ਕਿਹਾ- 'ਮੈਂ ਸੀ ਅੰਮ੍ਰਿਤਪਾਲ ਦੀ ਦੂਜੀ ਤਰਜੀਹ'

ਕੀ ਗ੍ਰਿਫ਼ਤਾਰੀ ਬਾਰੇ ਜਾਣਦੇ ਸਨ ਅੰਮ੍ਰਿਤਪਾਲ ਅਤੇ ਕਿਰਨਦੀਪ ਕੌਰ?
ਕੀ ਸੀ ਅੰਮ੍ਰਿਤਪਾਲ ਦੀ ਪੰਥ ਪ੍ਰੇਮ ਦੀ ਰਣਨੀਤੀ?

ਮੋਹਾਲੀ : ਅੰਮ੍ਰਿਤਪਾਲ ਸਿੰਘ ਦੀ UK ਵਸਨੀਕ ਪਤਨੀ ਨੇ 'ਦ ਵੀਕ' ਮੈਗਜ਼ੀਨ ਦੀ ਪੱਤਰਕਾਰ ਨਮਰਤਾ ਅਹੂਜਾ ਨੂੰ ਇੰਟਰਵੀਊ ਦਿਤੀ ਹੈ ਜਿਸ ਵਿੱਚ ਉਸ ਨੇ ਅੰਮ੍ਰਿਤਪਾਲ ਸਿੰਘ ਨਾਲ ਨਾਲ ਹੋਈ ਉਸ ਦੀ ਪਹਿਲੀ ਮੁਲਾਕਾਤ, ਵਿਆਹ ਅਤੇ ਅੰਮ੍ਰਿਤਪਾਲ ਸਿੰਘ ਦੇ ਇਸ ਵੇਲੇ ਦੇ ਹਾਲਾਤ ਨੂੰ ਲੈ ਕੇ ਅਹਿਮ ਖ਼ੁਲਾਸੇ ਕੀਤੇ ਹਨ ਉਨ੍ਹਾਂ ਵਲੋਂ ਕੀਤੀ ਗਲਬਾਤ ਦਾ ਵੇਰਵਾ ਇਸ ਤਰ੍ਹਾਂ ਹੈ : - 

ਸਵਾਲ -ਤੁਸੀਂ ਕਹਿੰਦੇ ਉ ਕਿ ਅਮ੍ਰਿਤਪਾਲ ਬੇਕਸੂਰ ਹੈ।ਕਿ ਉਹ ਨਿਡਰ ਹੈ, ਜਾਂ ਭਾਰਤ ਦਾ ਕਾਨੂੰਨ ਸਮਝਣ ਵਿੱਚ ਅਸੱਮਰਥ ਹੈ? 
ਜਵਾਬ- ਅਮ੍ਰਿਤ ਨੇ ਮੈਨੂੰ ਦੱਸਿਆ ਕਿ ਕਦੇ ਵੀ ਕੁਝ ਵੀ ਹੋ ਸਕਦਾ ਹੈ। ਉਹ ਜਾਣਦਾ ਸੀ।ਜੇ ਸਰਕਾਰ ਉਸਦੇ ਖਿਲਾਫ਼ ਹੋਈ , ਤਾਂ ਗ੍ਰਿਫਤਾਰੀ ਹੋਵੇਗੀ। ਪਰ ਇਹ ਸਭ ਹੋਵੇਗਾ ਅਤੇ ਇਵੇਂ, ਇਹ ਕਦੇ ਨਹੀਂ ਮੈਨੂੰ ਦੱਸਿਆ।