ਬਾਦਲਾਂ ਵਿਰੁਧ ਨਵੀ ਪਾਰਟੀ ਗਠਨ ਕਰਨ 'ਚ ਬੇਤਾਜ ਨੇਤਾ ਸੁਖਦੇਵ ਸਿੰਘ ਢੀਡਸਾ ਮੈਂਬਰ ਰਾਜ ਸਭਾ ਨੂੰ
ਅੰਮ੍ਰਿਤਸਰ, 28 ਜੂਨ (ਸੁਖਵਿੰਦਰਜੀਤ ਸਿੰਘ ਬਹੋੜੂ): ਬਾਦਲਾਂ ਵਿਰੁਧ ਨਵੀ ਪਾਰਟੀ ਗਠਨ ਕਰਨ 'ਚ ਬੇਤਾਜ ਨੇਤਾ ਸੁਖਦੇਵ ਸਿੰਘ ਢੀਡਸਾ ਮੈਂਬਰ ਰਾਜ ਸਭਾ ਨੂੰ ਕੁਝ ਸਮਾ ਲੱਗ ਸਕਦਾ ਹੈ। ਜਾਣਕਾਰੀ ਦੇ ਮੁਤਾਬਕ ਸ਼੍ਰੋਮਣੀ ਅਕਾਲੀ ਦਲ ਟਕਸਾਲੀ ਦੇ ਪ੍ਰਧਾਨ ਰਣਜੀਤ ਸਿੰਘ ਬ੍ਰਹਮਪੁਰਾ ਪੀ ਜੀ ਆਈ ਜ਼ੇਰੇ ਇਲਾਜ ਹਨ ਜੋ ਇਹ ਖਾਹਸ਼ ਰਖਦੇ ਹਨ ਕਿ ਸ਼੍ਰੋਮਣੀ ਅਕਾਲੀ ਦਲ ਟਕਸਾਲੀ ਦੀ ਹੋਂਦ ਬਰਕਰਾਰ ਰਹੇ ਪਰ ਢੀਡਸਾ ਸਾਹਿਬ ਸ਼੍ਰੋਮਣੀ ਅਕਾਲੀ ਦਲ ਟਕਸਾਲੀ ਨੂੰ ਮੁੜ ਲੀਹ ਤੇ ਲਿਆਉਣ ਲਈ ਗੰਭੀਰ ਹਨ ਤਾਂ ਜੋ ਸਿੱਖ ਕੌਮ ਚ ਸਿੱਧਾ ਤੇ ਸਪੱਸ਼ਟ ਕੀਤੇ ਜਾਣ ਕਿ ਸ਼੍ਰੋਮਣੀ ਅਕਾਲੀ ਦਲ ਹੀ ਅਸਲ ਪਾਰਟੀ ਹੈ ।
ਜੇਕਰ ਟਕਸਾਲੀ ਦੀ ਹੋਦ ਰੱਖ ਲਈ ਤਾਂ ਸ਼੍ਰੋਮਣੀ ਅਕਾਲੀ ਦਲ ਖੁੱਲ ਕੇ ਵਿਚਰੇਗਾਂ। ਇਸ ਵੇਲੇ ਅਕਾਲੀ ਦਲ 1920, ਸ੍ਰੋਮਣੀ ਅਕਾਲੀ ਦਲ ਟਕਸਾਲੀ ਤੇ ਸੁਖਦੇਵ ਸਿੰਘ ਢੀਡਸਾ ਨੇ ਬਾਦਲ ਪ੍ਰਵਾਰ ਤੋ ਖਹਿੜਾ ਛੁਡਵਾਉਣ ਲਈ ਝੰਡਾ ਚੁੱਕਿਆਂ ਹੈ। ਪਰ ਛੋਟੀਆਂ-ਛੋਟੀਆਂ ਸਿਆਸਤਾਂ ਦੀ ਦੁਫਾੜ ਨੇ ਬਾਦਲਾਂ ਨੂੰ ਆਕਸੀਜਨ ਪ੍ਰਦਾਨ ਕਰ ਦੇਣੀ ਹੈ ਤੇ ਜੱਥੇਬੰਦਕ ਢਾਂਚਾ ਬਣਾਉਣ ਚ ਪੱਛੜ ਚੁੱਕੇ ਹਨ ਜੋ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ 2022 ਦੀਆਂ ਵਿਧਾਨ ਸਭਾ ਦੀਆਂ ਚੋਣਾਂ ਲੜਨ ਲਈ ਪੱਬਾਂ ਭਾਰ ਹਨ ।
