Power station:ਤਲਵੰਡੀ ਸਾਬੋ ਪਾਵਰ ਪਲਾਂਟ ’ਚ ਹੁਣ ਪਰਾਲੀ ਬਣੇਗੀ ਕੋਲੇ ਦਾ ਬਦਲ
Published : Apr 28, 2025, 6:06 pm IST
Updated : Apr 28, 2025, 6:06 pm IST
SHARE ARTICLE
Power station: Now straw will be an alternative to coal in Talwandi Sabo Power Plant
Power station: Now straw will be an alternative to coal in Talwandi Sabo Power Plant

ਪਰਾਲੀ ਕਾਰਨ ਕੋਲੇ ਦੀ ਵਰਤੋਂ 5 ਫ਼ੀਸਦ ਘਟੇਗੀ

Power station: ਤਲਵੰਡੀ ਸਾਬੋ ਪਾਵਰ ਲਿਮਟਿਡ (ਟੀ.ਐਸ.ਪੀ.ਐਲ.) ਨੇ ਪੰਜਾਬ ਦੇ ਮਾਨਸਾ ਵਿਖੇ 500 ਟਨ ਪ੍ਰਤੀ ਦਿਨ ਦੀ ਬਾਇਓਮਾਸ ਨਿਰਮਾਣ ਸਹੂਲਤ ਸਥਾਪਤ ਕੀਤੀ ਹੈ। ਵੇਦਾਂਤਾ ਪਾਵਰ ਨੇ ਇਕ ਬਿਆਨ ਵਿਚ ਕਿਹਾ ਕਿ ਨਵੀਂ ਵਿਕਸਤ ਬਾਇਓਮਾਸ ਸਹੂਲਤ ਹੌਲੀ-ਹੌਲੀ ਉਤਪਾਦਨ ਵਧਾਏਗੀ ਤਾਂ ਜੋ ਟੀ.ਐਸ.ਪੀ.ਐਲ. ਨੂੰ ਵਧਦੀ ਮਾਤਰਾ ਵਿਚ ਨਿਰੰਤਰ ਸਪਲਾਈ ਨੂੰ ਯਕੀਨੀ ਬਣਾਇਆ ਜਾ ਸਕੇ।

500 ਟਨ ਪ੍ਰਤੀ ਦਿਨ ਦੀ ਸਮਰੱਥਾ ਵਾਲਾ ਨਵਾਂ ਬਾਇਓਮਾਸ ਪਲਾਂਟ ਖੇਤੀਬਾੜੀ ਪਰਾਲੀ ਨੂੰ ਸਾਫ਼-ਸੜਨ ਵਾਲੇ ਕਾਰਬਨ ਮੁਕਤ ਬਾਇਓ-ਪੈਲੇਟਾਂ ’ਚ ਬਦਲ ਦੇਵੇਗਾ ਜੋ ਕੋਲੇ ਦਾ ਟਿਕਾਊ ਵਿਕਲਪ ਪੇਸ਼ ਕਰੇਗਾ। ਹਾਲਾਂਕਿ ਕੰਪਨੀ ਨੇ ਇਹ ਪ੍ਰਗਟਾਵਾ ਨਹੀਂ ਕੀਤਾ ਕਿ ਇਸ ’ਤੇ ਖ਼ਰਚ ਕਿੰਨਾ ਆਵੇਗਾ।

ਇਸ ਦੇ ਬਾਲਣ ਮਿਸ਼ਰਣ ’ਚ ਬਾਇਓਮਾਸ ਦੀ ਵਰਤੋਂ ਨਾਲ ਟੀ.ਐਸ.ਪੀ.ਐਲ. ਅਪਣੇ ਕਾਰਬਨ ਉਤਸਰਜਨ ਨੂੰ ਦੋ ਤਰੀਕਿਆਂ ਨਾਲ ਘਟਾਏਗੀ। ਸੱਭ ਤੋਂ ਪਹਿਲਾਂ ਕੰਪਨੀ ਨੇ ਝੋਨੇ ਦੇ ਸੀਜ਼ਨ ’ਚ 8 ਲੱਖ ਟਨ ਤੋਂ ਵੱਧ ਖੇਤੀਬਾੜੀ ਪਰਾਲੀ ਖਰੀਦੀ ਹੈ ਤਾਂ ਜੋ ਇਸ ਨਵੀਂ ਸਹੂਲਤ ’ਚ ਲਗਭਗ 6.4 ਲੱਖ ਟਨ ਟੋਰੇਫਾਈਡ ਬਾਇਓ-ਪੈਲੇਟਾਂ ’ਚ ਤਬਦੀਲ ਕੀਤਾ ਜਾ ਸਕੇ। ਦੂਜਾ, ਕੰਪਨੀ ਕੋਲੇ ਦੇ ਇਕ ਹਿੱਸੇ ਨੂੰ ਇਸ ਕਾਰਬਨ-ਨਿਰਪੱਖ ਵਿਕਲਪ ਨਾਲ ਬਦਲ ਕੇ ਰੋਜ਼ਾਨਾ ਕੋਲੇ ਦੀ ਵਰਤੋਂ 5 ਫ਼ੀ ਸਦੀ ਘਟਾਏਗੀ।

