ਸੁਖਵਿੰਦਰ ਪੀਪੀ ਨੇ ਅੱਗੇ ਕਿਹਾ ਕਿ, “ਉਸ ਕੋਲ ਇਕ ਵੀਡੀਓ...
ਚੰਡੀਗੜ੍ਹ: “ਸੱਚ ਬੋਲਾਂ ਤਾਂ ਭਾਬੜ ਮੱਚਦੇ ਹਨ” ਇਹ ਬੋਲਾਂ ਤੋਂ ਲਾਈਵ ਦੀ ਸ਼ੁਰੂਆਤ ਕਰਦੇ ਹੋਏ ਸਾਬਕਾ ਪੁਲਿਸ ਮੁਲਾਜ਼ਮ ਸੁਖਵਿੰਦਰ ਪੀਪੀ ਨੇ ਸਮਾਜ ਨੂੰ ਲਾਹਣਤਾਂ ਪਾਈਆਂ ਹਨ ਜਿਹਨਾਂ ਨੇ ਇਕ ਸ਼ਹੀਦ ਫ਼ੌਜੀ ਵੀਰ ਦੀ 80 ਸਾਲਾ ਮਾਂ ਦੀ ਮਨਰੇਗਾ ’ਚ ਦਿਹਾੜੀ ਕਰਦੀ ਦੀ ਵੀਡੀਓ ਦੇਖੀ ਤਾਂ ਸੁਖਵਿੰਦਰ ਪੀਪੀ ਭਾਵੁਕ ਹੋ ਗਏ ਜਿਹਨਾਂ ਨੇ ਹੁਣ ਸਮਾਜ ਨੂੰ ਲਾਹਣਤਾਂ ਪਾਉਂਦੇ ਹੋਏ ਐਨਆਰਆਈਜ਼ ਦੀ ਸਹਾਇਤਾ ਨਾਲ ਬਜ਼ੁਰਗ ਨੂੰ 5 ਹਜ਼ਾਰ ਰੁਪਏ ਪੈਨਸ਼ਨ ਲਗਵਾਉਣ ਦੀ ਗੱਲ ਆਖੀ ਹੈ।
ਸੁਖਵਿੰਦਰ ਪੀਪੀ ਨੇ ਅੱਗੇ ਕਿਹਾ ਕਿ, “ਉਸ ਕੋਲ ਇਕ ਵੀਡੀਓ ਆਈ ਜਿਸ ਵਿਚ ਇਕ ਬਜ਼ੁਰਗ ਔਰਤ ਜਿਸ ਦੀ ਉਮਰ 80 ਸਾਲ ਹੈ ਉਹ ਦਿਹਾੜੀ ਕਰ ਰਹੀ ਹੈ। ਉਹ ਇਕ ਫ਼ੌਜੀ ਦੀ ਮਾਂ ਹੈ। ਵੀਡੀਓ ਦੇਖ ਜਿਵੇਂ ਉਹਨਾਂ ਕੋਲ ਸ਼ਬਦ ਹੀ ਮੁੱਕ ਗਏ ਹੋਣ। ਉਹਨਾਂ ਦੇ ਮੂੰਹੋਂ ਇਕੋ ਹੀ ਸ਼ਬਦ ਨਿਕਲਿਆ, “ਲੱਖ ਦੀ ਲਾਹਣਤ।”
ਉਸ ਮਾਂ ਨੂੰ ਮੁਹੱਲੇ ਵਿਚ ਜਾਂ ਆਸ-ਪਾਸ ਕਿਸੇ ਨੇ ਵੀ ਨਹੀਂ ਦੇਖਿਆ ਕਿ ਉਹ ਇਕ ਫ਼ੌਜੀ ਦੀ ਮਾਂ ਹੋਣ ਦੇ ਬਾਵਜੂਦ ਦਿਹਾੜੀ ਕਰ ਰਹੀ ਹੈ। ਜਦੋਂ ਉਹਨਾਂ ਨੇ ਇਸ ਵੀਡੀਓ ਨੂੰ ਅਪਲੋਡ ਕੀਤਾ ਤਾਂ 15 ਤੋਂ 20 ਐਨਆਰਆਈਜ਼ ਨੇ ਉਹਨਾਂ ਨੂੰ ਮੈਸੇਜ ਕੀਤਾ ਕਿ ਇਸ ਮਾਤਾ ਦਾ ਅਕਾਉਂਟ ਨੰਬਰ ਦਿੱਤਾ ਜਾਵੇ ਤਾਂ ਉਹ ਉਹਨਾਂ ਦੀ ਵਿੱਤੀ ਸਹਾਇਤਾ ਕਰ ਸਕਣ।
ਜਦੋਂ ਫ਼ੌਜੀ ਸ਼ਹੀਦ ਹੁੰਦੇ ਹਨ ਤਾਂ ਬਹੁਤ ਸਾਰੇ ਲੀਡਰ ਤੇ ਹੋਰ ਕਈ ਰਿਸ਼ਤੇਦਾਰ ਇਕੱਠੇ ਹੁੰਦੇ ਹਨ ਪਰ ਬਾਅਦ ਵਿਚ ਇਹਨਾਂ ਪਰਿਵਾਰਾਂ ਦੀ ਕੋਈ ਸਾਰ ਨਹੀਂ ਲੈਂਦਾ। ਉਹ ਕਿਹੜੇ ਹਾਲਾਤਾਂ ਵਿਚੋਂ ਗੁਜ਼ਰ ਰਹੇ ਹਨ ਇਸ ਬਾਰੇ ਕਿਸੇ ਨੂੰ ਪਤਾ ਨਹੀਂ ਹੁੰਦਾ।
ਹੁਣ ਉਹਨਾਂ ਨੇ ਫ਼ੈਸਲਾ ਲਿਆ ਹੈ ਕਿ ਕਿਸੇ ਐਨਆਰਆਈਜ਼ ਵੱਲੋਂ ਮਾਤਾ ਦੀ 5 ਹਜ਼ਾਰ ਪੈਨਸ਼ਨ ਲਗਵਾਈ ਜਾਵੇਗੀ ਤਾਂ ਕਿ ਉਹਨਾਂ ਨੂੰ ਇਸ ਉਮਰ ਵਿਚ ਸਿਰ ਤੇ ਟੋਕਰੀਆਂ ਨਾ ਢੋਣੀਆਂ ਪੈਣ। ਉਹਨਾਂ ਨੇ ਵਾਅਦਾ ਕੀਤਾ ਹੈ ਕਿ ਉਹ ਹੁਣ ਤੋਂ ਮਾਤਾ ਨੂੰ ਦਿਹਾੜੀ ਨਹੀਂ ਜਾਣ ਦੇਣਗੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।