ਜੇ ਇਹ ਹੋਇਆ ਹੈ ਇਹ ਗੈਰ-ਕਾਨੂਨੀ ਹੈ, ਕਿਸੇ ਨੂੰ ਫੜਨ ਦਾ ਇਹ ਸਹੀ ਤਰੀਕਾ ਨਹੀਂ ਹੈ।ਬਿਲਕੁਲ, ਮੈਨੂੰ ਪਤਾ ਸੀ , ਜੋ ਉਹ ਕਰ ਰਿਹਾ ਸੀ, ਉਸ ‘ਚ ਗ੍ਰਿਫਤਾਰੀ ਦਾ ਖਤਰਾ ਸੀ।ਮੈਂ ਹਮੇਸ਼ਾ ਆਪਣੀ ਸਾਂਤੀ ਲਈ ਪੁੱਛਦੀ ਸੀ ਅਮ੍ਰਿਤ , ਜੋ ਤੂੰ ਕਰ ਰਿਹਾ ਇਸ ‘ਚ ਖਤਰਾ ਹੈ? ਉਹ ਕਹਿੰਦਾ ਸੀ ‘ਹਾਂ, ਹੈ ਮੈਂ ਸਿੱਖੀ ਦਾ ਪ੍ਰਚਾਰ ਕਰ ਰਿਹਾ ਹਾਂ ਅਤੇ ਸਰਕਾਰ ਨੂੰ ਇਹ ਪਸੰਦ ਨਹੀਂ ।

ਸਵਾਲ- ਕੀ ਤੁਸੀਂ ਉਸ ਨੂੰ ਮਿਲਣ ਤੋਂ ਪਹਿਲਾਂ ਉਸਦੀਆਂ ਪ੍ਰਚਾਰਿਕ ਕਾਰਵਾਈਆਂ ਬਾਰੇ ਜਾਣਦੇ ਸੀ?
ਜਵਾਬ- ਹਾਂ, ਮੈਂ ਉਸਨੂੰ ਉਸਦੇ ਇੱਕ ਪ੍ਰੋਜੈਕਟ ਨੂੰ ਲੈ ਕੇ ਹੀ ਮੈਸੇਜ ਕੀਤਾ ਸੀ।ਉਹ ਇੰਸਟਾਗ੍ਰਾਮ ‘ਤੇ ਲਾਈਵ ਹੋਇਆ ਸੀ ਕਿ ਸਿੱਖੀ ਅਤੇ ਮਾਂ ਬੋਲੀ ਕਿਵੇਂ ਬਚਾਇਆ ਜਾਵੇ। ਇਸ ਤਰਾਂ ਅਸੀ ਦੋਵੇ ਸੰਪਰਕ ‘ਚ ਆਏ ਸੀ।ਪਰ ਉਸ ਵੇਲੇ ਨਹੀਂ ਪਤਾ ਸੀ ਕਿ ਅਸੀਂ ਵਿਆਹ ਕਰਵਾ ਲਵਾਂਗੇ।

ਸਵਾਲ- ਤਾਂ ਤੁਸੀ ਉਸ ਨੂੰ ਸ਼ੋਸਲ ਮੀਡੀਆ ‘ਤੇ ਫਾਲੋ ਕਰਦੇ ਸੀ? 
