ਮਰਾਠਾ ਵੀਰੇਂਦਰ ਸੈਂਕੜੇ ਸਮਰਥਕਾਂ ਸਮੇਤ ਆਮ ਆਦਮੀ ਪਾਰਟੀ 'ਚ ਸ਼ਾਮਲ
ਕਰਨਾਲ, 26 ਮਈ (ਪਲਵਿੰਦਰ ਸਿੰਘ ਸੱਗੂ): ਕਰਨਾਲ ਤੋਂ ਸੀਨੀਅਰ ਆਗੂ ਵੀਰੇਂਦਰ ਸਾਰੀ ਰਾਜਨੀਤਕ ਪਾਰਟੀਆਂ ਦਾ ਸੁਆਦ ਚੱਖਣ ਤੋਂ ਬਾਅਦ ਅੱਜ ਇੱਕ ਵਾਰ ਫਿਰ ਪਾਰਟੀ ਬਦਲ ਕੇ ਆਪਣੇ ਸੈਂਕੜੇ ਸਮਰਥਕਾਂ ਸਮੇਤ ਆਮ ਆਦਮੀ ਪਾਰਟੀ ਵਿੱਚ ਸ਼ਾਮਲ ਹੋ ਗਏ ਹਨ |ਆਪ' ਦੇ ਹਰਿਆਣਾ ਇੰਚਾਰਜ ਤੇ ਸੰਸਦ ਮੈਂਬਰ ਸੁਸ਼ੀਲ ਗੁਪਤਾ ਅਤੇ ਉੱਤਰੀ ਹਰਿਆਣਾ ਜ਼ੋਨ ਦੇ ਪ੍ਰਧਾਨ ਪ੍ਰੋ. ਬੀਕੇ ਕੌਸ਼ਿਕ ਨੇ ਮਰਾਠਾ ਵੀਰੇਂਦਰ ਅਤੇ ਉਨ੍ਹਾਂ ਦੇ ਸਾਥੀਆਂ ਨੂੰ ਪਾਰਟੀ ਵਿੱਚ ਸ਼ਾਮਲ ਹੋਣ ਲਈ ਵਧਾਈ ਦਿੱਤੀ | ਉਨ੍ਹਾਂ ਨੇ ਪਾਰਟੀ ਟੋਪੀ ਅਤੇ ਗਲੇ ਦਾ ਪਟਕਾ ਪਹਨਾ ਕੇ ਪਾਰਟੀ ਵਿਚ ਸ਼ਾਮਲ ਕੀਤਾ
ਇਸ ਮੌਕੇ ਸੁਸ਼ੀਲ ਗੁਪਤਾ ਨੇ ਕਿਹਾ ਕਿ ਹਰਿਆਣਾ ਵਿੱਚ ਆਮ ਆਦਮੀ ਪਾਰਟੀ ਦਾ ਪਰਿਵਾਰ ਲਗਾਤਾਰ ਵੱਧ ਰਿਹਾ ਹੈ | ਦਿੱਲੀ ਅਤੇ ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਨੇ ਸੁਸ਼ਾਸਨ ਦੇਣ ਦਾ ਕੰਮ ਕੀਤਾ ਹੈ | ਇਸੇ ਦਾ ਨਤੀਜਾ ਹੈ ਕਿ ਹਰਿਆਣਾ ਅਤੇ ਆਮ ਆਦਮੀ ਪਾਰਟੀ ਦੇ ਆਗੂ ਪਾਰਟੀ ਵਿੱਚ ਸ਼ਾਮਲ ਹੋ ਰਹੇ ਹਨ | ਇਸ ਮੌਕੇ ਪ੍ਰੋ. ਬੀ.ਕੇ ਕੌਸ਼ਿਕ, ਜੈਪਾਲ ਸ਼ਰਮਾ, ਪ੍ਰਦੀਪ ਚੌਧਰੀ, ਬਲਬੀਰ ਨਰਵਾਲ, ਜਿਲੇ ਸਿੰਘ, ਵੇਦਪਾਲ ਰਾਣਾ, ਕਰਨਾਲ ਵਿਧਾਨ ਸਭਾ ਦੇ ਸਪੀਕਰ ਸੰਜੀਵ ਮਹਿਤਾ, ਹਰਜੀਤ ਸੰਧੂ, ਅਨਿਲ ਵਰਮਾ, ਅਜੀਤ ਸਿੰਘ,ਗੌਰਵ ਗੋਇਲ, ਲਾਭ ਸਿੰਘ ਆਰੀਆ ਅਤੇ ਰਿਸ਼ਭ ਆਦਿ ਹਾਜ਼ਰ ਸਨ |
news karnal 26-05-(2)-new
