ਮਹਾਰਾਸ਼ਟਰ 'ਚ ਹਸਪਤਾਲ ਨੂੰ  ਲੱਗੀ ਅੱਗ, ਚਾਰ ਮਰੀਜ਼ਾਂ ਦੀ ਹੋਈ ਮੌਤ

ਮਹਾਰਾਸ਼ਟਰ 'ਚ ਹਸਪਤਾਲ ਨੂੰ  ਲੱਗੀ ਅੱਗ, ਚਾਰ ਮਰੀਜ਼ਾਂ ਦੀ ਹੋਈ ਮੌਤ
ਮੁੰਬਈ, 28 ਅਪ੍ਰੈਲ : ਮਹਾਰਾਸ਼ਟਰ ਦੇ ਠਾਣੇ ਦੇ ਪ੍ਰਾਈਮ ਕਿ੍ਟੀਕੇਅਰ ਹਸਪਤਾਲ ਵਿਚ ਬੁਧਵਾਰ ਸਵੇਰੇ ਅੱਗ ਲੱਗ ਗਈ ਜਿਸ ਵਿਚ ਚਾਰ ਮਰੀਜ਼ਾਂ ਦੀ ਮੌਤ ਹੋ ਗਈ | ਲੋਕਲ ਬਾਡੀ ਦੇ ਇਕ ਅਧਿਕਾਰੀ ਨੇ ਦਸਿਆ ਕਿ ਮਰੀਜ਼ਾਂ ਦੀ ਮੌਤ ਅੱਗ ਲਗਣ ਦੇ ਬਾਅਦ ਦੂਜੇ ਹਸਪਤਾਲਾਂ ਵਿਚ ਲਿਜਾਂਦੇ ਸਮੇਂ ਹੋਈ ਨਾ ਕੀ ਅੱਗ ਵਿਚ ਝੁਲਸਣ ਕਾਰਨ | ਹੋ ਸਕਦਾ ਹੈ ਕਿ ਅੱਗ ਲਗਣ ਦੇ ਬਾਅਦ ਉਨ੍ਹਾਂ ਦੇ ਸਰੀਰਾਂ ਵਿਚ ਧੂਆਂ ਵੜ ਗਿਆ ਹੋਵੇ | ਅਧਿਕਾਰੀ ਨੇ ਦਸਿਆ ਕਿ ਠਾਣੇ ਦੇ ਨੇੜੇ ਮੁੰਬਰਾ ਇਲਾਕੇ 'ਚ ਕੌਸਾ 'ਚ ਸਥਿਤ ਪਾ੍ਰਈਮ ਕ੍ਰਿਟੀਕੇਰਅ ਹਸਪਤਾਲ 'ਚ ਤੜਕੇ ਤਿੰਨ ਵਜ ਕੇ 40 ਮਿੰਟ 'ਤੇ ਅੱਗ ਲੱਗ ਗਈ | ਹਸਪਤਾਲ 'ਚ ਕੋਰੋਨਾ ਵਾਇਰਸ ਦਾ ਕੋਈ ਮਰੀਜ਼ ਨਹੀਂ ਸੀ | ਉਨ੍ਹਾਂ ਦਸਿਆ ਕਿ ਮੌਕੇ 'ਤੇ ਫਾਇਰ ਬਿ੍ਗੇਡ ਦੀਆਂ ਤਿੰਨ 
ਗੱਡੀਆਂ ਅਤੇ ਪੰਜ ਐਂਬੂਲੈਂਸਾਂ ਭੇਜੀਆਂ ਗਈਆਂ ਅਤੇ ਹੁਣ ਅੱਗ 'ਤੇ ਕਾਬੂ ਪਾ ਲਿਆ ਗਿਆ ਹੈ | ਉਨ੍ਹਾਂ ਦਿਆ ਕਿ ਆਈ.ਸੀ.ਯੂ 'ਚ ਦਾਖ਼ਲ 6 ਮਰੀਜ਼ਾਂ ਸਮੇਤ 20 ਮਰੀਜ਼ਾਂ ਨੂੰ  ਸੁਰੱਖਿਅਤ ਬਾਹਰ ਕੱਢਿਆ ਗਿਆ ਹੈ | 
ਮਹਾਰਾਸ਼ਟਰ ਦੇ ਮੰਤਰੀ ਅਤੇ ਸਥਾਨਕ ਵਿਧਾਇਕ ਜਿਤੇਂਦਰ ਅਵਹਾਡ ਨੇ ਦਸਿਆ ਕਿ ਅੱਗ ਨਾਲ ਹਸਪਤਾਲ ਦੀ ਪਹਿਲੀ ਮੰਜ਼ਿਲ ਸੜ ਕੇ ਖ਼ਾਕ ਹੋ ਗਈ ਹੈ | ਉਨ੍ਹਾਂ ਦਸਿਆ ਕਿ ਮੁੱਖ ਮੰਤਰੀ ਉਧਵ ਠਾਕਰੇ ਨੂੰ  ਹਾਦਸੇ ਦੀ ਜਾਣਕਾਰੀ ਦਿਤੀ ਗਈ ਹੈ | ਹਰ ਇਕ ਮਿ੍ਤਕ ਦੇ ਪ੍ਰਵਾਰ ਨੂੰ  ਪੰਜ ਪੰਜ ਲੱਖ ਰੁਪਏ ਦਾ ਮੁਆਵਜ਼ਾ ਅਤੇ ਜ਼ਖ਼ਮੀਆਂ ਨੂੰ  ਇਕ ਇਕ ਲੱਖ ਦਾ ਮੁਆਵਜ਼ਾ ਦਿਤਾ ਜਾਵੇਗਾ ਅਤੇ ਇਸ ਘਟਨਾ ਦੀ ਉਚ ਪੱਧਰੀ ਜਾਂਚ ਕਰਵਾਈ ਜਾਵੇਗੀ |    (ਏਜੰਸੀ)