ਜਵਾਬ-ਹਾਂ ਜੀ, ਮੈਂ ਉਸਨੂੰ ਇੱਕ ਸਾਲ ਤੋਂ ਇੰਸਟਾਗ੍ਰਾਮ ‘ਤੇ ਫਾਲੋ ਕੀਤਾ ਸੀ।ਮੈਂ ਦੇਖਿਆ ਕਿ ਉਹ ਬਹੁਤ ਪ੍ਰਸਿੱਧ ਸੀ, ਬਹੁਤ ਲੋਕ ਉਸਦੀਆਂ ਪੋਸਟਾਂ ਸਾਂਝੀਆਂ ਕਰਦੇ ਸੀ।ਮੈਂ ਉਸਨੂੰ ਪ੍ਰਸ਼ੰਸਾ ਭਰਿਆ ਮੈਸੇਜ ਲਿਖਿਆ ਤੇ ਕਿਹਾ ਕਿ ਜੋ ਉਹ ਕਰ ਰਿਹਾ ਹੈ ਬਹੁਤ ਵਧੀਆ ਹੈ।ਮੈਂ ਕਿਹਾ ਕਿ ਉਸਦੀ ਪਹੁੰਚ ਮਜਬੂਤ ਸੀ , ਮੈਂ ਉਸਦਾ ਸਮੱਰਥਨ ਕਰਾਂਗੀ। ਇਹ ਇੱਕ ਸਹਾਇਕ ਸੰਦੇਸ ਸੀ।
ਸਵਾਲ-ਕੀ ਕਿਸੇ ਹੋਰ ਇਨਸਾਨ ਨੇ ਤੁਹਾਡੇ ਨਾਲ ਉਸਦੀਆਂ ਪੋਸਟਾ ਸਾਝੀਆਂ ਕੀਤੀ ਸੀ? ਜਵਾਬ- ਨਹੀਂ , ਮੈਨੂੰ ਆਪਣੇ -ਆਪ ਪੇਜ ‘ਤੇ ਦਿਖੀਆ ਸੀ। ਸਾਡਾ ਆਪਸ ਵਿੱਚ ਕੋਈ ਸਾਂਝਾ ਸੰਪਰਕ ਨਹੀਂ ਸੀ, ਨਾ ਹੀ ਕੋਈ ਤੀਜੀ ਧਿਰ , ਸਿਵਾਏ ਸਾਡੇ ਪਰਿਵਾਰਾਂ ਤੋਂ ਸਾਡੇ ਵਿਆਹ ਵਿੱਚ ਕੋਈ ਨਹੀਂ ਸੀ।

ਸਵਾਲ-ਤੁਸੀਂ ਕੀ ਸੋਚਦੇ ਹੋ ਕਿ ਉਸਨੂੰ ਤੁਹਾਡੇ ਬਾਰੇ ਕੀ ਪਸੰਦ ਸੀ?
ਜਵਾਬ -ਮੈਨੂੰ ਲਗਦਾ ਹੈ ਕਿ ਉਹ ਇਸ ਤੱਥ ਨੂੰ ਪਸੰਦ ਕਰਦਾ ਸੀ ਕਿ ਭਾਵੇਂ ਮੇਰਾ ਜਨਮ ਅਤੇ ਪਾਲਣ-ਪੋਸ਼ਣ ਵਿਦੇਸ਼ ਵਿੱਚ ਹੋਇਆ ਸੀ, ਪਰ  ਜ਼ਿੰਦਗੀ ਪ੍ਰਤੀ ਮੇਰੀ ਪਹੁੰਚ ਵਬਹੁਤ ਡੂੰਘੀ ਰੂਹਾਨੀ ਸੀ।ਮੈਂ ਨਿਤਨੇਮ ਕਰਦੀ ਹਾਂ , ਬਜ਼ੁਰਗਾਂ ਦੀ ਦੇਖਭਾਲ ਕਰਦੀ  ਹਾਂ, ਸ਼ਰਾਬ ਨਹੀਂ ਪੀਂਦੀ  ਅਤੇ ਸ਼ਾਕਾਹਾਰੀ ਭੋਜਨ ਖਾਂਦੀ ਹਾਂ ਵਿਦੇਸ਼ ਵਿਚ ਰਹਿਣ ਵਾਲੀਆਂ ਕੁੜੀਆਂ ਤੋਂ ਮੈਂ ਵੱਖ ਸੀ ।ਮੈਨੂੰ ਨਹੀਂ ਲੱਗਦਾ ਉਸਨੇ ਮੇਰੇ ਨਾਲ ਵਿਆਹ ਕਿਸੇ ਜਥੇਬੰਦੀ ਚ ਦਾਖਿਲ ਹੋਣ ਲਈ ਕਰਾਇਆ ਸੀ ਸਗੋਂ ਮੈਂ ਤਾ ਉਸ ਜਿੰਨੀ ਧਾਰਮਿਕ ਵੀ ਨਹੀਂ ਸੀ 

ਸਵਾਲ - ਤੁਹਾਡਾ ਪਰਿਵਾਰ ਯੂਕੇ ਵਿੱਚ ਕਦੋਂ ਗਿਆ? ਕੀ ਉਹ ਧਾਰਮਿਕ ਹਨ?
