ਟਰੱਕ ਹੇਠ ਆਉਣ ਕਰ ਕੇ ਦੋ ਨੌਜਵਾਨਾਂ ਦੀ ਮੌਤ
ਨਵਾਂਸ਼ਹਿਰ, 27 ਨਵੰਬਰ (ਅਮਰੀਕ ਸਿੰਘ ਢੀਂਡਸਾ): ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਅਧੀਨ ਪੈਂਦੇ ਰਾਹੋਂ ਤੋਂ ਤਕਰੀਬਨ ਛੇ ਕਿਲੋਮੀਟਰ ਦੀ ਦੂਰੀ ਉਤੇ ਪਿੰਡ ਕੰਗ ਵਿਖੇ ਐਸ.ਪੀ. ਪਟਰੌਲ ਪੰਪ ਦੇ ਨਜ਼ਦੀਕ ਇਕ ਦਰਦਨਾਕ ਸੜਕ ਹਾਦਸੇ 'ਚ ਦੋ ਨੌਜਵਾਨਾਂ ਦੀ ਮੌਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਪ੍ਰਾਪਤ ਜਾਣਕਾਰੀ ਮੁਤਾਬਕ ਦੋਨੋਂ ਨੌਜਵਾਨ ਰਾਹੋਂ ਸਾਈਡ ਤੋਂ ਅਪਣੇ ਪਿੰਡ ਗਰਚਾ ਨੂੰ ਆ ਰਹੇ ਸੀ ਤੇ ਇਕ ਟਰੱਕ ਦੀ ਲਪੇਟ ਵਿਚ ਆਉਣ ਅਤੇ ਟਾਇਰ ਹੇਠ ਆਉਣ ਕਾਰਨ ਦੋਨੋਂ ਨੌਜਵਾਨਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਪੁਲਿਸ ਥਾਣਾ ਰਾਹੋਂ ਦੇ ਐਸ.ਐਚ.ਓ. ਹਰਪ੍ਰਰੀਤ ਸਿੰਘ ਦੇਹਲ ਨੇ ਜਾਣਕਾਰੀ ਦਿੰਦਿਆਂ ਦਸਿਆ ਕਿ ਜਸਵੰਤ ਸਿੰਘ ਵਾਸੀ ਪਿੰਡ ਗਰਚਾ ਅਪਣੇ ਦੋਸਤ ਹਰਸ਼ਦੀਪ ਦੇ ਨਾਲ ਕਿਸੇ ਕੰਮ ਵਾਸਤੇ ਰਾਹੋਂ ਗਿਆ ਹੋਇਆ ਸੀ ਅਤੇ ਉਥੋਂ ਵਾਪਸ ਅਪਣੇ ਘਰ ਨੂੰ ਆ ਰਹੇ ਸਨ। ਸੜਕ ਹਾਦਸੇ ਵਿਚ ਦੋ ਨੌਜਵਾਨਾਂ ਦੀ ਮੋਟਰਸਾਈਕਲ ਨਾਲ ਟਕਰਾਅ ਕਾਰਨ ਮੌਤ ਹੋ ਗਈ। ਉਨ੍ਹਾਂ ਦਸਿਆ ਕਿ ਹਰਸ਼ਦੀਪ ਸਿੰਘ ਅਜੇ ਪੜ੍ਹ ਰਿਹਾ ਸੀ ਅਤੇ ਜਸਵੰਤ ਸਿੰਘ ਦਾ ਵਿਆਹ ਹੋਇਆ ਸੀ। ਐਸ.ਐਚ.ਓ. ਨੇ ਜਾਣਕਾਰੀ ਦਿਤੀ ਕਿ ਦੋਨਾਂ ਦੀ ਲਾਸ਼ ਦਾ ਪੋਸਟਮਾਰਟਮ ਸਿਵਲ ਹਸਪਤਾਲ ਨਵਾਂਸ਼ਹਿਰ ਵਿਖੇ ਹੋਇਆ। ਉਥੇ ਟਰੱਕ ਚਾਲਕ ਦੇ ਵਿਰੁਧ ਮਾਮਲਾ ਦਰਜ ਕਰ ਕੇ ਅਗਲੇਰੀ ਆਰੰਭ ਕਰ ਦਿਤੀ ਗਈ ਹੈ।
image
