਭੂਜਲ ਪੱਧਰ 40 ਮੀਟਰ ਹੇਠਾਂ ਤੱਕ ਪਹੁਂਚ ਗਿਆ ਹੈ, ਜੋ ਇਕ ਚਿੰਤਾ ਦਾ ਵਿਸ਼ਾ ਹੈ। ਇਸ ਵਿਸ਼ਾ ਉੱਤੇ ਸਾਰੀਆਂ ਨੂੰ ਮਿਲ ਕੇ ਕੰਮ ਕਰਣਾ ਹੋਵੇਗਾ।
ਮੁੱਖ ਮੰਤਰੀ ਮਨੋਹਰ ਲਾਲ ਮੰਗਲਵਾਰ ਨੂੰ ਪਿਪਲੀ ਪੈਰਾਕੀਟ ਦੇ ਸਭਾਗਾਰ ਵਿੱਚ ਭੂਜਲ ਪੱਧਰ ਵਿਚ ਸੁਧਾਰ ਲਿਆਉਣ ਅਤੇ ਪਾਣੀ ਨੂੰ ਬਚਾਉਣ ਵਰਗੇ ਗੰਭੀਰ ਮਜ਼ਮੂਨਾਂ ਨੂੰ ਲੈ ਕੇ ਜਿੱਲਾ ਕੁਰੁਕਸ਼ੇਤਰ ਦੇ ਕਿਸਾਨਾਂ ਤੋਂ ਫੀਡਬੈਕ ਲੈ ਰਹੇ ਸਨ ।
ਮੁੱਖਮੰਤਰੀ ਨੇ ਕਿਸਾਨ ਕਰਣਰਾਜ ਸਿੰਘ ਤੂਰ, ਰਵਿ ਕੁਮਾਰ ਮਥਾਨਾ, ਅਸ਼ਵਿਨੀ ਕੁਮਾਰ ਬਾਬੈਨ, ਸੁਰੇਸ਼ ਚੰਦ, ਪ੍ਰੀਤਮ ਸਿੰਘ, ਵਿਕਰਮ ਅਟਵਾਣ, ਡਿੰਪਲ ਸੈਨੀ ਬਾਬੈਨ, ਰਾਜਪਾਲ, ਰੋਸ਼ਨ ਲਾਲ, ਬਾਰਸ਼ ਰਾਮ, ਗੋਪਾਲ ਰਾਣਾ, ਸਤਬੀਰ ਸਿੰਘ, ਤੇਵਰ ਖਾਨ, ਸਰਵਜੀਤ ਸਿੰਘ ਸਹਿਤ ਹੋਰ ਕਿਸਾਨਾਂ ਨਾਲ ਕੁਰੁਕਸ਼ੇਤਰ ਵਿੱਚ ਝੋਨਾ ਦੀ ਫਸਲ ਦੀ ਬਜਾਏ ਮੱਕਾ ਦੀ ਫਸਲ ਲਗਾਉਣ ਅਤੇ ਪਾਣੀ ਨੂੰ ਬਚਾਉਣ ਵਰਗੇ ਵਿਸ਼ਾ ਨੂੰ ਲੈ ਕੇ ਇਕ-ਇਕ ਕਰਕੇ ਗੱਲਬਾਤ ਕੀਤੀ ਅਤੇ ਸਾਰੇਆਂ ਤੋਂਂ ਪਾਣੀ ਨੂੰ ਬਚਾਉਣ ਦੇ ਬਾਰੇ ਵਿਚ ਸੁਝਾਅ ਵੀ ਲਏ।
ਮੁੱਖ ਮੰਤਰੀ ਨੇ ਕਿਹਾ ਕਿ ਸਰਕਾਰ ਨੇ ਪਿਛਲੇ ਸਾਲ ਪਾਣੀ ਨੂੰ ਬਚਾਉਣ ਲਈ ਪਾਣੀ ਹੀ ਜੀਵਨ ਯੋਜਨਾ ਨੂੰ ਸ਼ੁਰੂ ਕੀਤਾ ਸੀ, ਲੇਕਿਨ ਇਸ ਸਾਲ ਯੋਜਨਾ ਵਿੱਚ ਸੁਧਾਰ ਕਰਦੇ ਹੋਏ ਮੇਰਾ ਪਾਣੀ ਮੇਰੀ ਵਿਰਾਸਤ ਸਕੀਮ ਨੂੰ ਲਾਗੂ ਕੀਤਾ ਹੈ।
ਇਸ ਯੋਜਨਾ ਉੱਤੇ ਕਾਫ਼ੀ ਸਲਾਹ ਮਸ਼ਵਰੇ ਕੀਤੇ ਗਏ ਹਨ। ਅਪ੍ਰੈਲ ਦੇ ਆਖਰੀ ਹਫ਼ਤੇ ਵਿੱਚ ਇਸ ਯੋਜਨਾ ਨੂੰ ਬਣਾਇਆ ਗਿਆ ਅਤੇ ਮਈ ਮਹੀਨਾ ਵਿਚ ਇਸਦੀ ਘੋਸ਼ਣਾ ਕਰ ਦਿੱਤੀ ਗਈ ਹੈ।