ਜਵਾਬ - ਮੇਰੇ ਦਾਦਾ ਜੀ 1951 ਵਿੱਚ ਯੂਕੇ ਚਲੇ ਗਏ ਜਦੋਂ ਉਹ ਆਪਣੇ 20 ਸਾਲਾਂ ਵਿੱਚ ਸਨ। ਉਦੋਂ ਤੋਂ ਪਰਿਵਾਰ ਉਥੇ ਹੀ ਹੈ। ਪਰ ਅਸੀਂ ਹਰ ਦੋ-ਦੋ ਸਾਲ ਬਾਅਦ ਪੰਜਾਬ ਜਾਂਦੇ ਸਾਂ, ਪਰ ਜਿਉਂ-ਜਿਉਂ ਮੈਂ ਜ਼ਿੰਦਗੀ ਵਿਚ ਵਿਅਸਤ ਹੁੰਦੀ  ਗਈ , ਮੈਨੂੰ ਭਾਰਤ ਵਿਚ ਘੁੰਮਣ ਲਈ ਸਮਾਂ ਘੱਟ ਮਿਲਿਆ।  ਵਿਦੇਸ਼ਾਂ ਵਿੱਚ ਬਹੁਤ ਸਾਰੇ ਸਿੱਖ ਪਰਿਵਾਰਾਂ ਵਾਂਗ, ਮੈਂ 12 ਸਾਲ ਦੀ ਉਮਰ ਤੋਂ, ਜਾਂ ਸ਼ਾਇਦ ਇਸ ਤੋਂ ਵੀ ਛੋਟੀ ਉਮਰ ਤੋਂ ਗੁਰਦੁਆਰੇ ਵਿੱਚ ਪੰਜਾਬੀ ਦੀਆਂ ਕਲਾਸਾਂ ਲਈ ਜਾਂਦੀ  ਸੀ। ਇਸ ਲਈ ਮੈਂ ਭਾਸ਼ਾ ਨੂੰ ਪੜ੍ਹਨਾ ਅਤੇ ਲਿਖਣਾ ਸਿੱਖ ਲਿਆ।ਸਿੱਖ ਹੋਣ ਦੇ ਨਾਤੇ ਤੁਸੀਂ ਆਪਣੇ ਧਰਮ ਨੂੰ ਮੰਨਦੇ ਹੋ, ਪਰ ਮੇਰਾ ਪਰਿਵਾਰ ਪ੍ਰਚਾਰਕਾਂ ਦਾ ਪਰਿਵਾਰ ਨਹੀਂ ਹੈ ਅਤੇ ਸਾਡੇ ਘਰ ਵਿੱਚ ਅਜਿਹੀ ਚਰਚਾ ਨਹੀਂ ਹੁੰਦੀ ਸੀ। ਇਹ ਕਿਸੇ ਹੋਰ ਨਿਯਮਤ ਘਰ ਵਰਗਾ ਸੀ

ਸਵਾਲ- / ਜਦੋਂ ਤੁਸੀਂ ਅੰਮ੍ਰਿਤਪਾਲ ਨਾਲ ਸਮਾਂ ਬਿਤਾਇਆ ਹੈ , ਉਹ ਕਿਸ ਬਾਰੇ ਜ਼ਿਆਦਾ ਗੱਲ ਕਰਦਾ ਸੀ ?
