ਰਵੀ ਸਿੰਘ ਖ਼ਾਲਸਾ ਨੇ ਮੂਸੇਵਾਲਾ ਦਾ ਗੀਤ ਸਾਂਝਾ ਕਰਨ ਲਈ ਮੰਗੀ ਮਾਫ਼ੀ
ਲੰਡਨ, 26 ਜੁਲਾਈ : ਖ਼ਾਲਸਾ ਏਡ ਦੇ ਸੰਸਥਾਪਕ ਰਵੀ ਸਿੰਘ ਖ਼ਾਲਸਾ ਉਹ ਸ਼ਖ਼ਸੀਅਤ ਹਨ ਜਿਨ੍ਹਾਂ ਬਾਰੇ ਸਾਰੇ ਲੋਕਾਂ ਵਲੋਂ ਤਰੀਫ਼ ਕੀਤੀ ਜਾਂਦੀ ਹੈ। ਹੁਣ ਰਵੀ ਸਿੰਘ ਖ਼ਾਲਸਾ ਵਲੋਂ ਸਿੱਧੂ ਮੂਸੇਵਾਲਾ ਦਾ ਗਾਣਾ ਸਾਂਝਾ ਕਰਨ ਲਈ ਮਾਫ਼ੀ ਮੰਗੀ ਹੈ। ਉਨ੍ਹਾਂ ਵਲੋਂ ਇਹ ਮਾਫ਼ੀ ਸੋਸ਼ਲ ਮੀਡੀਆ ਸਾਈਟ ’ਤੇ ਇਕ ਪੋਸਟ ਜਾਰੀ ਕਰਦੇ ਹੋਏ ਮੰਗੀ ਗਈ ਹੈ ਜਿਸ ਵਿਚ ਉਨ੍ਹਾਂ ਲਿਖਿਆ ਹੈ ਕਿ ਤੁਹਾਡੇ ਦਿਲ ਨੂੰ ਸੱਟ ਲੱਗੀ ਹੈ ਇਸ ਲਈ ਮੈਂ ਦਿਲੋਂ ਮਾਫ਼ੀ ਮੰਗਦਾ ਹਾਂ। ਮੈਂ ਹਮੇਸ਼ਾ ਸੰਗਤ ਦੇ ਚਰਨਾਂ ਦੀ ਧੂੜ ਹਾਂ ਅਤੇ ਅਪਣੇ ਆਪ ਨੂੰ ਇਸ ਤੋਂ ਵੱਧ ਕਦੇ ਨਹੀਂ ਸਮਝਦਾ। ਮੈਂ ਅਪਣੀ ਗ਼ਲਤੀ ਨੂੰ ਸਵੀਕਾਰ ਕਰਦਾ ਹਾਂ ਤੇ ਉਮੀਦ ਕਰਦਾ ਹਾਂ ਤੁਸੀਂ ਵੀ ਇਸ ਲਈ ਖ਼ਿਮਾ ਕਰੋਗੇ। ਉਨ੍ਹਾਂ ਵਲੋਂ ਪਿਛਲੇ ਦਿਨੀਂ ਪੋਸਟ ਵਿਚ ਇਕ ਗੀਤ ਸਾਂਝਾ ਕੀਤਾ ਗਿਆ ਸੀ। ਉਸ ਵਿਚਲੇ ਕੁੱਝ ਬੋਲਾਂ ਕਰ ਕੇ ਸਾਂਝਾ ਕੀਤਾ ਸੀ। ਪਰ ਤੁਹਾਡੀਆਂ ਭਾਵਨਾਵਾਂ ਦਾ ਸਤਿਕਾਰ ਕਰਦੇ ਹੋਏ ਮੈਂ ਇਸ ਪੋਸਟ ਨੂੰ ਹਟਾ ਦਿਤਾ ਹੈ। ਉਨ੍ਹਾਂ ਸੱਭ ਦਾ ਧਨਵਾਦ ਕੀਤਾ ਅਤੇ ਜੋ ਤੁਸੀਂ ਮੇਰਾ ਧਿਆਨ ਸਿੱਧੂ ਮੂਸੇਵਾਲਾ ਵਲੋਂ ਪਿਛਲੇ ਸਮੇਂ ਵਿਚ ਗਏ ਵਿਵਾਦਤ ਗਾਣਿਆਂ ਵਲ ਦਿਵਾਇਆ ਹੈ ਜੋ ਮੇਰੀ ਯਾਦ ਵਿਚੋਂ ਵਿਸਰ ਗਏ ਸਨ। (ਏਜੰਸੀ)
