ਕਿਸਾਨਾਂ ਨੂੰ ਡੰਡੇ ਅਤੇ ਪਾਣੀ ਦੀਆਂ ਬੁਛਾੜਾਂ ਮਾਰਨਾ ਤਾਨਾਸ਼ਾਹੀ ਦਾ ਸਬੂਤ: ਕਾਂਗਰਸ
ਨਵੀਂ ਦਿੱਲੀ, 26 ਨਵੰਬਰ : ਕਾਂਗਰਸ ਨੇ ਵੀਰਵਾਰ ਨੂੰ ਕਿਸਾਨਾਂ ਦੇ 'ਦਿੱਲੀ ਚਲੋ ਮਾਰਚ' ਦੀ ਹਮਾਇਤ ਕਰਦਿਆਂ ਦੋਸ਼ ਲਾਇਆ ਕਿ ਕੇਂਦਰ ਦੀ ਭਾਜਪਾ ਸਰਕਾਰ ਕਿਸਾਨਾਂ ਦੀ ਆਵਾਜ਼ ਸੁਣਨ ਦੀ ਥਾਂ ਉਨ੍ਹਾਂ ਉੱਤੇ ਸਰਦੀਆਂ ਵਿਚ ਪਾਣੀ ਦੀਆਂ ਬੁਛਾੜਾਂ ਅਤੇ ਡੰਡੇ ਮਾਰ ਰਹੀ ਹੈ ਜੋ ਉਸ ਦੇ ਤਾਨਾਸ਼ਾਹੀ ਹੋਣ ਦਾ ਸਬੂਤ ਹੈ।
ਪਾਰਟੀ ਦੇ ਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਇਹ ਵੀ ਸਵਾਲ ਕੀਤਾ ਕਿ ਕਦੋਂ ਤੋਂ ਕਿਸਾਨ ਦਿੱਲੀ ਦਰਬਾਰ ਲਈ ਖ਼ਤਰਾ ਬਣ ਗਏ?
ਸੁਰਜੇਵਾਲਾ ਨੇ ਦੋਸ਼ ਲਾਇਆ ਕਿ ਭਾਰੀ ਠੰਢ ਵਿਚਕਾਰ ਅਪਣੀ ਜਾਇਜ਼ ਮੰਗਾਂ ਨੂੰ ਲੈ ਕੇ ਗਾਂਧੀਵਾਦੀ ਢੰਗ ਨਾਲ ਦਿੱਲੀ ਆਉਣ ਵਾਲੇ ਕਿਸਾਨਾਂ ਨੂੰ ਜ਼ਬਰਦਸਤੀ ਰੋਕਣਾ ਮੋਦੀ-ਖੱਟਰ ਸਰਕਾਰ ਦੀ ਤਾਨਾਸ਼ਾਹੀ ਦਾ ਜਿਊਦਾ ਸਬੂਤ ਹੈ। ਉਨ੍ਹਾਂ ਕਿਹਾ ਕਿ ਖੇਤੀ ਬਿੱਲਾਂ ਦੇ ਵਿਰੋਧ ਨੂੰ ਲੈ ਕੇ ਸਾਡਾ ਪੂਰਾ ਸਮਰਥਨ ਕਿਸਾਨਾਂ ਦੇ ਨਾਲ ਹੈ। ਮੁੱਖ ਕਾਂਗਰਸ ਦੇ ਬੁਲਾਰੇ ਨੇ ਟਵੀਟ ਕੀਤਾ, 'ਅੱਜ ਦੇਸ਼ ਦੇ ਮਜ਼ਦੂਰ ਹੜਤਾਲ 'ਤੇ ਹਨ, ਅੱਜ ਦੇਸ਼ ਦੇ ਬੈਂਕ ਕਰਮਚਾਰੀ ਹੜਤਾਲ 'ਤੇ ਹਨ, ਅੱਜ ਦੇਸ਼ ਦਾ ਅੰਨਾਦਾਤਾ ਕਿਸਾਨ ਹੜਤਾਲ 'ਤੇ ਹੈ, ਅੱਜ ਦੇਸ਼ ਦਾ ਬੇਰੁਜ਼ਗਾਰ ਨੌਜਵਾਨ ਹੜਤਾਲ 'ਤੇ ਹੈ, ਪਰ ... ਮੋਦੀ ਕੀ ਸਰਕਾਰ ਦੇਸ਼ ਵਾਸੀਆਂ ਦੀ ਪਰਵਾਹ ਕਰਦੀ ਹੈ? ਕੀ ਇਹ ਦੇਸ਼ ਦੀ ਸੇਵਾ ਹੈ ਜਾਂ ਰਾਸ਼ਟਰੀ ਹਿੱਤ ਦਾ ਵਿਰੋਧ? ਦੇਸ਼ ਫ਼ੈਸਲਾ ਕਰੇ!'' (ਪੀਟੀਆਈ)