ਜਵਾਬ - ਜਦੋਂ ਵੀ ਅਸੀਂ ਗੱਲ ਕਰਦੇ ਹਾਂ, ਇਹ ਜੱਥੇਬੰਦੀ ਬਾਰੇ ਨਹੀਂ ਸੀ। ਅਸਲ ਵਿੱਚ, ਮੈਂ ਉਸਨੂੰ ਡੂੰਘੇ ਸਵਾਲ ਪੁੱਛਣ ਤੋਂ ਬਚਦੀ  ਸੀ ਕਿਉਂਕਿ ਮੈਨੂੰ ਪਤਾ ਸੀ ਕਿ ਉਹ ਪਹਿਲਾਂ ਹੀ ਰੁੱਝਿਆ ਹੋਇਆ ਸੀ ਅਤੇ ਉਸਦੇ ਪ੍ਰੋਗਰਾਮਾਂ ਤੋਂ ਬਾਅਦ ਥੱਕ ਜਾਂਦਾ ਸੀ । ਇਸ ਲਈ ਮੈਂ ਚਾਹੁੰਦੀ  ਸੀ ਕਿ ਉਹ ਆਰਾਮ ਕਰੇ ਅਤੇ ਹਰ ਸਮੇਂ ਉਸਦੇ ਦਿਮਾਗ ਵਿੱਚ ਸਿਰਫ਼ ਇੱਕ ਗੱਲ ਨਾ ਰਹੇ। ਬੇਸ਼ੱਕ, ਜਦੋਂ ਉਹ ਘਰ ਸੀ, ਉਹ ਕਦੇ ਵੀ ਅਜਿਹਾ ਕੁਝ ਨਹੀਂ ਕਰ ਰਿਹਾ ਸੀ ਜਿਸ ਨਾਲ ਕਿਸੇ ਨੂੰ ਕੋਈ ਖ਼ਤਰਾ ਹੋਵੇ; ਉਹ ਬਹੁਤ ਕੋਮਲ ਅਤੇ ਮਾਸੂਮ ਸੀ।
ਉਸਨੇ  ਮੈਨੂੰ ਕਿਹਾ ਸੀ  ਕਿ ਜੇਕਰ ਉਸ ਨੇ ਪੰਥ ਅਤੇ ਸਾਡੇ ਰਿਸ਼ਤੇ ਵਿੱਚੋਂ ਇੱਕ ਦੀ ਚੋਣ ਕਰਨੀ ਹੈ ਤਾਂ ਪੰਥ ਪਹਿਲਾਂ ਆਵੇਗਾ। ਮੈਨੂੰ ਹਮੇਸ਼ਾ ਪਤਾ ਸੀ ਕਿ ਮੈਂ ਉਸਦੀ ਦੂਜੀ ਤਰਜੀਹ ਸੀ। ਪਰ ਉਹ ਸੱਚਮੁੱਚ ਮੈਨੂੰ ਪਿਆਰ ਕਰਦਾ ਹੈ  ਅਤੇ ਕਦੇ ਵੀ ਮੈਨੂੰ ਪਰੇਸ਼ਾਨ ਨਹੀਂ ਦੇਖ ਸਕਦਾ। ਹਰ ਕੁੜੀ, ਹਰ ਔਰਤ ਇੱਕ ਦੇਖਭਾਲ ਕਰਨ ਵਾਲਾ ਪਤੀ ਚਾਹੁੰਦੀ ਹੈ - ਜੇਕਰ ਮੈਨੂੰ ਪਤਾ ਹੁੰਦਾ ਕਿ ਉਹ ਮੈਨੂੰ ਆਪਣਾ ਸਮਾਂ ਨਹੀਂ ਦੇ ਸਕਦਾ ਅਤੇ ਮੇਰੀ ਪਰਵਾਹ ਨਹੀਂ ਕਰਦਾ, ਤਾਂ ਮੈਂ ਉਸ ਨਾਲ ਵਿਆਹ ਕਿਉਂ ਕਰਾਂਗੀ ? ਪਰ ਇਹ ਮੇਰੀ ਚੋਣ ਸੀ.

ਸਵਾਲ -ਕੀ ਤੁਸੀਂ ਉਸਦੇ ਪ੍ਰੋਗਰਾਮਾਂ ਦੌਰਾਨ ਉਸਦੇ ਨਾਲ ਕਦੇ ਗਏ ਸੀ ?