ਇਹ ਵੀ ਪਤਾ ਲੱਗਾ ਹੈ ਕਿ ਸ ਬ੍ਰਹਮਪੁਰਾ ਸਾਹਿਬ ਮੌਜੂਦਾ ਜਥੇਬੰਧਕ ਢਾਂਚਾ ਰੱਖਣ ਦੀ ਦਲੀਲ ਦੇ ਰਹੇ ਹਨ। ਇਸ ਵੇਲੇ ਸਿਆਸੀ ਹਲਾਤ ਇਹ ਹਨ ਕਿ ਕਾਂਗਰਸ ਸਾਢੇ ਤਿੰਨ ਸਾਲ ਤੋ ਸਤਾ ਵਿੱਚ ਹੈ ਪਰ ਲੋਕ ਤੰਗ ਹਨ । ਵਿਰੋਧੀ ਧਿਰ ਆਪ ਵੀ ਜਨਤੱਕ ਸ਼ਖਸ਼ੀਅਤਾਂ ਉਭਾਰਨ ਦੀ ਥਾਂ ਪਾਟੋ- ਧਾੜ ਹੋ ਗਈ । ਸ਼੍ਰੋਮਣੀ ਅਕਾਲੀ ਦਲ ਤੇ ਭਾਜਪਾ ਗਠਜੋੜ ਦੀ ਅੰਦਰੋ ਤਰੇੜਾਂ ਨਾਲ ਭਰਿਆ ਹੈ ਤੇ ਭਾਜਪਾ ਹਾਈ ਕਮਾਂਡ ਦੀ ਨਜਰ ਸਿੱਖ ਚਿਹਰਾ ਲੱਭਣ ਤੇ ਖੁਦ ਕਮਾਂਡ ਕਰਨ ਦੀ ਉਤਾਵਲੀ ਹੈ । ਦੂਸਰੇ ਪਾਸੇ ਕਾਂਗਰਸ ਵਿੱਚ ਸਿਰੇ ਦੀ ਫੁੱਟ ਹੈ ਪਰ ਢੀਡਸਾ ਦੀ ਅਗਵਾਈ ਹੇਠ ਬਣਨ ਵਾਲਾ ਨਵਾ ਸਿਆਸੀ ਮੰਚ ਛੋਟੇ ਛੋਟੇ ਮਤਭੇਦ ਖਤਮ ਨਹੀ ਕਰ ਸਕਿਆ।
ਸੂਤਰ ਦੱਸਦੇ ਹਨ ਕਿ ਦਿਲਾਂ ਦੀ ਦੂਰੀ ਸੀ ਜੋ ਹੌਲੀ ਹੌਲੀ ਨਜ਼ਦੀਕ ਆ ਚੁੱਕੀ ਹੈ । ਰਣਜੀਤ ਸਿੰਘ ਬ੍ਰਹਮਪੁਰਾ ਦਾ ਬਿਆਨ ਕਾਫੀ ਵਜਨ ਰੱਖਦਾ ਹੈ ਕਿ ਢੀਡਸਾ ਨੇ ਮੇਰੇ ਨਾਲ ਪਾਰਟੀ ਪ੍ਰਧਾਨ ਦੀ ਕੋਈ ਗੱਲ ਨਹੀ ਕੀਤੀ । ਇਸ ਗੱਲ ਤੇ ਪਰਦਾ ਵੀ ਰੱਖਿਆ ਵੀ ਜਾ ਸਕਦਾ ਸੀ, ਪਰ ਬ੍ਰਹਮਪੁਰਾ ਨੇ ਬਿਆਨ ਦੇ ਕੇ ਮਸਲੇ ਨੂੰ ਉਭਾਰ ਦਿੱਤਾ। ਢੀਡਸਾ ਦੇ ਕਰੀਬੀ ਸਾਥੀ ਐਮ ਐਸ ਭੋਮਾ ਨੇ ਦਾਅਵਾ ਕੀਤਾ ਹੈ ਕਿ ਸਭ ਮਤਭੇਦ ਖਤਮ ਹੋਣਗੇ ਤੇ ਪ੍ਰਧਾਨਗੀ ਦਾ ਤਾਜ ਸਰਬਸੰਮਤੀ ਨਾਲ ਯੋਗ ਨੇਤਾ ਦੇ ਸਿਰ ਰੱਖਿਆ ਜਾਵੇਗਾ । ਜੋ ਪਾਰਟੀ ਦੇ ਸਭ ਆਗੂਆਂ ਨੂੰ ਨਾਲ ਲੈ ਕੇ ਚੱਲਣ ਦੀ ਸਮਰੱਥਾ ਰੱਖਦਾ ਹੋਵੇਗਾ