ਇਸ ਤੋਂ ਇਲਾਵਾ, ਟੀ.ਐਸ.ਪੀ.ਐਲ. ਰੋਜ਼ਾਨਾ ਖੁੱਲ੍ਹੇ ਬਾਜ਼ਾਰਾਂ ਤੋਂ ਖਰੀਦੇ ਗਏ ਅਤੇ ਫਸਲਾਂ ਦੀ ਪਰਾਲੀ ਤੋਂ ਬਣੇ 450 ਟਨ ਟੋਰੇਫਾਈਡ ਬਾਇਓਮਾਸ ਨੂੰ ਕੋਲੇ ਦੇ ਨਾਲ ਹੀ ਬਾਲਦਾ ਹੈ। ਟੋਰੇਫਾਈਡ ਬਾਇਓਮਾਸ ਇਕ ਉੱਚ ਦਰਜੇ ਦਾ ਠੋਸ ਬਾਇਓਫਿਊਲ ਹੈ ਜੋ ਥਰਮੋਕੈਮੀਕਲ ਪ੍ਰਕਿਰਿਆ ਰਾਹੀਂ ਬਾਇਓਮਾਸ ਜਾਂ ਖੇਤੀਬਾੜੀ ਰਹਿੰਦ-ਖੂੰਹਦ ਤੋਂ ਬਣਾਇਆ ਜਾਂਦਾ ਹੈ।

ਬਿਆਨ ਅਨੁਸਾਰ ਪੰਜਾਬ ’ਚ ਹਰ ਸਾਲ ਲਗਭਗ ਡੇਢ ਤੋਂ ਦੋ ਕਰੋੜ ਟਨ ਪਰਾਲੀ ਪੈਦਾ ਹੁੰਦੀ ਹੈ। ਇਸ ਦਾ ਜ਼ਿਆਦਾਤਰ ਹਿੱਸਾ ਰਵਾਇਤੀ ਤੌਰ ’ਤੇ ਖੇਤਾਂ ’ਚ ਸਾੜਿਆ ਜਾਂਦਾ ਹੈ ਜੋ ਪੂਰੇ ਉੱਤਰੀ ਭਾਰਤ ’ਚ ਗੰਭੀਰ ਮੌਸਮੀ ਹਵਾ ਪ੍ਰਦੂਸ਼ਣ ’ਚ ਯੋਗਦਾਨ ਪਾਉਂਦਾ ਹੈ।

ਵੇਦਾਂਤਾ ਪਾਵਰ ਦੇ ਸੀ.ਈ.ਓ. ਰਾਜਿੰਦਰ ਸਿੰਘ ਆਹੂਜਾ ਨੇ ਕਿਹਾ, ‘‘ਇਹ ਨਵੀਨਤਾਕਾਰੀ ਹੱਲ ਪੰਜਾਬ ’ਚ ਪਰਾਲੀ ਸਾੜਨਾ ਘੱਟ ਕਰਨ ਅਤੇ ਇਕ ਟਿਕਾਊ ਭਵਿੱਖ ਵਲ ਲਿਜਾਣ ’ਚ ਮਦਦ ਕਰੇਗਾ। ਇਹ ਪਲਾਂਟ ਸਾਡੇ ਮੌਜੂਦਾ ਬਾਇਓਫਿਊਲ ਯਤਨਾਂ ਨੂੰ ਪੂਰਾ ਕਰਦੇ ਹਨ ਅਤੇ ਵਧੇਰੇ ਟਿਕਾਊ ਅਤੇ ਭਵਿੱਖ ਲਈ ਤਿਆਰ ਬਿਜਲੀ ਖੇਤਰ ਲਈ ਸਾਡੇ ਲੰਮੇ ਸਮੇਂ ਦੇ ਦ੍ਰਿਸ਼ਟੀਕੋਣ ਨੂੰ ਦਰਸਾਉਂਦੇ ਹਨ।’’ਟੀ.ਐਸ.ਪੀ.ਐਲ. ਅਪਣੀ ਬਾਇਓਮਾਸ ਬਾਲਣ ਪਹਿਲ ਨੂੰ ਜਾਰੀ ਰੱਖੇਗੀ ਜੋ ਤਾਪਮ ਬਿਜਲੀ ਉਤਪਾਦਨ ਨੂੰ ਪ੍ਰਦੂਸ਼ਣ ਮੁਕਤ ਕਰਨ ’ਚ ਸਿੱਧਾ ਯੋਗਦਾਨ ਪਾਵੇਗੀ।

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM

Sukhjinder Randhawa Interview On Rahul Gandhi Punjab'S Visit In Dera Baba nanak Gurdaspur|News Live

15 Sep 2025 3:00 PM

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM
Advertisement