ਜਵਾਬ -ਉਹ ਹਮੇਸ਼ਾ ਚਾਹੁੰਦਾ ਸੀ ਕਿ ਮੈਂ ਸੁਰੱਖਿਅਤ ਰਹਾਂ। ਇਸੇ ਲਈ ਉਹ ਆਪਣੇ ਪ੍ਰੋਗਰਾਮਾਂ ਦੌਰਾਨ ਮੈਨੂੰ ਨਾਲ ਨਹੀਂ ਲਿਜਾਣਾ ਚਾਹੁੰਦਾ ਸੀ। ਮੈਂ ਅਜੇ ਵੀ ਬਾਹਰ ਨਿਕਲ ਸਕਦੀ ਹਾਂ  ਕਿਉਂਕਿ ਕੋਈ ਵੀ ਮੈਨੂੰ ਨਹੀਂ ਪਛਾਣਦਾ  ਅਤੇ ਉਸਨੂੰ ਮਾਰਨ ਵਾਲੀ ਸਾਰੀ ਨਫ਼ਰਤ ਮੈਨੂੰ ਨਹੀਂ ਮਾਰੇਗੀ ਕਿਉ ਕਿ ਉਹ ਮੈਨੂੰ ਨਹੀਂ ਪਛਾਣਦੇ 

ਸਵਾਲ -ਕੀ ਤੁਹਾਡਾ ਪਰਿਵਾਰ ਤੁਹਾਡਾ ਸਮਰਥਨ ਕਰਦਾ ਹੈ?
ਜਵਾਬ- ਜੇਕਰ ਉਹ ਸਹਿਯੋਗੀ ਨਾ ਹੁੰਦੇ, ਤਾਂ ਇਹ ਵਿਆਹ ਨਹੀਂ ਹੋਣਾ ਸੀ। ਮੈਂ ਉਨ੍ਹਾਂ ਨੂੰ ਅੰਮ੍ਰਿਤ ਬਾਰੇ ਦੱਸਿਆ, ਪਰ ਜਦੋਂ ਅਸੀਂ ਪਹਿਲੀ ਵਾਰ ਗੱਲ ਕੀਤੀ, ਤਾਂ ਸਥਿਤੀ ਅੱਜ ਵਰਗੀ ਨਹੀਂ ਸੀ। ਅੰਮ੍ਰਿਤ ਨੂੰ ਨਹੀਂ ਪਤਾ ਸੀ ਕਿ ਪੰਜਾਬ ਵਾਪਸ ਆ ਕੇ ਉਸ ਦਾ ਅਕਸ ਇੰਨਾ ਵੱਡਾ ਬਣ ਜਾਣਾ ਸੀ। ਸਾਡੇ ਕੋਲ ਹੋਰ ਯੋਜਨਾਵਾਂ ਸਨ। ਅਸੀਂ ਸੋਚਿਆ ਵੀ ਨਹੀਂ ਸੀ ਕਿ ਅਸੀਂ ਪੰਜਾਬ ਵਿਚ ਸਦਾ ਲਈ ਰਹਿਣ ਜਾ ਰਹੇ ਹਾਂ। ਮੈਂ ਆਪਣੀ ਨੌਕਰੀ, ਆਪਣਾ ਪਰਿਵਾਰ ਛੱਡ ਦਿੱਤਾ।

ਸਵਾਲ -ਤੁਹਾਡੀ ਮੁੱਖ ਚਿੰਤਾ ਕੀ ਹੈ?
ਜਵਾਬ - ਇੰਨੇ ਦਿਨ ਹੋ ਗਏ ਹਨ ਅਤੇ ਸਾਨੂੰ ਉਸਦੇ ਠਿਕਾਣੇ ਬਾਰੇ ਨਹੀਂ ਪਤਾ ਹੈ। ਜੇਕਰ ਉਹ ਪੁਲਿਸ ਕੋਲ ਹੈ ਤਾਂ ਘੱਟੋ-ਘੱਟ ਸਾਨੂੰ ਪਤਾ ਤਾ ਹੋਵੇ  ਕਿ ਉਹ ਉੱਥੇ ਹੈ, ਪਰ ਸਮੱਸਿਆ ਇਹ ਹੈ ਕਿ ਅਸੀਂ ਉਸ ਬਾਰੇ ਕੁਝ ਨਹੀਂ ਜਾਣਦੇ। ਕੋਈ ਸੰਪਰਕ ਨਹੀਂ ਹੈ ਅਤੇ ਮੈਨੂੰ ਨਹੀਂ ਪਤਾ ਕਿ ਉਹ ਕਿਸ ਸਥਿਤੀ ਵਿੱਚ ਹੈ। ਇਹ ਮੇਰੇ ਲਈ ਬਹੁਤ ਔਖਾ ਹੈ ਅਤੇ ਮੈਂ ਬੱਸ ਚਾਹੁੰਦੀ  ਹਾਂ ਕਿ ਉਹ ਸੁਰੱਖਿਅਤ ਘਰ ਵਾਪਸ ਆਵੇ। ਮੈਂ ਸਭ ਕੁਝ ਉਸ ਲਈ  ਛੱਡ ਦਿੱਤਾ। ਪਰ ਮੈਂ ਅੰਮ੍ਰਿਤ ਨੂੰ ਨਹੀਂ ਛੱਡ ਸਕਦੀ ।

ਸਵਾਲ -ਕੀ ਤੁਸੀਂ ਯੂਕੇ ਵਾਪਸ ਜਾਣ ਦੀ ਯੋਜਨਾ ਬਣਾ ਰਹੇ ਹੋ?
ਜਵਾਬ - ਮੈਂ ਇਸ ਸਥਿਤੀ ਤੋਂ ਭੱਜਣ ਵਾਲੀ  ਨਹੀਂ ਹਾਂ। [ਇੱਥੇ] ਇਲਜ਼ਾਮ ਹਨ ਕਿ ਮੇਰੇ ਯੂਕੇ ਵਿੱਚ ਲਿੰਕ ਹਨ ਜਾਂ ਮੈਂ ਕੁਝ ਗੈਰ-ਕਾਨੂੰਨੀ ਕਰ ਰਹੀ  ਹਾਂ। ਮੈਂ ਇੱਥੇ ਕਾਨੂੰਨੀ ਤੌਰ 'ਤੇ ਹਾਂ, ਮੈਂ ਇੱਥੇ 180 ਦਿਨ ਰਹਿ ਸਕਦੀ  ਹਾਂ। ਮੈਂ ਇੱਥੇ ਦੋ ਮਹੀਨੇ ਪਹਿਲਾਂ ਹੀ ਆਈ  ਹਾਂ। ਮੈਂ ਕਾਨੂੰਨ ਦੇ ਵਿਰੁੱਧ ਨਹੀਂ ਜਾਵਾਂਗੀ  ਅਤੇ ਨਿਰਧਾਰਤ ਸਮੇਂ ਤੋਂ ਵੱਧ ਨਹੀਂ ਰਹਾਂਗੀ। ਇਹ ਹੁਣ ਮੇਰਾ ਘਰ ਹੈ। ਇਸ ਤੋਂ ਪਹਿਲਾਂ ਵੀ ਜਦੋਂ ਮੈਂ ਇੱਥੇ ਛੇ ਮਹੀਨੇ ਰਹਿਣ ਤੋਂ ਬਾਅਦ ਵਾਪਸ ਯੂ.ਕੇ ਗਈ  ਸੀ ਤਾਂ ਆਪਣੇ ਪਰਿਵਾਰ ਨੂੰ ਮਿਲਣ ਲਈ ਇੱਕ ਹਫ਼ਤੇ ਦਾ ਸਮਾਂ ਸੀ। ਅੰਮ੍ਰਿਤ ਨੇ ਕਿਹਾ ਕਿ ਇਹ ਉਲਟਾ ਮਾਈਗ੍ਰੇਸ਼ਨ ਸੀ। ਉਹ ਯੂਕੇ ਨਹੀਂ ਗਿਆ, ਮੈਂ ਇੱਥੇ ਆਈ ਹਾਂ।